هل العرس مهم.. اتفضلوا..

[صريح]

اليااااه

كلامج صح ..
بس داام العيـوز هي اللي بتختارها فأكيــد البنت بتكون زينه
و اذا ع اطباعها و افكارها فالاهل ما بيقصرون و كل شي بعرفه
مب شرط اكلم الشخص عسب اعرف كل شي عنه ..
لانه معروف فتره الخطوبه و لا الملجا كل واحد بيحاول يبين للثاني انه Perfect
و لا شو رايج ؟
:)

[الـيـاه]

صـريـح

هيه صح !
واكـثر مـن مره يدوه ترمسني عن هالموضوع وكيف كانو قبل , واقتنع ؟
انـه يكون جي شي حلو إذا بيعرفني فـ اول يوم عرس
بس ها يعتمد إذا كان زين < زين مب بس انه ريال نظيف وماعليه كلام .. زين تشمل
( اطباعه اسلوبه ويا الناس طريقة كلامه افكاره )


بس افكـر عدل واقول لااااااا :no0:


ساعات يكون الريال ماعليه كلام
بس ماتحس ان افكاركم تتفق , وغييييييييييييير عن شخصية الحرمه تماما ً



يمكن هو جدام اهله وفي عينهم انسان مثالي
بس بطبيعته شي ثانـي وانصدم يوم اخذه
احس اني لازم اعرفه في فترة الملجه :kkk: .. مب لاازم تكون الفتره طويله
بس ع الاقـل اعرف شقايل هالإنسان اللي بعيش وياه طووول عمري


.
.
.

[صريح]

اليااااه

ساعات يكون الريال ماعليه كلام
بس ماتحس ان افكاركم تتفق , وغييييييييييييير عن شخصية الحرمه تماما ً

مستحيل الانسـان يلقى الشخص المناسب ابـ نسمه 100%
عسب جيه يقولون الزواج تنازلات و الانسان الذكي و الواعي
هو اللي بيقدر يغير هالشي باسلوبه و بيصير التفاهم امبينهم


يمكن هو جدام اهله وفي عينهم انسان مثالي
بس بطبيعته شي ثانـي وانصدم يوم اخذه

هو الشي الاكيـد انه بتسألين عن الشخص اللي تقدم لـج
و فـ هذا الزمن ما فيه شي ينخش و من اسم الشخص تقدرين تعرفين
حتى وين يتعشى فالويك اند و و يا منو بعد
:)

[نور الإيمان]

حلو النقاش ^_^

احم .. راي أبوي من راي الأخ صريح ^_^ ملجة و عرس في يوم واحد!!

اما من ناحية ان تكون هناك فترة ملجة عسب كل طرف يفهم الثاني .. امم يمكن تكون مفيدة لكن ان نظرنا لحال آباءنا و امهاتنا ما كانت هناك فترة ملجة!! و الحمدلله صابرين على بعض و متمسكين ف بعض لين الحين - اللهم لك الحمد و الشكر -

و على نيتكم ترزقون .. كلن بياخذ على قد نيته و الحمدلله رب العالمين ..

^_^

[اخت اختي]

مشكورين كلكم عالمرور والنقاش الحلو..

[ريم العين]

ذنيني ..مب كل الاعراس يرمسون عنها ^_^
عرس حلو ومتعوب عليه وجي محد يقدر يقول شي عنه
اما عرس مب حلو بس متعوب عليه بيرمسون
يعني على حسب العرس

...

العرس حلو يوم تتكشخين وتكوني حلوه وجي
بس على حال المعرس هل يقدر على التكاليف وجي؟؟
واكيد حد بيساعده من اهله يعني باختصار على حسب الطروفه
تساعد ولا ماتساعد

يعني الريال عنده بيزات ليش يبخل على عمره وما يسوي عرس حلو
شي حلو يوم تكون الناس مستانسة وهو مستانس ومب ناقصنه شي
يعني عنده بيزات للعرس وجي

اما الريا اللي على قد حاله بيسوي اللي يقدر عليه
وبيحاول قد ما يقدر انه يفرحهم بهاليوم

المهم انه الريال اللي على قد حاله اول اللي عنده ما يكونو مديونين

هذا رايي

[اخت اختي]

مشكورة المرور اختي ريم

[إسهر معي ليله]

بالنسبة لفترة الخطوبه اللي يتعرفون فيها على بعض أكثر
فيه ناس تملج في المحكمة،، وعقب يسوون حفلة العـرس

يعني نفسها فكرة الملجة والعرس في يوم واحد
من ناحية التوفير

::
::

بالنسبة لـ اختلاف الأفكار وهالسوالف.. هاي شوي صعبــه
اذا كل بنت قالت هذا أفكاره غير وصرنا شرات الأجانـــــب،،
اللي كل يوم ويا واحد.. وما تتزوجه الا يوم يتفقون بالأفكار!
فـ ما بنشوف بنات عرسن

مثل ما قال صريح:
مستحيل الانسـان يلقى الشخص المناسب ابـ نسمه 100%
عسب جيه يقولون الزواج تنازلات و الانسان الذكي و الواعي
هو اللي بيقدر يغير هالشي باسلوبه و بيصير التفاهم امبينهم

والسمووحه

[ولد الشحوح]

انا محتج صراحة على سالفة الملجة ... ملجوا فالمحكمة وبعدين حفلة صغيرة لاهل المعرس والعروسة وبس ليش الاسراااااااااااااااااااااف
وبعدين سعادتي ووناستي بوناسة الناس لا بالعكس اذا البنت تحب زوجها صدق ما بتكون انانية وهمها انها تكون حلوة وكاشخة فعرسها والريال يتلعوز فالديون من وراها... اوكيك العرس حلو وذكرى بتظل طول العمر بس في كماليات نحن مش محتاجينها ....

[اخت اختي]

مشكورين عالمداخلة اسهر معي ليله و ولد الشحوح..

[مزن هتان]

أهـلاً
احممم
أنا اعتبر إن العرس مهم ، وحلاته لي صار من دون تكلف
بس في ناس عن جد يقهرون يتفشخرون على لاشي مثلاً:
يوم الحناء يسونه بفندق مهوب بس يوم
الحنا حتى الخطوبه واللـه
*****
و عن الشبكه والمهر ومن هالخربطان
استغرب من ذول اللي يقارنوا، يعني
فلان قال دبلتي خطيبتي بـ5000
يجون هله ويقولوا مايصير
فلانه دبلاتها كانت اغلى
ذول هله وجذه يضغطوا عليه
****
أنا رايي ماعرفه، ماحب اتكلم
بسوالف العرس

[تحفه]

لا مش مهم ..

انا لو بكيفي خاطري امشي على برستيج الكويتيين لأني اشوفه احلى واحسن ..,,

وايد احب اسلوبهم في العرس . .

اول شي يوم يخطبون سيده يعلنون الخطبه للمجتمع و طبعا يخلونهم يتعرفون على بعض
ويوم يملجون يسوون حفله حلوه حق الناس الجراب من المعاريس ويسافرون شهر العسل
ويوم يرجعون يسوون عزيمة عشى ( وهذا مب كلهم يسوونه ) .. بس انا احس ليش ما يسوون .. أللهم حفلة عشى لول

[تحفه]

لكن لا تنسون العرس مهم علشان الرسول امرنا بإعلان العرس

[المزوحي]

صح العرس اشهااار .. لكن تقدرين تتنازلين عن أمووور .. تعزمين الناس أوكي

لكن مب ماتسوين الكوشة الفلانية .. أو التصوير الفلاني ... الخ

اللي يخف من نسبة المصاريف

نحن عايشين في غلا .. وعسب نرضي الناس لازم نستلف

ما اختلفنا ممكن آخذ شي بسيط .. مب مبلغ كبير يخليني اعاف الحرمة من أولها ..

[تحفه]

^ وايد صح