شو رايكم ف هالتلفون ؟

[ألم ترى]

السلام عليكم والرحمه
هلا والله بكل واحد يساعدني

شو اريكم ف نوكيا n73 ؟
ابي اشتريه ولين اللحين متخادي
يلا اترياكم إذا اوكيه ف باشر بعون الله بشتريه
بحفظ الله

[أمواج]

تبــا شوري
خل عنــك النوكيــا واشتر سوني أريكسوون
أحســن بوايد عن النوكيــا واللي يشــتريه مايندم عليــه موليه

[قرموشة]

فنــااااان ..
انا شخـصيـا عايبنـي واايـد ..
والوردي دلللع .. بس كـل بنـات الجامعه عدهن ايــاااه ..
So يعنـي .. توكـل على الله ..


قرمـوشـة

[بنت ناس و عرب]

خل عنك النوكيا و السوني اركسن و كل هالبطيخ

خذ لك imate smart phone و لا imate jam

كون مميز و ما يتغير كليوم يتم على كل 6 شهور يديد يعني الواحد ما يقول تلفونه جديم

[الدلووووعة]

انا اشوف انه يمدحونه

بس انت اسئل حد مشترنه لنه هو اللي بيفيدك اكثر عنا

[كـلـكـلـووش]

انا عندي واحد .. عجيب و حلو .. و مريحني و مش معقد ..
لين الحين ما جد علق علي

[المزوحي]

انا أول مانزل شفته باللون الماروني عيبني ... لكن ماحب استعيل وآخذه والصراحة مايهمني كلام
الناس يوم يقولون لي بعدك و " ي " هالموبايل .. عندي 6230

ويوم نزل N70 حد يمدحه وحد يذمه ونزل 72 نفس الشي .. في ناس لو يعلق وغيره يمدحونه عسب تشتريه وتتوهق ( خخخ)

والحين 73

يعني بصراحة اي واحد من هالثلاث افضل ؟؟؟

[مخاوية الامل]

السلام عليكم ورحمــة اللهـ وبركـــــااتـه . ،

خويه عنده N73 وااايد يمدحــه .. ، ويقول عنه سهــل .. !

عني أنا أنصحك به .. مابتنــدمــ . ،

[ألم ترى]

بسم الله الرحمن الرحيم ..

اشكركم ع التعاون والمساعده ..

ادري بأنكم بتضربوني هيه هيه ! ..

تراني اليوم بعون الله بشتري نوكيا الكروم اللي قيمته تقريبآ 2200 ..

ما ادري ليش غيرت لئن واحد من ربعي واااايد يمدحه ويقول احلى تلفون استخدمه ..

[تحفه]

انا كنت عنصريه لـ سوني اركسن وبس ..

لكن تبي الصراحه .. قدوتي في الموبايلات ولد عمتي ( ادري إمحق قدوه ههه ) مدحلي هالنوكيا .. يقول احسن واحد نزل

[تحفه]

انا كنت عنصريه لـ سوني اركسن وبس ..

لكن تبي الصراحه .. قدوتي في الموبايلات ولد عمتي ( ادري إمحق قدوه ههه ) مدحلي هالنوكيا .. يقول احسن واحد نزل فأفكر آخذه

[تحفه]

انا كنت عنصريه لـ سوني اركسن وبس ..

لكن تبي الصراحه .. قدوتي في الموبايلات ولد عمتي ( ادري إمحق قدوه ههه ) مدحلي هالنوكيا .. يقول احسن واحد نزل فأفكر آخذه

[ألم ترى]

بسم الله الرحمن الرحيم ..

يزاكم الله خير ع كل حال ..

جان احصل نوكيا يديد من اختي الحبوبه ببلااااش ! ..

وفرت علينا هيه هيه ..

[قرموشة]

مـبروووووك محــب الشيخـييين ..

[ألم ترى]

بسم الله الرحمن الرحيم ..

الله يبارك ف حياتك ويهنيج ف دنياج واخرتج ..

بحفظ الله ..