المشكله في المنهج وفي المعلمه
في المنهج
- وااايد ممـــــــل وسهل .. لازم يصعبونه ويخلونه احلى .. خصوصا يوم هم في سن المراهقه .. يدورون مواضيع بتشد انتباهم بس بالانجليزي .. نفس الكره ولا الشوبينغ
- كله يدرسونهم قواعد × قواعد .. المفروض يدرسونهم هالخرابيط يوم هو صغاااار ويسون refresh لاسبوع يوم هم كبار
- وايدين في الصف .. يعني في الحكومه على قل 30 طالب في الصف .. ف اذا حد ظعيف في شي .. المدرس صعب يساعد هالطالب ويقوي انجليزييته
- لازم يعلمونهم يكتبون ربوورتس ويسون بروجكتس بالانجليزي
في المعلمه
اوكيه .. انا انسـانه وايد احب اصحح الشخص يوم هو غلطان اذا الشي يخص اللغه .. انا الحمدالله اعرف 3 لغات .. ف وايد مواقف تستوي ..
يوم كنت صغيره كنت في مدرسه حكوميه .. وكنت اعرف انجليزي دايما اييب 100 .. وكنت ادرس عمري انجليزي في البيت .. اقرا قصص يهال وجي
أبلتنا مال انجليزي مره كانت مواطنه .. وصدق ماتعرف انجيليزي عدل .. يعني لهجتها ال*عربي انجليزي* مب انجليزي انجليزي .. وتمت تقوول كم من كلمه غلط .. وعاد انا مارمت اتحمل .. وكل حصه يلست اصححها .. ويعني تدرون تنقفط جدام البنات .. بس مالي خص .. محد قالها ادرس انجليزي يوم هيي ماتعرف
لو يدخلون مدرسات انجليزييات يدرسون انجليزي في المدارس الحكوميه احسن .. لانه الطالبات مهما كان مابيرومون يتفاهمون ويا الابله الا لو يرمسونها بالانجليزي .. بهالطريقه .. بينجبرون يرمسون انجليزي .. ف بتتحسن اللغه عندهم
همم
وبس
رد مع اقتباس
مواقع النشر (المفضلة)