أنشودة المطر

ان شاء الله لكم كل جديد :) ... وشكرا على التواجد الجميل


بوظبي

الله يسلمج بخصوص الفوتوشوب انا ما العب بالصورة ابد بس اقلل الإضاءة شوي تقريبا -13 ... وهذا الشي انا اسويه لان كيرمتي بوفلم ... فلما احمضها ويحطها الريال على السي دي ..تطلع الصورة افتح من اللي صورتها ...

بخصوص الخطوات .. انتي خبريني شو اللي تبين تسوينه في الصورة ... وانا بقولج خطواتها على الفوتوشوب

الخطوات اللي على الفوتوشوب اكثر شي كانوا يسوونها على الصور اللي يسوون لها سكان ... هذه الصور يكون فيها وايد رتوش ويبالها خطوات عشان ترجع وتكون مثل الاصلية

اما كاميرات الديجيتال ... فالتعديل على الفوتوشوب يكون ابسط بوايد ... اما انه يكون تأطير للصورة او قص الصورة او زيادة الإضاءة او تقليلها او تعديل ميلان الصورة او تعديل الليفل للألوان في الصورة

وفي جي اشياء يعني بس تعتمد على الصورة نفسها وكيفية التصوير ...

واللي يعدل وايد في الصورة بالفوتوشوب احسه غلط لانه ما راح يحس بحلاوة الصورة وجمالها

هههههههههه وعن الغاليري الله يسلمج ... ما ادري والله بعدني ما فكرت انزله كله

وخير ان شاء الله خليني شوي اصور اكثر ... وفالج طيب

وتسلمين على تعقيبج اختي