إلـى مـتـى ؟!

**خيال الحب** · 10-09-06 ||, 12:56 AM

الخميس الي طاف.. كنت قاعد بالحلاق اتحلق.. وكان ربيعي يتحلق..

من زمان مب شايفنه..

المهم .. بعد ما خلص قالي تامرنا شي.. قالي الحين رايح بوظبي ..

قلت له ربي يحفظك

هالكلام كان بعد صلاة المغرب..

بعد صلاة العشاا كنت رايح المطار عسب اييب اخوي .. شفت حادث فضيييييييييع وقلت يالله تسترر..

ومن قوة الحادث تميت امشي 100 -80 ما سرعت اكثررر

مادري شو صار بريلي احس ماقدر اسرع زياده من جي من الحادث الي شفته

وباليوم الثاني .. اشوف ربعي متصلين فيني يقولون لي فلان توفى..

يالله يالدنيااااااااااااااا امس كان قاعد وياي..

لاحول ولا قوة الا بالله

الله يرحمه ان شاء الله

الواحد صدق ما يعرف متى بيي يومــــه.. بس لازم الواحد ياخذ بالاسباب وما يسرع ويتهورر..

بيعرض نفسه وغيره للخطـــر..

شو ذنبهم هالناس الي ماشي بسبحانيتهم

وتسلم ايدج ع الطرح :)

والسموحه ع الاطاله

**تنينه** · 11-09-06 ||, 09:12 AM

لا حـول ولا قـوة إلا بالله :( ,,

الله يـرحـمه بـرحمتــه ,,

الواحد صدق ما يعرف متى بيي يومــــه.. بس لازم الواحد ياخذ بالاسباب وما يسرع ويتهورر..

بيعرض نفسه وغيره للخطـــر..

شو ذنبهم هالناس الي ماشي بسبحانيتهم

صـدقك يا خـويه صـح إن كـل شي قـضاء وقـدر بس بـعد الواحـد لازم يـاخذ بالأسـباب ومـا يرمي نـفسه بالتهلكـه وأعـتقد الـحين الكل صـار واعي وعـارف شـو هـي نتايج التـهور والسـرعه ,, يعني شو بيكون عـذرهم ؟! ,,

مـشكور يا خويه بـن الحـب ع التواجـد الرائـع

سـعيده بـردك

**عفاريتووو** · 13-09-06 ||, 08:30 PM

السلام عليكم

ذكرتيني بــ ولد عمتي الله يحرمه ,, كان ضحية من ضحايا تهور الشباب و السرعة

كل ما اجوف اخوه عيوني تدمع
تصدقين من يوم هو توفى الله يرحمه و هالولد ما ضحك
مع انه مر 4 سنين بس بعده هالولد يتألم

لحظة طيش مب بس تنهي حياة المتهور
تحطم قلووب اهله و اللي حوليه :no0:

الله يهدي الشباب ان شالله و يرحم جميع موتى المسلمين

**شوق القلوب** · 13-09-06 ||, 08:53 PM

وربيـعي خبـرني قبل فتـرة إنه واحـد من ربـعهم سوا حـادث ..
وهم كانوا هنــاك مكـان الحـادث .. يقوول والله غنه ربيعنــا يالس في الموتر ويرمسهم
يقوولهم طلعووني ما فيني شي .. والسيارة كانت تحترق شوي ..
قال طلعووني .. الباب ما يتبطل انا ما فيني شي .. ومحد يقدر يجرب من الموتر

لين ما انفجرت السياارة .. ومااات ربييعهم يداامهم .. واتفحم .. وما تم منه شي ..

لا الـــه الا الله .. والله عيوني دمعت..!

ما ادري شو حال ربعه وهم يشوفونه جدام عيونهم.. وهو شو كان حاله وهو يحترق

لا حول ولا قوة الا بالله ..

:no0:

**ألم ترى** · 14-09-06 ||, 11:30 AM

بسم الله الرحمن الرحيم ..

واحد مني اسرع لكن بحدود ! ..

هي والله كم شفت وكم عشت ف هاي الأجواء :no0: ..

كم ميت شلت وكم جريح وكم محترق وكم وكم ! ..

اللهم ارحم موتانا وشفي جرحانا وجبر خواطر والدينا واحبابنا ..

بحفظ الله :kcl: ..