شو رايكم بالرنج ؟؟

[المزوحي]

زين ماشاء الله ....

[إسهر معي ليله]

المزوحي

الوارد مثل ما قال بدون زعل.. فيه مشاكل مثل ما يقولون.. والسبب انه مب مواصفات خليجيه
بس سعره واايد ارخص على ما اعتقد

ومثل ما قال ذنيني.. على عقد الصيانه تسوق السياره وانت مرتاح.. كل شي يتبدل.. حتى الطبلون
لو تقطع من الشمس يبدلونه لك.. يعني مب لازم تحط مخفي

[المزوحي]

يعني نسبة وتناسب

إذا وارد أرخص وتم تدفع عسب المشاكل وإذا تبغي مشاكل أقل عن الوارد تدفع أكثر

"اسهر معي ليله"

تسلم على الرد الطيب

[المزوحي]

قبل ربيعي ماخبرني عن الرنج كان ناوي على أودي Q7 واتردد لانها بعدها ما انتشرت .. يعني خوفه من الخرابات .. ورغم إنه وايدين يشتكون من السيارات الألمانية بشكل عام .. إلا إنه فئة كبيرة مستمرة في شراء هالنوعية ..

من مساعه شفت أودي Q7 واقفة في باركات مول الامارات .. شويه واشوف يايبيين ري كافري
مب مدعومة .. ولا من عيني ( خخخخ ) لكن مادري شو اقوول عن اعطال المواتر ..

وو وصح بالنسبة للبيع أكيد بينزل سعرها ... بس ليش نفكر دام إنه نحن تونا شارينها !!

وكان ربيعي يكلمني يشتكي من جامات الاكس فايف .. وشي بعد مخترب عنده تصليحه بــ 17 ألف

[الرحيل]

هلا المزوحي...

انا اشوف الرنج الحين عاادي لانه كل حد عنده ووااايد تشوفه ع الشارع..

وخاصة انه ييبوونه من برع...

يعني اعتقد بعد فتره بيكون شي عاادي الرنج..وتقدر تحصل بالشارجه

موديل 2002 معدل 2006 ب 120 الف بس

وتطيح جيمته بسرعه وفيه واايد خرابات..انا عن نفس اذا

بشتري سياره واارد ف احسن اشتريهاا مستعمل..حرام ادفع هالجيمه وبالاخير على سياره وارد من الوكاله


وعن الجي اس..

واايد حلو وسعره مناسب على مواصفاته ل 8 سلندر

[المزوحي]

الرحيل

على أساس المستعمل ممكن يكون مضروب .. وليش ياخذونه من برع ( وكالة ) لانه ارخص

مقارنة باللي عنا .. والعبرة مب في إنه الكل عنده رنج .. العبرة شو علتها

[الرحيل]

بس لو تحسب التعب وسوالف الجمارك ومابيطلع فرق واايد..

خذ المضمون احسن لك..

الرنج بعد ال 90 الف تطلع العلل فيه..وحتى لو تكون اشياء بسيطه بس سعرها غالي..

وانت مستحيل تودي رنج عن بابو يصلحه..

انا اشوف من الاحسن انه ياخذه من الامارات بيكون اظمن له واذا كان هو محافظ

لانه الرنج مايباله سواقه دفاشه...

بس انا اقول يتريا لين الشكل اليديد احسن له..لانه هذا خلاص يعتبر جديم

يعني مافي فرق بين الجديد والقديم..

الجديد بيكون صاروخي يعني بيكون احلى عن هذا..

[المزوحي]

الرحيل

الرنج يباله تحافظ عليه .. لكن اعرف واحد يحافظ على المواتر .. وخذ له رنج Hse أول شهر

والكهرباء اختربت عنده ( اللي في الباب )

[المزوحي]

حتى لو خذه من الإمارات بعد بتطلع عيوبه بعد التسعين تقريبا

[المزوحي]

كم صرفية الرنج .. أقصد تبديل السفايف .. الآيل والفلتر .. هل أغلى عن المرسيدس

[المزوحي]

هو خذ أودي وأشوفه أمس يتشكى من الجامه !

بالنسبة للرنج ، انا احاول ايمع مبلغ محترم على اساس آخذ لي موتر على السنة اليديدة بإذن الله

افكر بلكزس استيشن

بس اخويه كان يكلمني عن الرنج، يمدحها وانا للحين ما اقتنعت بها

[مايهزك ريح]

مرحبا مروان .
اللكزس فيها مشكلة البريك اللي لين اليوم ما عدلوها ..
هالمشكله موجوده في الكروزر بس على اخف ..

الموتر موووول ما يمسك بريك .. وسعره 350 ألف على شو !

[المزوحي]

مايد والله الواحد يحتار في المواتر !
عيل اشتري موتر بنص المبلغ والنص اخليه

[مايهزك ريح]

والله ما اعرف شو اقولك..
حتى انا يوم فكرت اغير الموتر .. كنت حاط في بالي موتر فورويل .. وعليه سيرفس ورنتي وكل شي على الوكاله .. عشان بس اصب بترول وامشي ..
وكان حظي حلو انه الايسكاليد نزلوا سعره بسبة الأزمه الماليه وخذته بسعر فنان .. !

[ذنـيـنـي]

اللكزس عبارة عن ستيشن فل اوبشن
عندنا واحد و اسمحلي اقول انه مقارنة بالرنج و الاكس فايف اشوفه زبااااااااله
سواقته مب شي و مكينته كبيره عالفاضي, ما فيها قوة

طبعا لو الشخص بس ساق اللكزس و ما جرب موتر غيره بيعيبه و بيعيبه المشي
بس لو جربت غيره من المواتر بتكرهه لأنه وايد تعيس و سعره غالي عالفاضي