لمحبي نيسان ألتيما

[الهيثــم]

ما شا الله عليج عهد الوداع ..
الله يقويـــج ويقوي الألتيــما ..

[تحفه]

انا ركبت الالتيمه في المعرض من داخل والله مش حلوه .. جي شكلها من داخل جنها طبق فضائي بيسك بس لول ..

وربيعتي عندها التيمه قالت انها يوم تسوق اكثر من 120 اتم السياره شرات ما يقولون لك "تختض" وزياده عن ها ان فيها شرات الحنّـه .. لأن المكينه قويه والبدي خفيف ..

[المزوحي]

بوظبي شكرا لج على التعليق :kcl:

وكل واحد له راي بدون زعل ...

وعلى راي بعض الاخوة

[frame="1 80"]انا من زمان اعاني صراحه من مشاكل الاصوات ودخلتها الوكاله حوالي 6 مرات تطلع زي ماهي


انا بصراحه استخدامي للسياره فاحش ماعندي وقت اهدي لزوم التأخير والشغل


المهم الاصوات الي تظهر معي دايما

صوت في ديكور القزاز الجانبي

وايضا صوت في ديكور الدبه الخلفيه صوت زي الشنكو لما تعوجه بايديك بالتدريج

وهذا الصوت يظهر اكثر شي وانا راجع ورا وخاصه يزيد عند ماطلع طلعه خفيفه


فتحت الكراسي الخلفيه عشان احدد مكان الصوت طلعت البدي المربوط مع قاعده السماعات الخلفيه

مادري مافيه حل !!!!

اخاف اقص الحديد عشان ارتاح من الصوت [/frame]

[عهد الوداع]

كفايه الالتيما قويه من زمااان وتوصل عدد الاحصنه الى مادون 300 حصان اذا تزود وشكراً

وعفوا اخوي المزوحي ,,,:cop:

[صريح]

عن الالتيمـا السته سلندر

Overall السياره اعطيها جيد الى جيد جدا

السرعه القصوى : 249 "مقفوله من الوكاله" و تيب الـ 249 في 4 و نص كيلو
التسارع : 0 - 100 فـي 6 ثواني
القوه: المكينه 250 حصان .... بس ع الوييــل 200 ليـن 210 حصان "القوه تختلف من سياره لثانيه"


الثبات:
السياره رغم انها خفيفه بس ثابته ع السرعات العاليه فوق الـ 200 .. حتى ع المنحنيات

المكيف:
واايد زين و ما شتكيت منه من خذت السياره

صرفيت البترول:
اذا دووم ريس كامل التنكي يخلص في يوم واحد " الفـل ابـ 85 درهم"
بس اذا تمشي ع راحتك يتم يومين ولا ثلاث


العيــوب:
- فوق الـ 140 تسمع صوت الهواا اللي برع فالسياره .. العزل مش ولا بد من المصنع
- السكان اثجل عن باقي المواتر لانه الالتيما دفع امامي
- البودي خفيف و لا سمح الله في اي حادث بينعفص حتى لو الضربه خفيفه



بس الصراحه الموتر يعيش و زين حق الكراف و الخطوط
انا موتري من خذته و دووم لاعننه كله ريس كامل و ادوّر فيه حتى دخلته البر
و الحمد لله ما استوابه شي
brgll:


تسلم المزوحـــي
ع الموضوع الغاوي
:)

و السموحه ع الهذربان الزايد

[حبوبه دبي]

الالتيمــا مــوتر خفيــف وحلـــو

بـس انــا مـارتـاح فـ سـواقتـه مـادري جيـه !! يمكـن مـب متعـوده عليـهـا :kkk:

تسلــم يـالمزوحي ع المـوضـوع الحلــو

[إسهر معي ليله]

مشكور عالموضوع اخوي المزوحي،،، وبالنسبة لمشكلة القير

فـ هاي المشكله موجوده في أي سيارة انته ما بتسوقها عدل..
يعني تحصل واحد يسرع في الزحمه ويحكر السيارة وكل شوي
يردها غيار عكسي.. اي سياره في العالم قيرها ما بيتحمل هالحركات

واحد من اخواني خذ لومينا واكورد واحين عنده التيما.. ما في سياره
من هالسيايير ما اشتكى من قيرها.. والسبب سواقته

وانا جربت.. يوم تسوق سواقه هاديه سيارتك تكون عسل.. اما سواقة
ميانين السيارة تستوي مينونه بعد وتكثر مشاكلها

اذا سيارة السباق عقب كل سباق تظهر فيها مشاكل.. فـ ما بالكم بسيارة عادية خخخ

المهم.. الألتيما حلوه.. عندنا في البيت 6 و 4 سلندر.. الـ 6 عسل .. والـ 4 عسيله خخ
وما تصرف وايد.. اما الـ 6 تصرف... ومن ناحية البدي فـ هوه تعبان والسكان مثقلينه
يمكن عشان تحس ان السيارة ثابته

بس ما انكر ان الأكورد من داخل جودتها احسن وسواقتها حليوه.. بس بعد الألتيما
غطت عالكل و وايد انتشرت

المزوحي... الألتيما 2007 نزلت وما تغير شكلها.. بس الـ 4 سلندر رقم 1 زادوا لها
فتحة سقف .. مادري شو سالفتهم.. يمكن ينزلون الشكل اليديد على 2008

والسمووحه منكم

[بحر الموده]

السلام عليكم ورحمة الله وبركاته

المزوحى اشكرك على هذا الموضوع ومحبين نيسان دائماً متواجدين فى شىء يخص النيسان

الموضوع يمدحوونه وايد من صور من ردود خارجه عن نطاق المنتدى كل حد يقول شىء وعلى حسب استخدامه للسياره لى امتلكها سوا كانت من نيسان او غيرها من السيارات لى منتشره فى العالم

انا واحد من لى يملكون هاى الجوهره النيسانيه وصراحه كملت سنه وماشفتها منها كل الخير وسواقتها مريحه حق الخطوط خاصه 6 سلندرر العيوب وماشىء سياره ماتخلى من العيوب اليوم

عيب الالتيما عندى انه تشرب بترول وايد اشوفها ولا ماعليها كلام الوكيل الخدمه الصيانه الدوريه

طبعاً تواجد الخصومات احياناً .... نيسان التيما افضل سياره سقتها فى حياتى اشوف بعض الناس تبى تشوه سمعة الالتيما اقولهم لاتحاولون هاى السياره ماشاء الله لها باع طويل ومعروفه ولها

محبينها وعشاقها ولى يملكونها ... بنرجع على الجير والبعض تحدث عنه انا كانت عندى مكسيما جير عادى موديل 98 ودوم الكلج يعلق وديتها الوكاله صلحوه واحين تمام الحمدلله ...

النيسان صديق الانسان ...وحصان النيسان عن 100 حصان ... والنيسان على كل لسان:hist:

اكتفى بما قلت وعسا ربى يحفظ كل غالى وعزيز علينا فى الواحه..ولاتسرعون ترى سياره خطيره خطيره صاروخ ارض ارض ... ونشكرك اخوى مره ثانيه ..

والسمووووووحه على الاطاله فى الحديث ودمتم سالمين

راعى الالتيما وعاشق النيساااااااااااااااااااا اااان

[المزوحي]

صـريح .. صدق إنك صريح ... لأنك ذكرت لنا المزايا مع العيووب :cop:

وبعض آراء الشباب بهالموتر

[frame="1 80"]والله أنا ماعمري سمعت عن مشاكل بالالتيما !!
السياره روعه وأحسن مافيها انها رحبه وأكبر من الكامري والاكورد .... وحتى قوة المحرك ال 4 سلندر مقبوله
بس عيبها شيء واحد ((من وجهة نظري )) اللي هو الانوار الخلفيه , لو لونها أحمر تطلع أحلى من اللون الابيض [/frame]

[frame="1 80"]بصراحة الاتيما ماعليها كلام

خصوصن انها الاقوى مكينة في الـ 4 سلندر

وبالنسبة للي سمعت عنه من عيوب في المساعدات والقير

هذي اول دفعه من 2005

وهذا شي طبيعي جدا في اي سياره تنزل شكل جديد والدفعه الاولى

لكن الحين تمام التمام ماشالله ماتشتكي من اي عيوب

لكن فيها مشكله بسيطه الي هي انها تفكك بسرعه بس

ولا فيها اي مشكله ثانيه من وجهة نظري

والله يوفقك

واي شي ثاني انا حاظر... [/frame]

[المزوحي]

الله يسلمج حبوبة دبي .. :kcl: في ناااس تموت في الموتر وناس ماتحب اسم الموتر :kkk:

[المزوحي]

اسهر معي ليله

عيل مثل ماذكرت .. يمكن سبب إنهم يشتكون من القير من سواقتهم .. لكن تستغرب مرات يوم واحد

يقولك أنا سواقتي هادية والقير ملعوزني .. تشك فيه عيل وفي سواقته !! :puppyeyes:

على العموم كل سيارة فيها شي ما يعيبك ..

[المزوحي]

بحر الموده .. انت من محبي النيسان بشكل عام ومانقدر نقولك شي :cop:

ودام إنه البترول عيبها .. فحاول إنك ما تطلع :harhar1: ( سوالف ) ..

تسلم لنا بحر الموده على طرحك

[ولد الشحوح]

صراحة من اللي سمعته من ناس عندها هالمواتر الاكورد ملك هالفئة ....

[الهيثــم]

صـح كـلامك ..

[المزوحي]

حد يمدح الاكورد وحد يذمها ونفس الشي كذلك بالنسبة للألتيما !