لحظات من الإنتظار

[الشوق]

عزيزتي طير ... .

جميله تلك الذكريات .. فلا تطيلي الانتظار ..

[شوق القلوب]

اكملي طير..

فلا شيء يضاهي فرحه الام و لحظاتها الحميمه بينها و بين طفلها..

الحمد الله .. ربي رزقنا هالشعور

..

ربي يحفظ عيالنا جميعا

[أمطار]

مــن أروع مــا قــرأت ^^~
فــلا تبخــلي علينــا بالمـزيد . . .


الله يحفظ عيــالكم من كل باااس
ويرزقنــا =)

[طفلة من هذا الزمان]

تذكـرت "الطيبـــة " عضوة قديمـــة جــدا ..

تعبر خاطــري من وقـت لآخــر ..

أمنيتهــا ذريـة تزيد جمال حياتها جمــالا ..

أحيانا في سجـود مازلت أدعـو لهــا و أتمنــى فقـط أن أعرف .. أنهــا بعد صبر السنـوات أصبحت أمــا ..

اللـــهم ارزق كل محرومـــة و احفــظ حمــل كل من تترقــب فرحـة وشيكــة //

متابعيــــن أم عبــادي .. رجــاء لا تتوقفــي ..

[فرفوش]

آمين أختي أمطاااار^_^ - وهذه أحكام رب الارباب لا يعلمها ألا هو

[فرح]

عودة حميده

موضوع غير غير غير

بالرغم اني ما جربت الامومه لكني احس اني ام للكل

من صميم عملي بعض امور حلول العقم والاجهاض المتكرر

عيشوا معي بس احلى لقطات حياتي فرحه ومتعه

ادري ان الكل منا يداوم ويشتغل .... لكن احلى شي في الشغل على قولتهم نهاية الشهر والراتب

لكن احلى ما في شغلي دعوات الناس لنا من فرحتهم

قبل فترة نادتني وحده في صالة الانتظار وهي تسلم على بحرارة ..... طبعا انا ما عرفتها ولا ادري شو السالفه

عقبها خبرتني انها قبل سنه يت العيادة واني ساعدتها في بعض الامور بخصوص موضوع الحمل (طبعا هي ما كان عندها عيال لفتره طويله) وسار اني ساعدتها ببعض التوجيهات وبس

الحين بعد سنه وهي تسلم على وتذكرني بنفسها وتراويني البيبي الجديد....... كم كانت فرحتي بالرغم اني ما اتذكرها لكن حسيت ان بتوفيق وارادة رب العالمين نشوف نتايج حلوة جدامنا والناس يدعون لنا من فرحتهم

هنا اللذه في العمل انك تحس وتتعايش مع الزباين والمترددين عليك لخدمتهم كموظفين احنا

الله يرزق كل زوجين من فضلة بالذرية الصالحة السليمة يا رب

وشكرا لج يا راعية الموضوع على الحروف الغاليه المميزه

[سبيجة]

السلام عليكم


اختي طير ... بصراحه موضوعج ملىء بالأحاسيس .. وينقرأ بالقلب قبل العين ..... تسلمين وياريت لو تكملين ....



كانت تفكيري نفس تفكيرج في بداية الحياه الزوجيه ... كنت معارضه فكرة الحمل على الأقل لمدة 6 شهور ... بس من شهر العسل وكل ما اشوف ياهل ..احس اني ابا .... وكنت متفاجأه من شعوري ..ما انكر احب اليهال وايد بس ما اتحملهم فتره طويله .... بس الغريب انه كل اطفال العائله يحبوني بدرجه مب طبيعيه ..لدرجة انهم خربوا عرسي وما رضوا ينزلون من على الكوشه ..والمشكله كلهم عيال خواتي واخواني ..وخالتي .. وحتى كل اللي حضر العرس يقول ليش هالكثر يهال ...وكلهم عندي وانا ابتسم ..وفي داخلي ابا ارفسهم


المهم ..بعد شهرين ... طلعت حامل .. وطبعاً صحت من الخاطر مب لأني ما ابا ... بس كان عندي شعور غرييييييييب ما اقدر اوصفه ..... وطبعاً الأخ كان وايد مستانس ..بس طفرته ... لأني مب قادره اتخيل في مخلوق داخل بطني ... وخصوصاً اني ما كنت احب اشوف بطن حامل ... ومستحيل احط ايدي على بطن أي حامل بصراحه كنت خايفه على فرحانه ....

بس للأسف الله ما راد حملي يكتمل ... وكل ما اسير للدكتوره ماشي نبض .. طبعاً اهني كانت نفسيتي وايد تعبانه ...بس وكلت امري لله ... حمدت ربي وايد على النعمه ... وتندمت لأني ما تم حد ما خبرته لا انا ولا ريلي ... نشرنا الخبر من أول أسبوع وندمت لأني كنت اقول شكلي حملت في وقت غلط .. واشياء جيه لأني كنت بنتقل دوام يديد ...وكنت احاتي ... كان المفروض اتوكل على الله .... بس الواحد ما يقول غير الحمدلله ... وإن شاء الله ..يعوضني

لا تبخلين علينا يا طير ..وكملي موضوعج ...


متابعة

[طير الحب]

سبوج حبيبتي...ربي يعوضج خير...بالنسبة لمشكله البيبي بدون نبض مشكله شائعه على نطاق ناس وايد اعرفهم وتخييلي مجرد فحص دم ممكن تعرفين من خلاله السبب بعضهن احتاجن بيبي سبرين لفترة..


وبالنسبة للحظات من الانتظار فعلا هالفترة احتاج اني اكمله لاني احس عمري ام للمرة الاولى مع عليا فديتها ربي يحفظها....سبحان القادر على كل شيء

[سبيجة]

السلام عليكم


حبيبتي طير ... وعدتينا تكملين ..والحين ماشي دراسه .... ياريت لو تتفيجين وتكملين ... الموضوع حلو .. وحرام انه ما يكتمل ....


وحبيت ابشرج .. اني حامل ...وسمعت النبض الحمدلله .. وتقريبا الحين في الثالث ... بس في شبح اسمه الوحام واااااايد متعب ... وموووول ما توقعته جييه اذا عندج اشياء ممكن تخفف ياريت لو تفيديني ....



السموحه

[طير الحب]

هلا حبي....بعدني ادرس الكليات والجامعات غير المدارس اجازتنا اخر هالشهر...ان شاء الله بحاول اكمل...المشكله الكتابه يبالها هدوء....يقولون بسكويت الزنجبيل يخفف اللوعه ...الصراحه ولله الحمد ما اتوحم فما عندي فكرة حبي

[شوق القلوب]

مبرووووووووووووووووووووك سبيجه... والله والله فرحتلج من خاطر خاطري ...

ما اوصيج.. هالله هالله بعمرج.. لا اتقولين عادي بشل و بحط و بدز...
و وصيتي الابديه ... ارقديييييييييييييييي... عقب بتحلمين فيه

..

مره قريت انه الخبز او البسكوت الجاف يخفف اللوعه الصبح...

والله يعينج عليه.. فتره ان شاء الله و اتعدي...

تدرين لنهم اكتشفوا انه الوحام غالبيته وهم !! يعني ماله تفسير..
فاقنعي عقلج الباطن انه مافيج شي

..

الله يتمملج على خير ان شاء الله

[سبيجة]

السلام عليكم

يبارك في حياتكم خواتي


البسكويت بالزنجبيل كان يخفف اول الأيام بس الحين لا ...استوت عندي مناعة منه ... وقمت اخذ الخبز المحمص ..بالنكهات ...هذا حسيته اوكي ...وبسكويت الدايجست الصبح ... يخفف وايد الحمدلله ...واستعمل حبوب الدكتورة وصفتهم بس ما احاول اخذهم يومياً..


الحين طلعت شغله يديده من نص الثالث تقريباً ... حياتي رقاد في رقاد.. في الدوام انخش فالمسيد وارقد مال ساعتين او ثلاث...ارجع البيت اتغدى وارقد ....وانش ايلس فالصاله ...وارقد ....الأخ مل من كثر ما يشوفني راقده ..وحتى من يطلع ارقد ..لين ما يتصل ويحس اني راقده...ويوصل البيت يشوفني متنفخه ...حياتي ممله ...وااااااااااااايد

بس دام هاي فرصه عيل لازم استغلها ... واريح وارقد ...


عاد في هالوقت بالذات بشكارتي شردت وما عندي حد ينظف ويطبخ .. ايوني ما الpart time بس ما ينظفون بضمير والأكل كله من برع ... الله يعين ..


مشكورين خواتي على ردودكم

[سبيجة]

نسيت ارد على اختي شوق ... بالنسبه للوحام انها حاله نفسيه ...

انا حاولت اعرف شو الأسباب العلميه للوحام..وانا عاد من حملت لا تم موقع اجنبي ولا مجله ما اشتركت فيها

يقولج إنه هرمون الحمل يعتبر من الهرمونات الغريبه على الجسم .. ما يكون الجسم متعود عليها .وخصوصاً في أول 3 شهور يكون الهرمون مرتفع وايد ..ويزيد كل 3 ايام ..وهالشي يسبب صداع...خمول...تعب,,إرهاق...ولو� �ه ...ومن الرابع يبدأ الهرمون يعتدل ..في الزيادة ...ويبدأ الجسم يتقبل الهرمون... وبس..

بالنسبه للخرافه في الوحام هي يوم تقولين إنه خاطرج في شيء ..معين ...هالشي يكون نفسي ...ما يكون حقيقي ... يقولج حتى انه بعض الأجنه تنولد وفيها علامات..يسمونها عندنا علامات الوحام ..وتحس الأم بالذنب لأنها ما كلت الشي الفلاني ..بس الحقيقه العليمه تقول انه هاي تصبغات تصير في الحمل والتأثر على الجنين ...

[شوق القلوب]

ارقدي حبيبتي و ادلعي و طلعي كل اللي في خاطرج... انت حامل و لج مليووون عذر

[طير الحب]

اااه يالرقاد كيف احتاجه؟؟؟؟؟ سبوج ارقدي من الخاطر حبيبتي بتتولهين على شيء اسمه رقاد