مواصفات عرسكم.. وهل بتكلمون خطيبكم؟؟ موضوع للنقاش

[اخت اختي]

السلام عليكم ورحمة الله وبركاته،

لدي 3 فقرات في هذا الموضوع.. وأبغي رايكم بعد ما تقرون رايي..

أولا".. ما هي مواصفات عرسكم؟ كيف تبون يكون؟ وكم الميزانية؟
ثانيا".. كم تبغون يكون مهركم؟ بكل صراحة وبدون مجاملات..
ثالثا".. بعد الخطوبة الرسمية، ممكن اتكلمون خطيبكم عالتيلفون؟

عن رايي..
أولا".. أبا عرسي يكون عالبحر.. وأعزم بس أهلي وأقرب الناس لي..

أحب جي يكون عالبحر ونتمشى أنا وياه، أنا ألبس فستان مب نافش.. وهو يلبس جيه بدله بيضة..! روعة..


وعقب انسوي بريولنا عالبحر جيه:


بس جيه.. أبا عرس بسيط وما يكلف.. لأن أحبه يكون جيه وبعد ما أبا أخسّر ريلي


ثانيا".. أنا عن نفسي ما أبا أكثر 100ألف أو حتى 50 عشان أجهز حق هالعرس، مع الفستان والدبلة، وكل شي.. وإذا احتجت زيادة ترا بزيد من عندي..

ثالثا".. هيه نعم، أنا أحس إنّ البنت لازم اصلي الاستخارة ثم اتكلم خطيبها عشان اتعرف أطباعه يكون ما تنصدم وقت الملجه وتتطلق!
وأنا عن نفسي أكيد بكون صريحة معاه، وبقوله شو هو الزين إللي فية وشو هو عيبه وبقوله إني بيغره إذا الله راد.. لأنّ إذا جذبت عليه، هذا الشيء ما بينفعني ولا بينفعه..

اسمحولي عالإطالة..
بانتظار رايكم ..

[ريم العين]

اشك انه اللي فالصوره خطيبج خخخخخ

تبين الصراحه اشك انج بتعرسين مادري لي ^_^

انا عن نفسي مابا اقول ابا وابا وابا لين هذاك اليوم يصير خير

[اخت اختي]

مشكورة اختي ريم ريم عالمرور.. لا هذا مب خطيبي
بس ليش ما بعرّس؟؟ فال الله ولا فالج..

مشكورة عالمرور

[غموض الامنيات]

انا اقول ربي يوافقج وتحقيقين احلامج .. اما انا ابي ريلي يكون انسان متفهم .

وبكلمها بعد الخطوبة الرسيمة عشان نتفاهم .. وما اريد غير ياخذني وبس ..

وما اريد اطلب منه اي شي .. حشا ما شفيه خير .. صح .. ههههههههههه

اذا الله كتبلي ان اعرس يفرج ربي على .. وغير جذي

ما عندي .. ويسلمو على الموضوع ..

[ريم العين]

حبوبه انا ما قلت ما بتعرسين انا اقول اشك انج بتعرسين يعني اتوقع انج مخطوبة لانه اشوف مواضيعج عن الزواج خخخخخخخخخخخ

[اخت اختي]

سامحيني فهمتج غلط.. لا اختي.. بعدني صغيرة..

[المزوحي]

مب كل مايتمناه المرء يدركه .. ياما حطينا وخططنا سواء الشاب او الفتاة وعقب كل شي يكون غير
حتى لو الريااال زين .. لكن كل واحد تفكيره غيييير ..

المهم ..

زين بعد يوم مابدفع لو نحصل وحده مثل تفكيرج .. لكن حتى الرياال اول شي يقول مابدفع لكن هله يبون له عرس على مستوى حتى لو يتسلف ..

الشي البسيط حلو والعرس يتبارك أكثر يوم مايكون مكلف ..
لكن بدلة .. منو بيلبس بدلة ؟؟؟ تخيلي بس !

البدلة أغلى عن الكندورة

وقت الخطوبة ممكن الواحد يتفاهم بس الأغلبية إنه كل واحد من الطرفين يبين الجانب الحلو منه
وهالشي مايبين إلا بعد الزواج والعشرة .. والمواقف اللي تستوي من ضمن الحياة الزوجية اليومية

والسموحة على التدخل

[اخت اختي]

بس حتى لو الأهل يبون عرس.. بس الواحد يفكر ب منطق..
مشكور عالمرور اخويه المزوحي..

[شوق القلوب]

الســلام عليـــكم..

..

اكـــلمه وقت الخطبـــــه..! مستحيــــــــــــــــل

هالاشياء ما اتصير الا عقب الملجه..

و الوحده عليها بصلاه الاستخاره.. و تتوكل على الله ..

والله ما يكتب الا الخيـــــر..

:)

[اخت اختي]

مشكورة عالمداخلة اختي :)

[المزوحي]

في عوايل تسوي فترة خطوبة وفي منهم من يخطب يملج بها ..

وممكن وقت الخطوبة بس يكلمها ... ومب شرط يشوفها متعدلة وغيره ... يجوز له يشوفها

لو مره جدام هلها .... وعلى حسب من عايله لعايله ..

لكن ماقووول يظهر وياها ..

[اخت اختي]

أنا معال اخويه المزوحي،، ما يطلع معاهازز لكن يكلمها..

[تحفه]

علييج السلام .. من فتره جني رمست في الواحات عن هالموضوع ..
الموهيم

يقولون لج كنا في بيت خالي وكانو ماماوبابا يسولفون وي خالي وحرمته عن شقايل عرايس هالزمن مخلينهم مال سبيل لول .. وكانت كالتالي النتيجه :

أولا".. ما هي مواصفات عرسكم؟ كيف تبون يكون؟ وكم الميزانية؟

ردي مثل رد ريم ريم
ثانيا".. كم تبغون يكون مهركم؟ بكل صراحة وبدون مجاملات..

مادري مب انا احدده .. وهالسوالف ما تهمني .. يهمني الشخص نفسه .. عادي إييج واحد بيدفع بيزات الدنيا لج .. آخر شي يطلع شخصيته مب شي وممل وكلشي بايخ في الدنيا
ثالثا".. بعد الخطوبة الرسمية، ممكن اتكلمون خطيبكم عالتيلفون؟

والله شوفي .. ماما وبابا ابدن ما شجعو هالفكره وبالعكس انتقدوها لين ما قالو بس

بس خالي وحرمته قالو خل يشوفون يمكن بعد الملجه مايرتاحون لبعض عاد حزتها يكون الستيويشن اصعب ..

[بوزايد]

اخت اختي


شو هالمواضيع الروعه الي تنزيليها



اممم عن عرسج صراحه يخبل بس وين بتسوينه بالامارات


وما اظن المعرس بيلبس بدله

احلى بالكندوره



ابغي اعلق بس ما ادري اكتب او لا

[إسهر معي ليله]

السلام عليكم

الموضوع للبنات اعتقد،، بس تدرون الواحد لسانه ياكله
لازم يرمس ويتناقش

لاحظت انه مواضيعج عن الزواج،، الله يرزقج باللي تتمنينه
بس شو عن راعي البدله هههه عجيب

::
::

انا ما بجاوب بس برمس عن الأسئلة اللي سألتيها

أولاً
العرس لازم يكون حلو وفيه شي مميز،، بس طبعاً
مب غريب وخارج عن المألوف شرات اللي رقدت
وسووا عزا في القاعه،، لين ياها المعرس باسها
ونشت ههه


ثانياً
المهر دوم يكون بسيط،،، بس الأشياء الثانية هيه
اللي تكسر الظهر.. بالتالي الواحد يوفّر احسن لـه


ثالثاُ
انا من رايي انه ما يستوي يكلمون بعض في فترة الخطبه
يعني يشوفها مره وييلس وياها.. وهاي الشوفه الشــــرع
حللها.. وعقب ما يملجون يسولفون ويا بعض وييلســـون
ويا بعض.. لأنها خلاص حرمته.. بس ما يطلعون
عشان ما تدخل عالناس في يوم زفافها حامل

فـ عشان يتفادون هالأشياء.. دوم تكون الفترة بين الخطبه
والملجة شهر بالكثيير..

::
::

والسموحه منكم