بداياتي

[الريشة الزرقاء]

السلام عليكم و رحمة الله و بركاته
في البداية اشكر كل الاعضاء على الترحيب فيني كعضو يديد.. و انشالله ما تشوفون الا الخير
و اخوي المحاق.. شكرا على تقديمي للمنتدى.. و انشالله ابيض ويهك
والحين يا وقت الجد و العمل
انشالله هذي راح تكون ثاني مشاركة لي في الواحات

انا حاب اتكلم عن بداياتي بشكل سريع

هواية الرسم كانت معاي من صغري... ايامها كنت احب النسخ خصوصا الرسوم.. و بالاخص كابتن ماجد و ننجا السلاحف... عشلوون عيل...

المهم... كانات هذي الهواية مقتصرة على المدرسة و بس... و الحمدلله في المرحلة الاعدادية يانه مدرس عجيب... فنان بكل معاني الكلمة .. هذا الفنان كان يهتم بكل فنان واعد ... المهم خذاني و اربعه غيري وكان يشجعنا ان نشارك في معارض مع المدرسة .. و خلانه نشارك في و رش فنية .. و كان اهتمامه دفعة قوية اني امارس الرسم بستمرار...

لما انتقلت للمرحلة الثانوية .. و مثل ما الكل عارف انه مافي تربية فنية في هذي المرحلة .. وقتها انصدمت وقلت لا و الف لا:narr: ... حاولت اني اتابع الرسم حته من غير حد يوجهني!!!

رسوماتي اقتصرت على القلم الرصاص.. و كانت شغلات بسيطة .. ياريت اني اذكرها:kkk:

للاسف اني شوي شوي قمت ابتعد عن هذي الهواية ... و بالتحديد كملت سنتين من غير ممارسة

بعد ما خلصت الثانوية قلت لازم اتلاحق عمري و اتابع الرسم... و قمت ادورلي على معهد رسم لين ما حصلت لي على واحد في منطقة الشويهين في الشارجة !!!

قلت الحمدلله فرجت.... ومن يومها رديت لهوايتي المفضلة ... ومن وقتها وانا اتابع الرسم بستمرار...
مريت على مدرسين وايدين اللي شجعني واللي احبطني ... الا ان رسيت على مدرسي الكبير اللي اهديه كل الشكر و التقدير و الاحترام... فنان بكل ما تعنيه الكلمة ... تعبني في الرسم ... بس تعلمت منه اشياء عمري ما عرفتها

المهم .. جني طولت .. اليوم راح اشارك بأول عمل بالالوان الزيتية
انا انسان مولع بالمراكب و البحر...جميع انواع المراكب من غير تحديد .. لذلك اخترت انه اول موضوع ارسمها يكون مركب... وانشالله تعجبكم

و تسلمووولي

[عفاريتووو]

السلام عليكم

ماشالله عليج ,, واييييد حلوة الرسمة
شوقتينا نجوف رسماتج الثانية ^_^

[قرموشة]

العفــو .. من واجـبنا :)


مــاشاء الله .. تبارك الرحمــن ..
الرسمــه ما فيهــا حـيلــه الصراحـه ..
الالــوان قمـه في الروعـه .. !! اضافـه الى الدقه في الرســم ..
الريشـه الزرقــاء .. ما قصــرت يا خـويـه .. وتسلم لـنـا الانــامـل اللي رسمـت هـ الرسمـة ..

واحـه الفــن التـشكييلي في تطـور والحمدلله ..
والى الامـاام .. :)

[الريشة الزرقاء]

مشكوور عفاريتو....
انشالله الياي يعجبك اكثر ^_^
بعدين انا واحد ... و حصل خير -_-

[الريشة الزرقاء]

مشكورة قرمووشة على الرد ...
هيه شوي الصورة باهته ... لكن الحمدلله تمشي الحال ^_^

انشالله المساهمات الياية تلاقي نفس الاعجاب ...

[تنينه]

الـسـلام عـليـكم والرحـمه



مـــا شاااااء الله عــليك أخويه :puppyeyes: الرسـمه روووووووووووعه


شـي جـميل أنـك أستمريت في تـنمية موهـبتك وما أستسلمت للأنتـقاد أو الظرووف أياً كانت ,, أصلاً الانتقـاد هـو أللي يـساعد الواحـد لـمعرفة عيـوبه وأخـطائـه وبذلك يـقدر يبتعد عـنها ويتفاداها ويـطور بأسلوبـه أكـثر وأكـثر :smartass: ,,

مـا شااء الله عـليك مـوهوب اسـتمر في مـسيرك وحـاول تتعلم وأتطور من مـهارتك أكـثر وأكـثر ,, وان شااء الله بـيكون لـك مـستقبل واعـد في هالمجـال

وعـقبال مـا أنجوف مـعرضك الرسمي ,,


تسلم هالأنـامل المبدعه :smartass: ومـوفج دووم يا رب

[الريشة الزرقاء]

تشكر يا خويه تنينه..
و تشجيعكم المتواصل هو اللي بخلليني اتابع الرسم .. وانشالله بتوجيهاتكم و اقتراحاتكم راح انمي الموهبة اكثر و اكثر....

تسلملي مره ثانية و انشالله ما راح ابخل عليكم باليديد

[تنينه]

مـوفـج ياخويه ,, والله يوفقك دووم


احـم انا بنت مـب ولد :qor9anah:

[الريشة الزرقاء]

اسمحيلي اختيه .. العتب على النظر

[تنينه]

مـسمووح يا خويه بالـحل ^^".

[الاسطوري]

السلام عليكم ..

ماشاء الله إتقان في الخطوط وتدرج رائع في الألوان بس حسيت
في مشكله بسيطه في المركب اللي ورا من
جهة اليمين وبداية موفقه
أخوي


الاســـطـــوري
أخوكم

[أنشودة المطر]

ما شا الله عليك اخويه

أتمنى لك التوفيق

و بانتظار المزيد

[الريشة الزرقاء]

اشكرك يا الاسطوري على الرد
و انا اوافقك الراي.. المركب اللي ورا فيه عدة اخطاء خصوصا في المنظور.. و ما فيه اي عمق..
وانشاالله راح اطور ^_^

[الريشة الزرقاء]

مشكورة اختيه انشودة المطر على الرد...

و المزيد في الطريج انشالله :)

[ريم العين]

هي والله الثنويه ماشي رسم

بس رسمتك فنانه وااااايد واااايد حلوه

لو انت بنت وكنت بصفي السنه اللي طافت جان ابلتنا حبتك هههههههههههههه

وبتخليك ترسم وبتحطي صورك فالمعرض اللي فالمدرسه الاعدادية هههههههه

ماشالله ماشالله الله يوفقك وين ما كنت ^_^