هل العرس مهم.. اتفضلوا..

[اخت اختي]

السلام عليكم ورحمة الله وبركاته،

هل العرس مهم؟
بوجهة نظري، أنا سابقا" كنت أقول لازم البنت اتسويلها عرس حلو.. لأنه أحلى يوم وأهم يوم لها :kcl:
لكن هالأيام فكرت فيها :kkk:
ممكن اتكون حفلة بسيطة.. ومب عرس كبير لأنه أنا ما أحب أخلي الإنسان إللي أحبه وبعيش وياه يعيش في ديون :no0:
أبا الله يباركلنا.. ونصرف هالبيزات في أشياء ثانية مثل السيارة، البيت، الصحة، التعليم..

وإنتوا شو رايكم؟ وبكل صراحة.. :kkk:

[المزوحي]

يوم تقولين حق الأم هالرمسة تقول انا مابغي ولدي يعيش في ديوون لكن لو حد خطب بينتها بتقوا ابغي
يسون لها عرس غااوي .. صح الواحد يكون مبسزط خلال 4 ساعات يعيش فيها في ديون لمدة 10 سنوات أكثر أو أقل ..

المفروض المجتمع يغير فكرته عسب الغير يبطل هالشي .. في فئة تقدر على المصاريف وفئة ماتقدر
في البداية الوحدة ماتفكر .. لكن عقب ماتعرس وتحس بنفسها بحاجة لسيارة .. أو للبيت .. الخ تقوول لو هالمبلغ أنا مسافرة فيه او اشتريت الشي الفلاني أو لأقساط المدرسة على سبيل المثال

أبرك إني حطيتهم في قاعة وكوشة .. على فكرة .. يخبرنا واحد إيراني قال نحن نرفع سعر الكوشة على الموتطنين لانه عندهم فلووووس وهي ماتكلف .. لانها قطعة خشب ويزينونها .. والتزيين ما يباله بآلاااف ...

[اخت اختي]

مشكور اخويه عالمرور والتأييد..

أصلا" الواحد ليش يبا العرس؟ عشان كلام الناس؟؟!! ليش أنا بتزوج الريّال أو الناس؟

[ولد الشحوح]

الناس صارت في الملجة تسوي حفلة واشتري لي حلاوة غالية باتشي وربعها عسب الناس ياكلونها و اسراف ع الفاضي وكلها مظاهر للفشخرة بمصطلح عامي

[شوق القلوب]

الســـلام عليــــكم..

ذكرتيني بوحده من ربعي.. كنت أسألها وين ان شاء الله بتحجــز لعرسها.. قالتلي في القاعه الفلانيه.. استغربت.. قلتلها و ليش ما اتعرسون في هذاك الفندق.. قالت وليش الخســـر..؟؟ العرس كمن ساعه و القاعه حلوه و مافيها شي.. وبعدين احنا اللي بنستفيـــد من الفلوس.. بنسافر بشهر العسل و بنستمتع فيهم أكثر من لو صرفناهم على الفندق و هالسوالف..

..

[بوزايد]

موضوع حلو


صح انها ساعات بس هيه ساعات ما بتتكرر كل يوم


هي مره وحده في العمر


صح يمكن اي بنت اتقول ليش اخسر ريلي وجيه


بس احسه الا كلام


اول ما تختلط بس بربيعاتها او اهلها


بيقولون لها


ليش جيه انتي تسوي

شوفي بنت فلان وبنت فلان شو سوولها

ليش هي احسن عنج

ووو.........الخ

بعد هالرمسه منوه بيتوهق


نحن


حليلنا


والله مساكين



ومن رايي بعد احسه انه الانسان الي ما عنده حد يساعده


يعني شرات ابوه او ما عنده شي


ما اظن انه بيجمع من الشغل عشان العرس يعني لازم يتسلف

بس ماشي بالايد تبى اتعرس لازم جي وانا احس انه اغلب الشباب

في الامارات جيه


والله يعينا


تسلمين اختي ع الموضوع

[إسهر معي ليله]

السلام عليكم

مثل ما قلتي،، الإسراف في الأعراس ماله داعي.. لكن صدقيني ما نقدر لأسباب:

- اهل العروس يبون احلى عرس لبنتهم
- اهل المعرس نفسه ما يرضون بشي بسيط
- ما يفكرون الا بكلام الناس وبيني وبينكم هيه ليله وكلهم يبون يستانسون
- العروس نفسها اكيد تبغي تكون شرات ربيعاتها او خواتها

::
::

أنا عن نفسي حاط فبالي فكرة.. وان شالله اهلي واهل العروس يرضون brgll:
العروس عليّه.. انا بقنعها خخخ

يعني شوفي يا بنت الناس،، انا عندي مبلغ من المال.. اذا صرفته عالعــرس
بيخلص ولازم اتسلف.. بالتالي عقب الزواج بنتم انا وانتي عايشين نســــــدد
ديون العرس،، هني محد استفاد.. لو كان العرس حلو ترى الناس اتم ترمس
ما يعيبهم شي

فـ ليش ما تاخذين مهر بسيط،، وبيزات تشترين فيها اغراض حق الحفلـــة،،
يعني ماله داعي ملابس حق بيت الزوجيه وهالسوالف كلها.. نسوي ملجــــه
عائلية وعقبها على طول الحفلة،، يعني ما صرفنا وايد عالمهر ولا سوينــــا
ملجة وليلة حنة وهالسوالف.. وفي نفس الوقت انا ما بتسلف وبتكون عندي
فلوس.. نستانس فيها انا وانتي :kcl: عقب الزواج.. ولا شرايج brgll:

بس بيني وبينكم.. بصراااااحه.. هالحفلات وهالسوالف ما نروم بدونهـا
يعني غير الواحد يوم ملجته،، وعقب يتم فترة لو 6 شهور اونه معرس
ويرتب حق حفل الزفاف.. وايام الزفاف دق وبلاوي.. ويوم حق العيايـز
اللي يعزمن... يعني ايام حلوه وما تتفوت :kcl: فـ يمكن الحل يكون في
التوفير.. مثل فستان العرس وهالسوالف الكماليه

هذا رايي.. والسموحه منكم .. مشكورة عالموضوع

[شمعة أمل]

العرس شي مهم .. كل بنت تبا عرسها يكون احسن عرس ..
لكن
شخصيا
لو اعرس ابا اسوي عرسي في بيتنا اليديد .. احسه بيكون وايد حلوو .. يحطون خيمه في الحوي صوب البحيره و..الخ وعرس الرياييل في الميلس العود < عكيفي لول

بس صدق

ابويه بروحه قال

العرس في البيت وكل شي شعبي وبس .. ماله داعي لهالخرابيط


هيه هيه

وشي مستحيل مستحيل يكون في عرسي .. رقاصات يعععععععع وايد قحط



يوم الشخص بيعرس .. لازم يسوي العرس على قده .. عشان مايحط نفسه ديوون .. لو مثلا .. بدال مايسوي الملجه في فندق يسويها في بيت العروس *اصلن ماعرف ليش ناس يسون ملجه في فندق مب شي .. حلاته يوم في البيت* .. وبدال مايسوي عرس في فندق يسويه في قاعه .. هممم وبس

[الـيـاه]

سلاام


هممممم

هيه حتى انـا اقـول ان الملجه فالفندق مالها داعي وحلاتـه يوم فالبيت .. احلى بوايد وتحس البنت
بتغيير يوم عرسهـا .. وانا عن نفسـي بسوي ملجتي فالبيت

لكــن !!!

في ناس مايكون عندهم مكان مرات فالبيت والمعازيم وايد :kkk: فـ مجبورين حليلهم


وعن العـرس ؟ جوفـوا
إذا الريال قـادر انـه يدفـع وماعنده مانع باللي اطلبه فـ اوكي
لكن إذا هو مسوي ميزانيه محدده حق العرس انـا بقـّـدر ظروفـه وبسويه ع قد اللي يقدر عليه
ومافيـها شي لـو اسوي شي من عندي
ترا هو بيستوي ريلي .. والريال وحرمته ما مبينهم كلفـه


هو مب سالفة مهم والا مب مهم ؟
بس حلاتـه يوم يكون هاليوم ( ممـيز ) وكل حـد يطريـه
والاهـم ان الاثنينـه يكونون مستانسيييييين :kcl:


.
.
.

[إسهر معي ليله]

عندي مداخله سخيفه،،

اشوف البنات يقولون ( انا يوم عرسي ) :kcl:
شو هالثقة الزايده،، جيه انتوا اللي تخطبون brgll:
خخخ اسوي سوالف.. لا تزعلون الساعه 3 احين :ice:

[اخت اختي]

مشكورين عالمرور..

بس اخويه بو زايد.. أنا متمسكه برايي.. وإن شاء الله الله يثبتني على هذا الراي.. قولوا آمين..

[شمعة أمل]

لووووووول

عاد انا ردي كان غير p= "لو اعرس ابا اسوي عرسي "

[ذنـيـنـي]

شوفوا فستانها كيف عنقاش

شوفوا مكياجها كيف يلوع بالجبد,

شوفوا المعرس كيف نعاله خخخخخ صدق انه كجره

شوفوا خوات المعرس كيف قاصات على اعمارهن

شوفوا خوات العروس شقايل يرقصن خخخخخخخ, عفانا الله شوفي هالدبه كيف قاصة على عمرها

شوفوا الكوشه, صدق انها شغل cheap

شو هالـدي جيه التعبان / الفرقة التعبانه ما حصلوا حد احسن

فلانه مدي ايديج, لا اسمحيلي اختيه مسويه رجيم >> و ما اكثرهن الي مسويات رجيم


===========

هذه أمثلة من الرمسة الي بتحصلونها من ورا العرس الغالي الي بتسوونه

و بعد تبغون تخسرون فلوسكم على شي ما يستاهل :narr:

انا لو ودي, ما بسوي عرس
لكن المشكلة انه غصبا عني, مب كيفي

[صريح]

اخت اختي

تسلميــن ع الموضـوع القيّم
:)


انا في رأي انه كل شي يكون بعتدال حتى لو المعرس عنه خيـر
لانه حتى لو الواحد صرف واايد ع الملجه و العرس مب شرط
يستمر العرس و يدووم

يا ما سمعنا عن اعراس كلفت مئات الالوف و يمكن ملايين
و العروسين يتطلقون بعدها بسبوع ولا ايام



شو بيستوي بالدنيا اذا الواحد سوى العرس بتكاليف معقوله ؟ .. كلام النااس ؟
لو الواحد سوى عرسه ابـ 100 الف الناس بترمس عنه
و حتى لو سوى عرسه بمليون بعد بيرمسون عنه
"ما يملي عيون الناس غير لتراب"


و اغلب الاعراس اللي سرتلها هالفتره ما يسون عرس ريايل حتى
بس عزيمه بسيطه حق الاهل و ربع المعرس بس ...
و ما شاء الله نااس عندهم خير و من كبار التجار فلبلاد
بس ما يهمه كلام الناس و ما يحبون التبذير
صدق و النعم فيهم


و في ناس تسوي الملجه و العرس في يوم واحد
و يصرفون الباقي ع شهر العسل
بدال حفلتين حفله وحده بس تكفي



و اذا عني انا ..
اشوف انه العرس و الملجه في يوم واحد
و اسوي عزيمه حق ربعي و الاهل فالبـيت و الحربيه و العياله جدام البيت
:m7tar:


و يمكن
لــي عــوده

[الـيـاه]

إسهر معي ليله
هههههه لا يعني نرمس عن المستقبل < ويا راسك يعني بنتم عوانس :narr: لول


عندي مداخله على رد صريكوو
أقصد يعني سؤال لـه ؟

:ice:

هممم
كلامك حلو و ميه بالميه

بس انت قلت آخر شي :

و اذا عني انا ..
اشوف انه العرس و الملجه في يوم واحد


وجااان استغرب :kkk:

يعني تملج في يوم العرس ؟
انزيـن يعني انت مايهمك تعرف مرتك كيف ؟ اطباعها وافكارها وجي ؟
يعني ماتبا الفتره اللي بتكون عقب الملجه اللي ممكن تتعرف على زوجتك اكثر ؟


.
.
.