لحظات من الإنتظار

[شتشووته]

الصراحه .. من احلى المواضيع الي قريتها بحياتي ..

وفعلا يقراه القلب قبل العين ..

ربي لا اله الا انت سبحانك اني كنت من الظالمين ^_^

[سبيجة]

االسلام عليكم


احلى شعور من تدخلين الرابع .... ويروح الوحام والخمول والرقاد

حسيت اني رجعت للحياه من دخلت الرابع.... وسافرت 10 أيام وانا فالخامس ...وكنت اتحرك وامشي .. وخذت راحتي وايد الحمدلله .. وكل شي تمام

الحين وصلت نص السادس ..والديو ديت أول اسبوع من رمضان بعدني ما افكر فالولاده واهوالها .. يمكن لأنه دكتورتي ألمانيه ودايما تطمني .. في آخر زياره لها عطتني تمارين خفيفه لازم اسويها 3
مرات فالاسبوع .. بس انا رجعت للكسل بعد النشاط...

بحاول اسويها هالاسبوع دامي احس بنشاط ..احيانا امشي بس فالمولات


والعلثه اني اجهز اغراض البيبي


ادعولي الله يتمم لي على خير

[شوق القلوب]

هلا سبيجه...

ماشاء الله ... احسن شي سويتيه انج سافرتي و استانستي بوقتج ...

ع السادس و السابع بتحسين بالثجل شوي... و جهزي اغراضج ع الخفيف.. ولو تبين اساعدج بالاغراض الي تحتاجينها من عنوووني ... لانه في اول بيبي اتحسين انج تبين تشترين كل شي و اتجهزين احلى شي و عيونج في المولات ما اتشوف غير ملابس الاطفال

الله يتمم عليج ان شاء الله .. ما اوصيج.. استمتعي بكل لحظاتج هالايام...

[شتشووته]

الله يتمم علييج حبيبتي سبيييجه ^_^ ويسهل عليييج
وحاااولي قد ماتقدرين انج تنسين الولاده وآلامها :D

[سبيجة]

صباح الخير

شواقه وشتشوته ..تسلمووون حبايبي ..

بالنسبه للتجهيزات خواتي واربيعاتي مب عاطيني مجال

كل وحده بتجهز لي شي .. وخصوصا اني كنت ما اقصر وياهم في شيء قبل الزواج طبعاً ..كل يوم بايته ويا وحده فالمستشفى

بديت اتجهز على الخفيف ..ومسويه لسته بكل اللي بحتاجه طبعا هاللسته مسويتنها وكل ما اتلقى ويا اي ام اراويها .. وكل وحده تشور عليه بمكان أو شي والحمدلله احس انه كل شي واضح جدامي

طبعا فالسوق شرات ما قالت شواقه كله عيونا تطير على أغراض اليهال..وخصوصا اني حامل ببنت ويوم سافرت ما تم اوفرووول ماركه ما خذته ..خميت جوتشي كامل ..ورالف لورين..وبربري ويوم رجعت البلاد شفت كل شي موجود في بلووومينج وانا دفعت على الشحن وضيعت لحظات بدال ما استانس ويا الأخ

واكتشفت انه البيبي في البدايه ما بيحتاج كل هاللبس وخصوصا اني خذت وايد اشياء مال 0-3 واللي ما بستفيد منها وايد

بس طبعاً كحريم عندنا متعه ما بعدها متعه فالسوق ... والحلو توج عروس وكل اشياءج يديده ..وتشترين لبس يديد ..وتتعذرين بالحمل ..وفي نهاية الحمل تجهزين للبيبي ..ولج وللمستشفى من جلابيات وحلاوه وتوزيعات..وبعد الربى .. ثياب يديده لانه المقاس اختلف

والحياه حلوه عندنا

[غرور أنثى]

موضوع جدا. جميل