عـيـن صـابت الـعين

[تنينه]

الســلام عـليكم والرحــمـه ,,

حـسره وألـــم !! ,, لمــا آل لـه نـادي الـعين ,,

خـساره بعد خساره وتخبط بــعد تـخبط ,,

لماذا ؟! ,,

مـاذا حـدث للزعـيم ولـما تلك التخبطات والهــزاايم المتتاليـه ؟!,,

خـــسااره كبيره في أرضـه وبين جـماهيـره أمـام القادسيه الكـويتي ,, خسارة أحزنت كـل إماراتي لخروج ممثلها الإماراتي من بطولة آسـياا ,,

حـاولنا أن ننسى أو نـتناسـى خروجـه الحزين من البطولـه ,, بإنشغالنا في الدوري أو إشـعال فتيل الأمـل بالـتميز في دوريـنا ,,

ولكــن ماذا حـصل ؟!! ,,

خـسااره بعد خـسااره ,,

والأن نادي العين موقعه في المركز الأخير في ترتيب جدول الدوري

أيــن الخلل ؟!

هـل هـو في الإداره أم المـدرب أم الاعـبين ,, أم هـي عـين صابت العين كـما قال المعلق في مباراة الأهلي

وييــنك يـا بو خالد؟!

ألحق ع الزعيـم قبل لا نـوصل للدرجه الثانيه

[كـلـكـلـووش]

يا عزيزتي هذا هو حال الكرة ..

اليوم فوق .. و باجر تحت .. و كله نتيجة التكبر !

نعم نتيجة التكبر .. ما اتكلم عن العين .. لا .. اتكلم عن اي نادي يصل للقمه ..

عندج الشارجه و الوصل .. كانو افضل ناديين في الامارات .. و لكن في السنوات الاخيره اين هم ؟
كله بسبب تضخيم الفريق اعلاميا .. و الاهتمام بالفريق الاول بشكل اكبر عن المراحل السنيه !

بتقولين لي العين يهتم بالنشىء ؟ نعم صحيح .. العين يهتم بالنشىء .. لكن أين هم الآن ؟1 و هذا السؤال اللي المفروض ينطرح !

ليش الاوجه هي نفسها من كم سنه الحين ؟ هؤلاء اللاعبين الموجودين حاليا لهم فتره للعطاء ! فتره بيقدرون يعطون فيها للفريق و للكره .. بس لازم ايي غيرهم و يأهلونه عشان يكمل المسيره ..

احس ان نادي العين يسلك مسار نادي الوصل في غلطته .. فريق الوصل كان يملك فريق قوي جدا .. كانو كلهم ذو مهارات و اصحاب خبره .. لكن شوي شوي بدأو يرحلون عن الفريق . لكبر السن او للإصابات او ما شابه .. بعدين ييه دور الشباب .. و شي طبيعي بما ان الشباب ما عندهم خبره .. لازم نصبر عليهم .. لكن الوصل صبر ما يقارب الـ 10 سنوات حتى يرجع لسابق عهده .. و الحين نحن نشوف نتايجه لإنه مزج بين الخبره و الشباب .. و كانت هذي هي النتايج ..

العين مش بحاجه للإحتراف على الورق .. و مش معناة الاحتراف بعطيك بيزات و بفرغك و اباك تعطيني في الملعب ! لأ .. الاحتراف إلتزام .. و أكل مخصص و تمارين متواضبه و الالتزام لا يعني فقطط في الملعب .. بل حتى خارج الملعب ..

و االعين وراه رجال .. و انا واثق ان هذيل الرجال مب راضين عن الفريق .. و انا متأكد ان التغيير بيطال الكثيرين حتى يرجع العين لسابق عهده ..

و حتى لو .. لازلنا في بداية الطريق .. و لسه المشوار طويل .. لا نستعيل في الحكم

ســلام
كـلـكـلـووش

[مــهــابه]

هــالملعــب فــال شر عليـــهم

والله خــاطريه كل لاعب يشوفـ عمره كيف يلعـــب ، عل وعســى يعتدل لــعبهم..
والله العظيــم مب شفنا من وراهــم غير حرق الاعصـــاب

بــس ان شاء الله فــتره وتعــدي ، والعين اكبــر من أي نكــسه

ونحــن بانتظار الزعيــــم

[الدلووووعة]

العين شو اللي وصلاه لها المستوى غير خقتهم

[بوزايد]

اعتقد الفرق قويه هالسنه

[ألم ترى]

بسم الله الرحمن الرحيم ..

الزعيم يبغى زعيم والايام بتثبت لكم إن شاء الله ! ..

انجازاته ما لها مثيل والكل قال الزعيم متخبط العام الماضي ولكن طلع ب بطولتين ولا اروع ..

واللي يتكلم واااايد طلع بدون ( أي ) بطوله ..

شكرآ ع الطرح اختي ..

[تنينه]

كـلكليشن ::


أتـقول حـال الكـره ,, أدري انـه يوم لـك ويوم عليك سواء في الكـره أو أي مجال ثاني في الحيااه ,, بـس العين مـعرووف عـنه إنــه لو خـسر أو انتـكس أو نـزل مستوااه ما ينزل للمستوى اللي أنجوفه ألـحين دومـه يهبط شوي ويسترد مستواه بـسرعه بـس الحين شكله مب طايـع يرد للزعيم أللي أنــعرفـه

ليش الاوجه هي نفسها من كم سنه الحين ؟ هؤلاء اللاعبين الموجودين حاليا لهم فتره للعطاء ! فتره بيقدرون يعطون فيها للفريق و للكره .. بس لازم ايي غيرهم و يأهلونه عشان يكمل المسيره ..

كـل سـنه أو سنتيـن أنلاحظ دخـول لاعب يديد للـنادي ,, وأي وجـوه هـاي أللي توقف العـطاء عـندهم ؟ أكثر لعيبة الـعين شباب ,, ما شاب الشـعر فيهم ,,


وبالنـسبه لنـادي الوصـل صحيح كلامـك وغـلطتهم ,, بـس ما أعـتقد العين تتشـابه معاها في شي غـير التـضخم الإعلامي والبـطره اللي كان عليها الوصل سابقاً والعين حالياً ومن فتره غير بعيده ,,

و االعين وراه رجال .. و انا واثق ان هذيل الرجال مب راضين عن الفريق .. و انا متأكد ان التغيير بيطال الكثيرين حتى يرجع العين لسابق عهده ..

وانـا بعد أتمنى هالـشي قبل لا يطيـح النـادي أكـثر ,, الوصـل في السابق كـان وراه رجال طول مسيرتـه الذهبيه بـس من نـزل وصار فيـه أللي صـار ما قمنا أنجـوف حـد وراه أو يسـانده بمعنى المسااانـده يعني ,, الله المسـتعان بس ,,

و حتى لو .. لازلنا في بداية الطريق .. و لسه المشوار طويل .. لا نستعيل في الحكم

كـل هالخسااير بـداية الله يستر عيل من المنتصف والنـهايـه ,,


يسلموو ع التواجد الجمييل

[كـلـكـلـووش]

أتـقول حـال الكـره ,, أدري انـه يوم لـك ويوم عليك سواء في الكـره أو أي مجال ثاني في الحيااه ,, بـس العين مـعرووف عـنه إنــه لو خـسر أو انتـكس أو نـزل مستوااه ما ينزل للمستوى اللي أنجوفه ألـحين دومـه يهبط شوي ويسترد مستواه بـسرعه بـس الحين شكله مب طايـع يرد للزعيم أللي أنــعرفـه

منو قال ما ينزل مستواه !
نسيتي الموسم اللي طاف ! مستواه كان صدق سيء لكن الحظ كان يخدمه في الاهداف !
العين من الموسم اللي طاف كان مستواه بهالشكل .. بس اللي كان يخدم العين هو انه نتايجه كانت تشفع له .. فـ الفوز يغطي على الخساره .. لكن الحين ماا في حظ عشان يفوزون حتى .. و هني العله ..

كـل سـنه أو سنتيـن أنلاحظ دخـول لاعب يديد للـنادي ,, وأي وجـوه هـاي أللي توقف العـطاء عـندهم ؟ أكثر لعيبة الـعين شباب ,, ما شاب الشـعر فيهم ,,

مب شرط يشيب الشعر براس اللاعب عشان يكون غير قادر على العطاء .. فهد علي شو اللي قدمه للفريق ؟؟ مستواه في تدني حاد ! عبدالله علي انذاراته في المباريات بدت تزيد .. جمعه خاطر هذا بروحه حكايه ثانيه ! هذيل كلهم شاغلين مراكز مهمه .. و غير هذا .. اللاعبين الاجانب اللي يملكهم العين .. مش بالمستوى ..

وبالنـسبه لنـادي الوصـل صحيح كلامـك وغـلطتهم ,, بـس ما أعـتقد العين تتشـابه معاها في شي غـير التـضخم الإعلامي والبـطره اللي كان عليها الوصل سابقاً والعين حالياً ومن فتره غير بعيده ,,

تتشابه يا خوج .. و الدليل النتايج و الانكاسه الي صارت للعين مثل ما صارت للوصل ..

وانـا بعد أتمنى هالـشي قبل لا يطيـح النـادي أكـثر ,, الوصـل في السابق كـان وراه رجال طول مسيرتـه الذهبيه بـس من نـزل وصار فيـه أللي صـار ما قمنا أنجـوف حـد وراه أو يسـانده بمعنى المسااانـده يعني ,, الله المسـتعان بس ,,

اختي .. الوصل كان وراه رجال .. لكن النادي طاح بعد ما طلعو هالرجال من هالنادي .. بس العين رجاله للحين موجودين و باقين في النادي ..

كـل هالخسااير بـداية الله يستر عيل من المنتصف والنـهايـه ,,

في منتصف دوري السنه اللي طافت الاهلي كان في المركز السابع .. و على آخر الدوري خذا اللقب .. فـ شو بالج بـ 3 مباريات ..

يسلموو ع التواجد الجمييل

[تنينه]

لي عوده بعد حــين

[راعي الزعـامه]

اول شي لعيبة العين كلهم كبار واكل عليهم الدهر وماعندهم شي يقدمونه ناهيك عن المحترفين اللي وجودهم بعدمه واحد ،،
معتز ،، فهد وعبدالله علي ،، جمعه ،، هلال ،، غريب ،، هايلا ابرز الاعبين اللي مستواهم نازل و بسبتهم العين خسر اخر مبارياته ،،
وطبعا اذا نص الفريق مايقدم اكيد الفريق بكبره مابيقدم ،،
وغير ان الادارة العيناوية نظريتها فجلب المحترفين غريبه ،، مادري على اي اساس محتفظين بالموجودين ،،

بنشوف المباراة اليايه وشو بتسوي
بعد ما انتقدهم بشده الشيخ هزاع وقابلهم بعد اخر مباراة
ان شاء الله خير ،،

[كـلـكـلـووش]

اول شي لعيبة العين كلهم كبار واكل عليهم الدهر وماعندهم شي يقدمونه ناهيك عن المحترفين اللي وجودهم بعدمه واحد ،،
معتز ،، فهد وعبدالله علي ،، جمعه ،، هلال ،، غريب ،، هايلا ابرز الاعبين اللي مستواهم نازل و بسبتهم العين خسر اخر مبارياته ،،
وطبعا اذا نص الفريق مايقدم اكيد الفريق بكبره مابيقدم ،،
وغير ان الادارة العيناوية نظريتها فجلب المحترفين غريبه ،، مادري على اي اساس محتفظين بالموجودين ،،

بنشوف المباراة اليايه وشو بتسوي
بعد ما انتقدهم بشده الشيخ هزاع وقابلهم بعد اخر مباراة
ان شاء الله خير ،،

و المشكله ان اغلبهم في المنتخب !

[تنينه]

عــدنــا

منو قال ما ينزل مستواه !
نسيتي الموسم اللي طاف ! مستواه كان صدق سيء لكن الحظ كان يخدمه في الاهداف !
العين من الموسم اللي طاف كان مستواه بهالشكل .. بس اللي كان يخدم العين هو انه نتايجه كانت تشفع له .. فـ الفوز يغطي على الخساره .. لكن الحين ماا في حظ عشان يفوزون حتى .. و هني العله ..

المـستوى أللي طـاف صـدق كـان مسـتواه نـازل بس ما كـان صدق سيء ولا جـان ما فـاز ببطولتين لا أتقولي حـظ ,, واذا نتـايجـه كانت تـشفع لـه تراها كانت إيجابيه ويـت بعد فوز وجـهد ولو ما كان مستواها ذاك المستوى بـس بعد أدى ,,

مب شرط يشيب الشعر براس اللاعب عشان يكون غير قادر على العطاء .. فهد علي شو اللي قدمه للفريق ؟؟ مستواه في تدني حاد ! عبدالله علي انذاراته في المباريات بدت تزيد .. جمعه خاطر هذا بروحه حكايه ثانيه ! هذيل كلهم شاغلين مراكز مهمه .. و غير هذا .. اللاعبين الاجانب اللي يملكهم العين .. مش بالمستوى ..

فـهد عـلي انا معـاك انـه مستواه في تـدني, ولـو إنـه كان في فتره من الفترات لاعب مهـم جداً في الملعب وكـنا نتفـائل صدق يوم يلعب مع النـادي ويوم ما يكون مـوجود يكون مـركزه فاضي ,, مـا صرنا أنـجوف لـه وجود قـوي أو حـتى مؤثـر ,, بـس هـذا ما يعني إنـه خلاص نستغني عـنه تراها في النهايـه بتكون لـه خبره ,, لـكن ما يدخلونـه الملعب إلا بعد ما يسترد مستوااه ولـعبه , وألـحين أنجوف إنـه ما يلعب في المباراه كلـها ومرات ما يدخلونـه حتـى وإذا دخـلوه انا أجوف إنـها فرصه له عسب يثبت ذاته ويحاول يرد فهد أللي انعرفـه ,, الاعبين الأجـانب أتفق مـعاك انهم مش بالمستوى وأتمنى الإداره تلاحق عليهم ,, ع العمـوم وجود لعيبة الـخبره مـهم في أي نـادي وصـعب انك تتنازل عـنهم لأنـه في مباراه ولا مبارتين نـزل مستواهـم ,,

اختي .. الوصل كان وراه رجال .. لكن النادي طاح بعد ما طلعو هالرجال من هالنادي .. بس العين رجاله للحين موجودين و باقين في النادي ..

بـتقولي يعني إنـهم طلعوا من النـادي والنـادي في أوج انتصاراتـه مـا أعتقد

في منتصف دوري السنه اللي طافت الاهلي كان في المركز السابع .. و على آخر الدوري خذا اللقب .. فـ شو بالج بـ 3 مباريات ..

كـان في المركز السـابع مـب 12

[تنينه]

مــهــابه

هههه صـدقج والله فال شـر حتى انا قلت جـي ,, يالله مـا علي إن شااء الله بس يجوفون عـمارهم ويردون شرات قبل وأحـسن ولو إنـي موول مب حاطه أمـل يعني بس إن شااء الله خير


تسلميين الغاليه ع التواجد الجمييل


الدلــوعه

الـخقه بعد سبب بس ما علي إن شااء الله يردون شرات ما عرفناهـم

تسلميين دلوعتنا ع التوااجد الحلوو


مـحب الشيخـين

انجازاته ما لها مثيل والكل قال الزعيم متخبط العام الماضي ولكن طلع ب بطولتين ولا اروع ..

واللي يتكلم واااايد طلع بدون ( أي ) بطوله ..

في الانتـظار نحن

كل الشكر على هالتواجد الجميل

عـاشق القـلم

اول شي لعيبة العين كلهم كبار واكل عليهم الدهر وماعندهم شي يقدمونه ناهيك عن المحترفين اللي وجودهم بعدمه واحد ،،
معتز ،، فهد وعبدالله علي ،، جمعه ،، هلال ،، غريب ،، هايلا ابرز الاعبين اللي مستواهم نازل و بسبتهم العين خسر اخر مبارياته ،،
وطبعا اذا نص الفريق مايقدم اكيد الفريق بكبره مابيقدم ،،

تـرى اللعيبه مستواهــم نــازل وهـذا سبب بـعد ونتمنى الإداره تتـفاده وأتحـله ,,


ع الـعموم نـحن كلنا في انتـظار تغيير شامـل ومخطط


يسلموو ع التواجد

[كـلـكـلـووش]

المـستوى أللي طـاف صـدق كـان مسـتواه نـازل بس ما كـان صدق سيء ولا جـان ما فـاز ببطولتين لا أتقولي حـظ ,, واذا نتـايجـه كانت تـشفع لـه تراها كانت إيجابيه ويـت بعد فوز وجـهد ولو ما كان مستواها ذاك المستوى بـس بعد أدى ,,

العين كان يعطي نتيجه .. ما كان يعطي اداء .. و شي وايد فرق خذت بطولات بنتيجه من دون اداء .. و مب معناته خذو بطولتين مناته ان ادائهم كان جيد ! الاداء شي .. و النتيجه شي ثاااااني .. ممكن انا اليوم اادي و اخسر .. و ما اييب اي بطوله .. هل هذذا معناته ان ادائي كان سيء ؟

فـهد عـلي انا معـاك انـه مستواه في تـدني, ولـو إنـه كان في فتره من الفترات لاعب مهـم جداً في الملعب وكـنا نتفـائل صدق يوم يلعب مع النـادي ويوم ما يكون مـوجود يكون مـركزه فاضي ,, مـا صرنا أنـجوف لـه وجود قـوي أو حـتى مؤثـر ,, بـس هـذا ما يعني إنـه خلاص نستغني عـنه تراها في النهايـه بتكون لـه خبره ,, لـكن ما يدخلونـه الملعب إلا بعد ما يسترد مستوااه ولـعبه , وألـحين أنجوف إنـه ما يلعب في المباراه كلـها ومرات ما يدخلونـه حتـى وإذا دخـلوه انا أجوف إنـها فرصه له عسب يثبت ذاته ويحاول يرد فهد أللي انعرفـه ,, الاعبين الأجـانب أتفق مـعاك انهم مش بالمستوى وأتمنى الإداره تلاحق عليهم ,, ع العمـوم وجود لعيبة الـخبره مـهم في أي نـادي وصـعب انك تتنازل عـنهم لأنـه في مباراه ولا مبارتين نـزل مستواهـم ,,

وجود اللاعبين الخبره مهم في كل نادي .. ما اختلفنا فيها .. لكن يجب وجود لاعبين خبره على مستوى .. يعطون للفريق ... مش يكونون عاله على الفريق ! و اللاعبين الخبره لازم يعطون عشان الصغار يستفيدون .. مش الصغير يعلم الكبير ! و فهد علي لاعب كبير له تاريخه .. محد قال شي .. و اتمنى ان يرد لمستواه ..

بـتقولي يعني إنـهم طلعوا من النـادي والنـادي في أوج انتصاراتـه مـا أعتقد

هيه نعم .. ليش النادي اذا ياب بطوله الاداره تتمسك في النادي ؟ بعطيج مثال جريب و ما بسير بعد واييد .. السنه اللي طافت .. بعد ما خذى الاهلي الدوري .. تم حل مجلس ادارة نادي الاهلي و تم اعطاء الفرصه لناس غيرهم .. فـ مش مشكله اذا طلعت الاداره و النادي يايب بطوله او بطولتين ..

كـان في المركز السـابع مـب 12

انا قلت في منتصف الدوري .. مش في بداية الدوري

ســــلام

[تنينه]

العين كان يعطي نتيجه .. ما كان يعطي اداء .. و شي وايد فرق خذت بطولات بنتيجه من دون اداء .. و مب معناته خذو بطولتين مناته ان ادائهم كان جيد ! الاداء شي .. و النتيجه شي ثاااااني .. ممكن انا اليوم اادي و اخسر .. و ما اييب اي بطوله .. هل هذذا معناته ان ادائي كان سيء ؟

أدري نتيجـته كانت أفضل من أدائـه ما اختلفنا لـكن أدائـه ما كـان ناازل واااايد ,, مـب إنـه ما كان يـأدي يأدي ,, كـنا أنجوف اللعيبه في الملعب ولو بعضهم ما كان بالمستوى بس كـانوا يلعبون ويركضون ورى الكـره ويسوون إلين ما حققوا بطولتيــن ,, خـذا بطولتين وأدائـه سيء ما تركب أدائـه ما كـان ذاااك الزود بس نقدر انقول عليه جـيد ,,

وجود اللاعبين الخبره مهم في كل نادي .. ما اختلفنا فيها .. لكن يجب وجود لاعبين خبره على مستوى .. يعطون للفريق ... مش يكونون عاله على الفريق ! و اللاعبين الخبره لازم يعطون عشان الصغار يستفيدون .. مش الصغير يعلم الكبير ! و فهد علي لاعب كبير له تاريخه .. محد قال شي .. و اتمنى ان يرد لمستواه ..

وهـذا أللي انـا أتمناه بــعــد

هيه نعم .. ليش النادي اذا ياب بطوله الاداره تتمسك في النادي ؟ بعطيج مثال جريب و ما بسير بعد واييد .. السنه اللي طافت .. بعد ما خذى الاهلي الدوري .. تم حل مجلس ادارة نادي الاهلي و تم اعطاء الفرصه لناس غيرهم .. فـ مش مشكله اذا طلعت الاداره و النادي يايب بطوله او بطولتين ..

هييه نعم تـتمسك فـيه ونـادي الأهلي ما أحلوا المجلس بكبره أو بالأصح القيادات العليا تمت في النـادي ,,

اقتباس:
كـان في المركز السـابع مـب 12

انا قلت في منتصف الدوري .. مش في بداية الدوري

الأهلي في المنتصف كان السابع والـعين في البدايـه 12 ,, دامـك قارنت بينهم أو عطيتنا مثال الأهـلي فنتمـنى عيل لو العين يوصل في المنتصف المركـز السابع ولـو إني موول مب متفائله بس خيير إن شـاء الله



ســــلاام