نتائج الدوري الإماراتي !

[ألم ترى]

السلام عليكم والرحمه



الأسبوع الأول

الخميس 21 سبتمبر 2006



فاز فريق الشارقة ع الصاعد فريق دبي فوز من العيار الثقيل 6:3
تم تسجيل 3 اهداف لـ سعيد الكاس وهدف لـ رسول خطيبي وهدف لـ عبدالعزيز العنبري
اهداف دبيهدفين لـ غريغوري دوفرينيس وهدف لـ علي حسن غلوم



تعادل عادل ف ديربي دبي بين فريق النصر و الوصل1:1
تم تسجيل هدف الوصل ارش برهاني وهدف الوصل لـ اوليفيرا

الجمعة 22 سبتمبر 2006



فاز فريق الجزيرة ع الشباب فوز ثقيل ع ارضه ومن بين جمهوره 4:1
تم تسجيل هدفين لـ محمد عمر وهدف لـ توني و هدف لـ ابراهيما دياكيه من الجزيرة
وهدف لـ إيمان مبعلي لـ الشباب



فاز فريق نادي الامارات صاحب الأرض والجمهور ع الوصيف العام الماضي نادي الوحدة 2:0
تم تسجيل هدف من المحترف الإيراني عنايتي
والهدف الثاني بأرجل وحداوية وهو هدف عكسي برجل المدافع طلال عبدالله وتم تسجيله بأسم عنايتي !



فاز الصاعد فريق الفجيرة ع الأهلي صاحب الأرض والجمهور 3:1
تم تسجيل الأهداف من الفجيرة عثمان إدريس وهدفين لـ أحمد خميس
وهداف الاهلي حسن علي ابراهيم

الأسبوع الثاني

الخميس 28 سبتمبر 2006



تعادل عادل بين الشباب صاحب الارض والشعب الطامح 2:2
اصحاب الاهداف لـ الشباب ايمان مبعلي وسالم سعد مبارك
وللشعب جواد كاظميان وسيف محمد



فاز فريق دبي ع الفجيرة ف ارضه وبين جمهوره
بـ ثلاثيه بيضاء من ارجل المحترف غريغوري دوفرينيس



فاز الوصيف العام الماضي فريق الوحدة ع الجزيرة 2:1
اصحاب الاهداف ايلي كرويبي ضربة جزاء و مامادو باكايوكا وللجزيرة يوسف عبد العزيز

الجمعة 29 سبتمبر 2006



فاز بطل الدوري العام الماضي فريق الأهلي ع نادي العين 1:0
صاحب الهدف عادل عبدالعزيز



تعادل من دون اهداف بين الشارقة و النصر 0:0 !



خسر نادي الامارات من نادي الوصل ف ارض الفهود بـ 3:1
اصحاب الاهداف لـ الامارات رضا عنايتي
وللوصل خالد درويش و محمد سالم العنزي و اندرسون

الأسبوع الثالث

الأثنين 2 أكتوبر 2006



خسر نادي العين من صاحب الارض والجمهور نادي الشباب 3:1
اصحاب الاهداف ال 4 شبابيه !
ايمان مبعلي هدفين وعيسى عبيد هدف
وللعين هدف بالخطآ من المدافع الشبابي عيسى محمد !



خسر نادي الوحدة من الشعب 1:0
تم تسجيل الهدف من المدافع عبدالرحمن ابراهيم من كره ثابته



فاز فريق دبي ع نادي الاهلي 2:1
اصحاب الاهداف من دبي غريغوري دوفرينيس و دودزي كواجي
وهدف الاهلي خالد محمد

الثلاثاء 3 أكتوبر 2006



فاز نادي الوصل فوز ثمين جدآ ع نادي الجزيرة 1:0
صاحب الهدف المحترف البرازيلي اندرسون




تعادل بين الامارات والشارقة 1:1
صاحب الهدف الشرجاوي مسعود شجاعي
وللأمارات لا توجد تفاصيل !



فوز نادي النصر ع اهلي الفجيرة 1:0
صاحب الهدف محمد ابراهيم البلوشي

قائمة الهدافين

لاعب دبي غريغوري دوفرينيس برصيد 6 اهداف
لاعب الشباب ايمان مبعلي برصيد 4 اهداف
لاعب الامارات رضا عنايتي برصيد 3 اهداف
لاعب الشارقة سعيد الكاس برصيد 3 اهداف
لاعب الجزيرة محمد عمر برصيد 2 هدفين
لاعب الشارقة رسول خطيبي برصيد 2 هدفين
لاعب الوصل اندرسون برصيد 2 هدفين
لاعب الفجيرة احمد خميس برصيد 2 هدفين
والبقيه برصيد هدف واحد وهم 22 لاعب بستثناء لاعبين العين و الامارات !

لـ الأمانه الصور تم اخذها من موضوع الأخ عاشق القلم هنا

مع السلامه

[هزاايم]

الإسبووع هذا الصرااحه اشياا غريبه صاارت
يعني الوحده والعين جذى يصير بهم
الصرااحه الدوري هالموسم غير
اكشن الصرااحه
اللهم لاحسد
عسااه دووم عسب نستمتع

تسلم ياالشيخ على الجهد و سلمت يمناكم على الصور والنتايج

[مــهــابه]

سبحــــان الله
دنيــــا

[فركوشه]

وافضيحتاه..

بلاه الوحده جي..؟

[كـلـكـلـووش]

نفس ما قال مال الله لاعب فريق الامارات .. الوحده داش الفريق و مستعيل ع الفوز .. يعني جنه ياي يفوز و يروح و ضامن الفوز .. و ما مسوي اي حساب للفريق الخصم .. و هالمشكله تعودنا عليها في دورينا نحن .. الفرق القويه ما تسوي حساب للفرق الضعيفه .. لكن لين متى ؟! الضعيف يقوى و القوي يضعف .. !

النتايج حلوه لين الحين .. و حلاة الدوري يوم تطلع فرق يديده للساحه .. و احلى ما في الموضوع .. ان الوصل رجع لمستواه .. و اتمنى ان يستمر على هالمنوال ..

ســـلام

[تنينه]

السلام عـليكم والرحــمــه ,,


مجهود تـشكر عليه محامي دفاع زيدان ,,

دورينا هالـسنه صدق غييييييييييير ,, و شي مفاجـآت مب حلووه


بالتوفيييج للكل

[عفاريتووو]

السلام عليكم


الدوري هالسنة خارج التوقعات
و السبب نفس ما قال كلكلوش ,, ثقة الفرق الزايدة في عمارهم
اللي تخليهم يستهينون بالفرق الثانية


عيل بطل الدوري يخسر من الفريقين الصاعدين من الدرجة الثانية
شو نقوول

[كـلـكـلـووش]

عيل بطل الدوري يخسر من الفريقين الصاعدين من الدرجة الثانية
شو نقوول

عــنــد الـعــايـيـز كـل شــي يــايـــز

[الدلووووعة]

والله انا عن نفسي اقول
يستاهلون اللي هم فيه هيل الفرق الكبار
كل ها اللي استوى بهم من خقتهم وبطرتهم

( بس ان شاءالله يحسون ويردون شرات قبل ( اقصد الوحده ^_^))

[راعي الزعـامه]

الشي اللي يفرحني فهالدوري ان اندية الدرجة الثانية مستواهم رائع جدا
خاصه دبي والدليل الهداف هو مهاجم دبي ،،،

و لا تعليق على فرسان القاع ،، العين و الوحده والاهلي
ووااااحسرتااااه عالزعيم ،، !!

[العجيبة]

مع اني وحـداويه لين الحين ..

بس قلبي معورني ع العين وادارته ، ما أدري اي معاناة يعيشونها الحين من بعد الدعايات اللي تارسه ابوظبــي من أولها الى اقصاها حتى في السمحة اللي هي منطقة حدودية ما سلمت من " الزعيم بطل بلا حدود " !!!! وآخــر شي ولا نتيجة تســر ..


الوحــدة أعتقد انه بعده مب مستوعب ان الدوري بدااا .. ،

ما نتمنى الحـال يتم على ما هو عليه ونشوف الوحدة أو العين في الدرجة الثانية !!