موبايلك ماذا يعني لك....؟

[بنت الدلع]

السلام عليكم ..

تسلمين عالطرح الجميل

التيلفون بالنسبه لي شي اساسي
مااروم اعيش من دونه
- لاني دايما in call
- واايد مهم للريماندر
خاصه لنشة الصبح ..و يذكرني باعياد الميلاد
لان ماشالله مكثرهم كل شهر لازم في مناسبه

والاهم الكيمره الي فيه
ما استغنى عن الكيمره .. اعشق التصوير (( مسميني مصورة العيله ))

-----

يوم امل من التيلفون اغيره
وانا ما اخذ التيلفون الا اذا ارتحت لمواصفاته ^

----

[فركوشه]

انا صرت ما اداني موبايلي.. مزعج.. حتى فنصاص الليالي..

واحب اغلقه.. او اخليه فمكان بعيد عني..

ومن ناحية التغيير ما احب اغيره.. لاني ما احب التغيير..

وسوالم..

[مجموعة إنسان]

انا موبايلي العجيييب مل مني
الحيين 3 سنييين
عاش معااي ونام معاي وضاع عني وياما شفته يدور تحت سيتات السيايير يدور عني
مسكين يالبوليزر
ايامك خلصت
شو بنسوي بعد لازم نغيرك
نتعولم شوي !!

الحين مفكر اخذ السوني كي800أي
عجييب بصراحه ..

وسؤالج الثاني يا طير .. انا ادرس يعني مافي حاجه استعمل هذا الموبايل
يكفيني دفتر وقلم وفايل و لابتوب
بس ..

شكراااااااااااان على الموضوووع وحان الان موعد الفطووور
نشوفكم بعد 3 ايااااام !!
مع السلامه عليييكم

[بوسلطان]

موبايلك ما مدى اهميته في حياتك....؟
بالنسبه لي موبايلي يعني لي كثيـــــــــــر .. لأنه جاتني هديه من شخص عزيز على قلبي .. انا اعتقد مو مهم الشي المهم انه من مين وحتى مب ضروري يكون موبايل .. حتى لو شي بسيـــط ..


وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟
انا موبايلي ما بغيره ابدا .. الا مره انتهى تاريخه .. او تدمر او اي شي .. بس اذا الموبايل انا اشتريته يمكن أغيره على حسب الامكانيه .. * اذا الاقتصاد يسمح * ..

ومشكوره اختي على الموضوع .. أخوكي بوسلطان
__________________

[قلم احمر]

هــــــ ــــــــــــ ــــــــــــ ــــــــــــلا ...

موبايلك ما مدى اهميته في حياتك....؟

هو صح ان مفرور ومب دووم عندي مره احصل اختي ترمس فيه مره اخوي ومره ابوي يشله اذا ماكان موبايله عداله اذا بيتصل في اخواني ولا حد من الاهل ماخذين راحتهم الاهل .. بــــــــس فوق هذا كله ما اروم استغني عنه .. مره كنت اتمصخر ويا ربيعتي فالسياره كل شوي اشل الموبايل وافره عليها (دفاشه) اخـــــــر شي فتحت الدريشه وجان تفر الموبايل في الشارع وروحت .. يتني الصيحه ردينا اندوره ومالقيـــــــــته والارقام الي مخزنات في البطاقه من 7 سنين كلهم راحوا :)

وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟

كل 3 او 5 شهور اغيره والحمدلله انا اتأقلم بسرعه واحين عندي 3 موبايلات N70 . N73 .الموبايل الصغير الي بحجم بطاقة البنك .. بس ساعات تيني حالات كل شهر اغير ..ماعندي تواصل بس اذا شفت موبايل وعيبني اخـــــــذه

والسموووحه

مشكووووووورة طير على هالموضوع الحلووو

[ولد الحكومة]

هــــــ ــــــــــــ ــــــــــــ ــــــــــــلا ...

موبايلك ما مدى اهميته في حياتك....؟

كل 3 او 5 شهور اغيره والحمدلله انا اتأقلم بسرعه واحين عندي 3 موبايلات N70 . N73 .الموبايل الصغير الي بحجم بطاقة البنك .. بس ساعات تيني حالات كل شهر اغير ..ماعندي تواصل بس اذا شفت موبايل وعيبني اخـــــــذه

والسموووحه

مشكووووووورة طير على هالموضوع الحلووو

منوووو قدج 3 موبايلات مرة وحده ، ما شاء الله واللهم لا حسد !!!1

[طير الحب]

حلم الطفوله...أنتي نفس حالتي بالضبط

لماح...بالفعل الريماندر من اهم الأشياء عندي وايد استفيد منه.

الملهم...بالفعل أنا يوم اتعود على موبايل ما احب اغيره بسرعه لأنه مثل ماقلت أداة اتصال مب رفاهية.

شمعة أمل...صدقج نحن نستفيد من الموبايل في شغلات وايد فهو مهم من حيث لا نعلم.


الدلوووعه....يالله ان شاء الله تستقرين على هالموبايل بعد اللفه الطويلة


الغاليه...صدقج ...انا موبايلي ما يرن الا نادرا بس كنت في الجامعه او اشتغل يمكن يرن.


بوظبي...أنا وايد حابة السوني اريكسون اكثر من النوكيا

قايد الريم...موبايلي انا شرب عصير ليمون واخترب.

أمواج...حتى انا ساعات اكتب بداية خاطره في الموبايل اذا ما لقيت قلم...خصوصا بالليل .


هزايم...انا مثلج اذا تعودت على شيء ما احب اغيره الا بسبب قاهر

[عيون الليل]

السؤال الاول :-

همممم مهم أكيد . . . بس طول اليوم ع السايلنت وف الاغلب اتواصل بالمسجات لانه أحياناً ما يكون لي بارض ارمس وأحيانا ماشالله الفاتوره " حدث ولا حرج " ودائماً اهليـه ايواجعوني لانه التيلفون ع السايلنت ويتصلون وما انتبه له


السؤال الثاني:-

لا مب من النوع الي ايغير تيلفونه بإستمرار . . صحيح تلفت انتباهي التيلفونات اليديده لكــن ما اتشدني لدرجة اني اغيـر تيلفوني . . . يعني أغيره بحدود المعقول أحياناً التيلفون ايتم معايه سنه وماتكون عندي نيه اغيره . . . لكن من فتره غيـرت للسوني اريكسون لانه الكل يمدحه وبالفعل ما عليـه كـلام

عزيزتي .. .. شكراً على الموضوع

[صدى جوفي]

الـسـلام عليكم ،،

موبايلك ما مدى اهميته في حياتك....؟

مـوبيلي آخـر اهتمـامـاتي .. مب سـائلـة عنـه ،، واستخـدماتـه لـ الـضروريـات ومن فترة لـ فترة لازم أسـأل & اتخبر عن ربيعـاتي وأهلي - ما أكون قاطعـة - .. مرات بالأيام مغلق أو ما فيه رصيد ..
بس حزة الـ مهم يكون معاي الموبيل .. يمكن نحتاي فزعـة والا شي

وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟

مــا قط شارية موبيل على مزاجي .. كلـه من الوالد ما يقصر..(:
وعن الموبيل .. مـا أحب أغيره .. موبيلي الجديم معاي وما يهون علي أودره .. واليديد مـا كان عايبني بـس بعد مــا أفكر أغيره أحس بالانتماء صوبـه >> عشرة عمر

وعن آخر التقنيات .. أبغي أحط دكشنري فـموبيلي - احتاجـه صراحـة-.. بس ما اتفيجت بعدني ومـا أعرف اذا يركب عليه أو لا

دمتي بخير يـا طير
أختج .. صدى

[الثعلب الرمادي]

أنا شخص بدون أصدقاء فبالتالي استخدامي للموبايل عديم الاهمية لكن لقضاء شؤون الحياة فله اهمية كبيرة و هنيه في المانيا ما يكون الموبايل مهم إلا يوم الأحد تتصل فيني الوالدة حتى تتطمن على شؤوني و يوم أكلم الوالدة أكون فرحان و أسألها عن أخبار أخواني الصغار في الدراسة و أخبار الإمارات و هالسوالف ... أشوف فكرة تغيير الموبايل كل شوي أو لأن موديل يديد نزل إنها فكرة غبية و تضييع للفلوس و المستفيد الوحيد من كل هذا هم محلات الموبايلات و بعض الناس عندها فلوس و ما تعرف شو تسوي فيها فتصرفها كلها على الموبايلات و أنا ما بقول إن هذا الشي غلط لأن كل واحد حر بفلوسه و موبايلي الحالي ما بغيره إلا لو انسرق لا سمح الله او تعطل.

[ولد الحكومة]

الـسـلام عليكم ،،
بمختصر مفيد .. أعتبره مثل " إبني " وما أقدر استغنى عنه.

وبخصوص التغيير : أغيره ما بين شهرين أو ثلاثة أشهر واحينأ يطووول عندي

والسموووحه



اخوكم / قايد الريم

[لبن مثلج]

موبايلي مب شي اساسي في حياتي ...

ساعات اشغله طول اليوم وساعات اغلقه لايام وانساه ....

ماحب اغيره كل يومين ... احب اثبت على نوع معين

مشكوره ياطير الحب