حليلي والله محد مسوي لي سالفه

لا ترحيــــب لا إستقبال ولا شياته
أنا ماقلت أبا بيزات .. والله إنه الردود ببلاش

ليش محد يعبّر الأعضاء اليداد ؟!

إنزيــــن ما أبا موضوع ترحبون بي فيه إذا الموضوع بيتعبكم ما نباه

على الأقل يوم بنرد على مواضيعكم لا تطنشونا

الحق ينقال .. بصراحه اللي عبّروني يوم ردّيت على مواضيعهم هم : تنيــــ ــــنه ، الشووووق ، المزوحي ، قلوب دبي ومحب الشيخين ===> ظليمتهم شينه على قولة العيايز

و طير الحب وحبوبة دبي ما قصروا يوم طرّشت لهم رسايل خاصه وساعدوني

أنا اللي شجّعني إني أرد الواحات من عقب ما قطعت النت فتره هو إن الأعضاء وااااايد ويا بعض و كلهم يتعاملون شرا الأخوان

و السموحة جان زلّيـــت على حد ، ولا تلوموني تراني أحب الواحات ومابا أقطعها