قــالها حـــامد !

[ألم ترى]

السلام عليكم ورحمة الله وبركاته
.
.
اثرت فيه كلمات حامد زيد ف قصيدته بعنوان الجمهره !
وقلت اكتب من كلماته اعتاب لا اكتب من كلماته مواقف شفتها وعايشتها للأسف

ربيعك يبيعك
كلمني واحد من الجنسية اليمنيه ويقولي
خاني اعز ربعي !
انتهت اقامتي وما عندي فلوس لجل اجددها !
واعز ربعي هم محتاج فلوس وانا كل همي رفيجي رب الاسره
لكن للأسف قدم علي شكوى ف قسم الشرطه كون اقامتي منتهية !
ناهيكم عن مبلغ يقدم لـ المشتكى ع اللي اقامته منتهية وهي 500 درهم
وقالها حامد
أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره


وقت الشده تعرف رفيجك
موقف عشته ايام الخوالي !
صارت مشكله كبيره بين منطقتين والسبب انا
وربعي كلهم معي ف وقت الرخاء ولما صارت المشكله اكبر مما كانت
فوالله ما حصلت ( واحد ) واقف وياي غير ( ناس ) ما اعملهم حساب !
ومن يومها قطعت كل شيء يجمعني فيهم
وقالها حامد
من يفتح لفرقاي باب أفك له عشرين باب
وأذا خويي مايقدر خوتي ما أقدره


الصاحب ساحب
ملتزم ويزينك والله !
مرت ايام و شهور لا لا مرت سنيين !
لكن الشيطان شاطر وحبب ف قلبه ناس ما تصلي ودوم تحب المظهر
وما قدر يكمل مشوار الألتزام ولكنه مصلي ليومه !
ومن يومها بين جدران الحسره والندم
هذا انا للأسف
وقالها حامد
اللي يخاف من الظما يترك لنا طرد السراب
واللي ماهو بقد الظلام ووحشته لا يسهره


كلمة اعتاب تفرق الاحباب
صرنا ف زمن المجاملات !
اللي تبيه يحبك و يعزيك لااااازم تجامله
ومهما على ع الناس مرده الترااااااب
احذرك إذا عتبت علي وقلت لي مقصر ف اي شيء !
لئني بهجرك وانا مقتنع باللي اسويه
وقالها حامد
لابارك الله في رفيق تزعله كلمة عتاب
ولاجمع الله الرجال اللي تفرقهم مره


حرامي عيني عينك
عمري كله ما قصرت ف حق اي واحد من ربعي
لكن للأسف نهبني !
ليه نهبني وانا كلي له
ومهما طال الزمن وربي عذرته إن تاب
وقالها حامد
مايملي عيون الحسود بهالزمن غير التراب
ومن لايتوب من الخطا تحرم عليه المعذره


وياي زين ومن وراي شين
يستقلبني استقبال الشيوخ !
يفهمني بكلامه بأني فوق راسه وزود
لكن إذا عطيته ظهري
طعن كل السكاكين ب ظهري اشكره !
وقالها حامد
ودك اليامن جاتك الغلطه من الناس القراب
الصاحب اللي ماكسبت محبته ماتخسره

.
.
محب الشيخين
17/9/2006
2:33 م
ربما لي عوده إن مد الله بعمري

[مايهزك ريح]

محب الشيخين .. اخويه قول الحمدلله ..
انك تعرضت لها المشاكل واللي لولاها لما عرفت من حولك على حقيقته ..
سبحان الله الشدايد اتراويك .. انته شو قدرك عند ربعك ويا ما ناس انته ما تكون حاطنهم في بالك تلقاهم اول الناس اللي يربعولك .. وناس انته اتجدمهم على كل حد للأسف انته بالنسبه لهم في آخر اللسته ..
وفي شي اتعلمته انا شخصيا .. يوم اتبعت المثل اللي يقول " احفظ حلالك ولا تتهم يارك " << وايد مصروقة مني اغراض وللأسف من كثر اللي عندي ولله الحمد ..ما تذكر اغراضي أحيانا إلا يوم اشوفهن

والله يعينك يا خويه .. بس يالله على كل حال الواحد يتعلم من الأشياء اللي يشوفها ..

[ألـم]

مطوعــنا يــسمع حــــامد عيني عليــك بارده ..
الحمد الله على كل ,, مهما يستوي في هاي السنه لازم نحمد ربنا ..
يوم أتشوف مصيبـة غيرك أتهون علـيك مصيبتك ..

والله يوفقك في حــيــاتك ..

والسموحه منك ..

[صدى جوفي]

وعليكم السلام ،،
محب الشيخين..
واقعكـ مع هالفئات من الناس يمكـن كان مر
لـكنه خلاكـ تعرف معـادن النـاس وتـفرق الزين من الشين
والحياة .. تجــارب

[الهيثــم]

بـاعوا ديـنهـم بـ عرض من الدنيـــا

أخــوي العــزيز معــاذ
احمــد ربـك يـا خوي إنـك عـرفتـهم من خـلال المواقـف هـاي
عـرفتـهم على حقيــقتــهم ..

يمكن في البدايـة الموضـوع يكـون مأثر فيك وها شي أكيـد
لكــن في النهـاية بترتـاح إنك عرفتـهم وابتعـدت عنـهم
بس الإنسان يتحسـف عـ الأشيـاء الي سواهـا لهم

بس شو بنسوي هااي الدنيا ..
ما اتعرف صغير ولا كبير
ولا عدو ولا صديـق

...

[الرحيل]

لازم الواحد يمر بمواقف علشان تعلمه..

صدقني اللي تشوفه يمر بواايد مواقف بحياته تحصله انسان قوي

[شمعة أمل]

الشي الى يعيبني في قصايد حامد زيد .. جرأته وصراحته

عن المواقف الى مريت فيها .. هالحياه >_< .. ومثل ما قال الأخ خطاب "احمــد ربـك يـا خوي إنـك عـرفتـهم من خـلال المواقـف هـاي عـرفتـهم على حقيــقتــهم .. "

[مــهــابه]

صــدق حــامد يوم قـــالها

اقــربكـ قهالزمن هو عقربكـــ

[وعد]

هلا اخوي محب الشيخين

والله عن نفسي مرت علي مواقف من بنات كنت اعتبرهم ربعي لكن الاشياء الي صارت خلتني اعرفهم علي حقيقتهم

بس اقول بيني وبين نفسي لو الدنيا خليت لخربت بمعني اكيد هناك بزوايا الحياة ناس وفية و طيبة لكن حظي العاثر خلاني اعرف ناس من نوعية الي انته عرفتهم

[ألم ترى]

ربما لي عوده إن مد الله بعمري

مد الله بعمري ولكن اعجز بأن اعقب عليكم !
يكفي ما في نفسي من ضيق وكربه
فوالله ضاقت علي الدنيا بما رحبت
الحمدلله ع كل حال