موبايلك ماذا يعني لك....؟

[حلم الطفوله]

السلام عليكم

الموبايل ...آخر شيء أفكر فيه ....يعني منساي بالشنطه لأيام وأيام ....

وساعات لما احتاجه اكتشف إنه مفضي فأتوهق

وبسبته أحصل فتنه معتبره من إلي يدقون وما أرد عليهم ...والسبب إنه المكالمات امكوده

بس أحب التغيير ....كل سنتين لازم موبايل يديد ....

[لمّــاح]

السلام عليكم ..

سبحان الله توني كنت اكلم واحد و اقوله عن الموبايل و شكثر مهم عندي لأنه من يومين ياني واحد و قال لي شكلك ماتقدر تعيش بدون تيلفونك

انا شخصياً التيلفون واااااااااايد مهم عندي و ماقدر اكمل يومي بدون التيلفون .. و الاسباب كثيره !!

نص اشغالي تعتمد على التيلفون .. الريمايندر و هو اهم شي ايضا عندي لأني وايد انسى ف استخدمه و تقريبا بشكل يومي عندي لستة طويلة في الريمايندر كل شويه يرن الجرس يذكرني بالمواعيد او بالاشيا الي لازم اسويها ..

و بخصوص تغيير التيلفون .. انا شخصيا ماحب اغير تيلفوني لأني يوم اتعود على تيلفون ماحب اغيره .. التيلفون الي عندي الحين 6233 و الي قبله N70 لكنه ماكان عملي عشان جيه خذت ال 6233 ..
عملي و كيمرته زينه و خفيف و لونه اسود ..

[الملهم]

السلام عليكم

انا ما احب اغير موبايلي الا بعد ما اشبع منه .. والموبايل اللي عندي صارله سنة عندي ويمكن يتم لين سنتين ^__^

والموبايل بالنسبه لي اداة اتصال .. يعني لازم اشل ويايه الموبايل
الى اي مكان .. بس عشان الاتصال او مرات استخدم التصوير .. وما احب وايد
ارمس بالتلفون الا في اشياء مهمة فقط ..

الف شكر على الموضوع ^__^

[شمعة أمل]

موبايلي وايد مهم بالنسبالي .. ماعرف كيف اعيش بدونه
هو مب مجرد للاتصالات استخدمه لاشيا كثيره
همم ساعات شي يستوي جدامي يخص حد فأصورلهم الصوره واطرشلهم *ويدبرون الأمر*
المنبه.. وااااااااااايد مهم .. يوعيني يوميا الساعه اربع ونص الفجر .. بعدين 8:45 .. بعدين على حسب متى ارقد العصر واحط المنبه لساعه وشوي
الكالندر وايد مهم .. لتواريخ مهمه المفروض مانساها
رقمي vip اذا اتصل لأبويه من رقم البيت مستحيل يشل التليفون بس اذا اتصله من رقمي سيده يشل التليفون
اذا ابند موبايلي هاللي احصله من ربيعاتي >>>>
واهم شي المسجاااات .. يعني ساعات أبا اخبر حد شي بس مايباله اتصال .. مجرد شي بسيط .. ولا اذا أبا ارمس ربيعتي نص ليل .. ممنوع اتصل .. ف نرمس بالمسجات
لو ماكان عندي موبايل ماكان بيكون عند ربع .. ربيعاتي غير شكل *معظمهم* .. مستحيل يتصلون عالبيت .. لازم موبايل
بعد الموبايل وايد مفيد .. انا مب حافظه غير كم من رقم فيه .. على قل ويا الموبايل كل الارقام مخزنه فيه


من قبل ماكنت احب اغير تليفوني وايد .. بس الحينه تغيرت وااايد .. بسرعه بسرعه اغير موبايلات ..

[الدلووووعة]

موبايلــك ما مـدى اهميتــه في حياتــك....؟

انا عن نفسي هب وايد وايد مهم عندي المبايل
واصلا مرات يوم اسير المول ولا مكان ماوديه وياي اخليه فالبيت واسير لنه احسه مامنه فايده
دام انه امي واختيه عدهم يعني برايه بس اشله يوم اسير الجامعة والحينه مبايلي مفرور فالكبت ولا دري عنه ^_^

وكــم مـرة تحــب تغيــره ولمـــاذا...؟

هههههههههههههههههههههه
انا من شهر 7 لين الحينه مغيره 4 مبايلات
وآخر شي استقريت على ال lg
وخلاص مافكر اغيره بس ماعرف لين متى

وتسلمين اختيه عالموضوع

[الغاليه]

موبايلي ايام الاجازات مايكون له اهميه عندي ودومه ضايع في البيت واخس شي يوم اتفضي البطاريه يوم يكوون ضايع ... اتم ايام وانا ادوره ...

وعادي يتم شهر عالسايلنت ... معوده ربيعاتي ماتصل .. ولا استقبل ! الا نادرا .. ماعرف شو خانته في الحياه .. كارهيني ربيعاتي في هالشي ..

وماحب ارمس فيه وايد ... ياالله ياالله خمس دقايق او عشر دقايق بالكثير يوم احتاجه

اتواصل بالمسجات اكثر ..

ايام الجامعه يزيد نشاطه وحيويته وترد له الحياة طشونه .. لانه يلازمني طول الوقت

ومب دووم اغير موبايلي .. يمكن كل سنه او سنه ونص .. اهم شي انه يكون حلو وصغير وكيوت وشكله ولونه عايبيني ..

[طير الحب]

بوعبدالرحمن غريب أمرك...العيد الي الناس تتواصل فيه...تغلق موبايلك...غير هالعيد


ذنيني...كلنا نمر بفترة ما نحب نرد على مكالمات حد ...أنا علاقتي شبه مقطوعه بالموبايل إلا في المناسبات وبين فترة والثانية اطمن على صديقاتي.


شهوووودة الأمورة ...انا بعد استخدمه منبه للصلاة في برنامج حلو عندي وقت كل صلاة يأذن الموبايل الآذان كامل وايد مفيد هالشيء...حسيت كيف الموبايل مهم لج لأنج بعيدة عن اهلج.


بو زايد...تفهمها وهي طايره...أكيد مب محتاجتنه إلا للمسجات والوسائط ...ربي يوفق الجميع.


وعد...نور المنتدى عزيزتي.


[frame="1 80"]تنويه...هالموضوع نزل بالأول في واحة الأصدقاء ثم تم نقله وقد وجب التنويه اني أقصد بالواحة الأكثر جماهيرية واحة الأصدقاء والتعارف.[/frame]

[تحفه]

عليج السلام والرحمه


موبايلك ما مدى اهميته في حياتك....؟

مش مهم .. اروم اعيش من دونه ..
حتى يوم يظيع ولا ينسرق وابويه ما يظهرلي بسرعه رقم .. عادي عادي عندي بس ربيعاتي يصير بينهم وبين الجنون شعره لول

وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟

نعم انا على اخر التحديثات .. وبين فتره وثانيه اغير بس "ما اهتم لهم" ما ردلي لـ موبايل واحد وهو من نزل لين احينه معلقه عليه كوده P910i من سوني اركسون ..

btw ما يهمني .. بس اكون متواصله على اخر التحديثات لانه محل خالي لوول .. فيعني مش قضيه اروم اغير اي ساعه بس مش شي صدقوني احسن موبايل موبايلي .. احسن بسوي دعايه لول

[ولد الحكومة]

السلام عليكم ورحمة الله وبركاته

موضوع مميز وحلو

الصراحه من زمان ما شفنا مثل هالمواضيع الحلوة

بخصوص الهاتف المحمول انا بالنسبه لي مهم وايد واتحدى كل واحد ايقووول ان الهاتف مب مهم في حياتنا اليومية ... الهاتف بالنسبه للانسان اللحينه مثل السياره بدون بترول ما تمشي .. بغض النظر عن الحاجات الي يغطيها في مجالات الحياة..


بخصوص التغيير انا مب دوووم اغير التلفوووون .. يعني آخر مرة كان عندي تلفووون الي مثل (( الدمعه )) وانجبرت إني أغيرة عشان انجب عليه الحليب واخترب وحاليا عندي نوكيا إن 73 الصراحه عايبني واااايد


والسموحه

[أمواج]

.
.
موبايلك ما مدى اهميته في حياتك....؟
اممم تلفووني أحـسه وايد مهــم لي ، مب عشـان الـ Calls ولا الــ msGs
بس انا فيني طــبع إنه احب اكتب ملاحظــات فتــلفووني ، يعني أسيـر للـ calendar و واكتب عند التاريخ الحدث اللي صارلي ، حتى لو كانت كلــمه وحده ، احب اسوي هالشي فــتلفوني ،
وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟
مب كـل ماينزل تلفوون اسير اشتريه
بس اذا حسيت إنه التلفوون صدق صدق دش خاطري اشتريه
.
.

[هزاايم]

موبايلك ما مدى اهميته في حياتك....؟
مهم ليه لأني سنه لين مااحفظ الأرقاام,,فسهل عليه المهمه,,ومااحب اشيله معي لو ظهرنا بس احيانا اتندم عسب اكوون ضايعه ويا الضغااريه واتمشكل ماانسى وش صاار بنا صدق وهقه,,و لو نسيت الكيمراا فهو مايقصر

وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟
خخخخخخخخخ آخر وحده تفكر تغيره من ذاتها,,انا من نووع إلي إذ تعود على حااجه صعبه يتواالم على شي يديد,,احب اتاابع بس مااحب آخذ حييلوه ,,ولي يغير جهازيه أخوي لأن هو يعرف الزين من الشين

وسلامتج

[طير الحب]

هلا حركات...تشبهيني في السبب الي يمنعج من تغيير موبايلج أنا حتى في أشياء وايد اخزنها في موبايلي مهمة بس هاليومين كرهته وايد صار يخترب والسبب اليهال يلعبون فيه وانا جدا بادرة من هالناحية.

شرجاوي..على كثرة التقنيات الي تظهر صار لازم نغير موبايلنا بين فترة والثانية.

قرمووشة...وايد حبيت هالموبايلات الصغار بس عيبهم ما فيهم كاميرا امس شفت موبايل ما تبان شاشته إلا إذا رن حبيته.

الأمير الحزين...عيل تابع السؤال اليديد أكيد بتكون عندك إجابة.

مهابه..صدقج على أيام الجامعه وايد كنا نحتاج الموبايل.

ريف الصبا...حلوة سالفه أنج ما تحبين تتسوقين إلا بروحج أنا بعد اغلب الوقت من هالنوع بس الحين احب أتسوق مع زوجي بس تعرفين يوم تكونين مع حد ممكن يغير ذوقج ويفرض عليج شغلات بدون ما تحسين ويوم تردين البيت تندمين على الي شريته...ظهرنا من صلب الموضوع أنا بعد صعبه يكون الموبايل بيدي وما انساه مكان.

كلكلووش...انا أحس ان اهم شيء يكون الموبايل عملي وفي مميزات تفيدك في حياتك وعملك.


السؤال الحين

من منكم تفرض عليه طبيعه عمله أو دراسته إستخدام هذه النواع من الموبايلات..؟؟

[بنت الدلع]

السلام عليكم ..

تسلمين عالطرح الجميل

التيلفون بالنسبه لي شي اساسي
مااروم اعيش من دونه
- لاني دايما in call
- واايد مهم للريماندر
خاصه لنشة الصبح ..و يذكرني باعياد الميلاد
لان ماشالله مكثرهم كل شهر لازم في مناسبه

والاهم الكيمره الي فيه
ما استغنى عن الكيمره .. اعشق التصوير (( مسميني مصورة العيله ))

-----

يوم امل من التيلفون اغيره
وانا ما اخذ التيلفون الا اذا ارتحت لمواصفاته ^

----

[فركوشه]

انا صرت ما اداني موبايلي.. مزعج.. حتى فنصاص الليالي..

واحب اغلقه.. او اخليه فمكان بعيد عني..

ومن ناحية التغيير ما احب اغيره.. لاني ما احب التغيير..

وسوالم..

[مجموعة إنسان]

انا موبايلي العجيييب مل مني
الحيين 3 سنييين
عاش معااي ونام معاي وضاع عني وياما شفته يدور تحت سيتات السيايير يدور عني
مسكين يالبوليزر
ايامك خلصت
شو بنسوي بعد لازم نغيرك
نتعولم شوي !!

الحين مفكر اخذ السوني كي800أي
عجييب بصراحه ..

وسؤالج الثاني يا طير .. انا ادرس يعني مافي حاجه استعمل هذا الموبايل
يكفيني دفتر وقلم وفايل و لابتوب
بس ..

شكراااااااااااان على الموضوووع وحان الان موعد الفطووور
نشوفكم بعد 3 ايااااام !!
مع السلامه عليييكم