انـــا... وانجليزيتي ..وغربتي ...

[ريم العين]

هالسنه مغيرين منهجنا الانجليزي ووياد مناهج مغيرينهم

بس الانجليزي اانسميه حصه الرقااد ههههه

الابلة ترمس وترمس انجليزي عالسريع معقد الانجليزي بس افهم شويه مع اني مب شاطره بالانجليزي

بس منهج الانجليزي احييييين غييييير عن قبل بحاول اصوره واراويكم الصوره

انا بالنسبة لي شي اسمه حفظ موووووووول ما احبة اكره شي عندي الحفظ

بس الله يستر نفهم عالابلة يعني نحن ابلتنا مال الانجليزي مب مواطنه احسن

بس ما اقول غير الله يعينا ويصبرنا على الانجليزي

[الشوق]

عفاااااااااريتو ..
اشكرج يالغاليه ذكرتي نقاط مهمه جدا اثريتيها في نقطتج ...
القراءه ............. منها المقالات والقصص...
كتابه موضوع معين ..
الحوار والنقاش ... والتخاطب ..
هذي نقاط اساسيه لو يؤديها المعلم في تطبيقه للمنهج او الماده
-راح يغير اشياء كثيره في التعليم منها :-
-راح ينمي للطالب الجراه في التحاور
- راح يعتمد الطالب على مهارات ثانيه غير الحفظ اللي هي الكتابه والحوار
- راح يكون متاهل وبشكل كبير في التعدي للمرحله العليا في الدراسه وعلى اهبة الاستعداد
.
.
اختي الغاليه التغيير في طريقة اعطاء الطالب للدرس مهمه جدا كبيره وسهله بالنسبه للطالب خاصه انها بتكون مب روتينيه ..
يعني تقضي ع الملل ..
اتحصلين اراء كثيره من خلال النقاشات اللي راح تتم
راح يكون هناك تعاون بين اعضاء القروب ..
ما راح يعتمدون الطلبه على الحفظ فقط ..
.
.
عفاريتو
اشكرج يالغلا نقاطج جدا مهمه وقيمه واتمنى من المدرسين والطلاب يراعون هالاشياء
سلمتي يالغلا ......
الشوق

[الشوق]

شـــمعة امــــل ..
ترى الغاليه هاي الغربه هو احساس الطالب .. يوم انه يتجه للمرحله العليا وهو حاس انه ضايع بين كورس وكورس واغلبيته انجليزي .. من خلال البحث والحوار .. والكتابه .. والامتحانات ..
بغض النظر . مااتوقع الصعوبه في المنهج لان مهما اختلفت الدروس يبقى الانجليزي له طعم ... وما راح يختلف .. واذا الانسان اتعلم من صغره فنون اللغه الانجليزيه والطريقه الصحيحه في التعليم .. فبيتعلم حاله حال اللغة الانجليزيه ..
.
.
تسلمين عزيزتي ع الحظور الرائع ..
ولو الوزاره تاخذ الاجانب .. واتخليهم يدرسونا لغتهم راح انكون احسن وافضل حال
ومثل ما يقول المثل ( أهل مكه ادرى بشعابها ) ..

[الشوق]

الريـــــــم ..
خلينا انشووف الصوره ونحن في الانتظار ..
بس الغاليه .. المشكله مب في المنهج مهما كان الكتاب كبير او ثقيل او صفحاته كثيره
المهم في المعلومه اللي تقدم وتعطي للطالب وكيفية تقديم هذه المعلومه ..
.والله يوفقج يالغاليه في دراستج
ويسهل عليه الماده ..
.
.
كثري من قراءة القصص الانجليزيه راح اتقوين نفسج في هذه اللغه
لانها صارت مطلوبه في كل مكان ...