السلام عليكم ورحمة الله وبركاته

زمن الفلوس !

تاير منطر
من كم يوم كنت عند البنشر اصلح تاير السياره
وبعد ما خلص الهندي قلت له كم حسابك ؟
قالي المبلغ الفلاني !
قلت له ليش جي غالي انته ؟
قالي اللحين يوم نقول لك ادفع يعني ادفع !


والله نحن شعب طيب وما نقصر ف أي شيء
لكن الطمع للأسف والهم الأول والأخير هو الفلوس !


ليت محترق
ليت سيارتي محترق هههه فقلت بغيره عند الكهربائي
المهم رحت تعشيت ورديت له وقلت له كم تبي ع التصليح ؟
قالي المبلغ الفلاني !
قلت له اشوفك بطران هاليومين يلا ماشيء غير هالمبلغ

قالي لأ انته عندك بيزات ادفع !
جان اضحك وقلت والله ما اعطيك اللي تبيه عااااد
فقالي انته بخيل واليوم حق الليله !

عجييييبه امرك والله

ادري مواقفي ما تطلع شيء ع المواقف اللي عدكم
ولكن دام هالشيء ف قلبلي ليش اكتمه !


ياترى شو الأسباب اللي تخليهم يطمعون جي ؟
وهل ياترى شيء رقابه عليهم او لأ ؟
ومن السبب ف هالأشياء اللي تصير وليش بالأساس تصير ؟
والله يرفعون الضغط و السكري
نحن ولله الحمد عدنا فلوس
ولكن مب عايشن نكد ونتعب عشان نصرف ع هاييل !


محب الشيخين
17/9/2006
3:00 م

بحفظ الله