السلام عليكم ..

موضوع فعلا في غايه الروووعه

اذكر اول ما عرفت اني حامل.. ما كنت مصدقه .. كنت اضحك واصيح في نفس الوقت ..
ولما اعلنت الخبر لـ ريلي .. حليله تم امبحلق ساعه .. مره يشوف ويهي ومره بطني .. :)

صحيح في حريم يتعبون في الشهور الاولى .. وانا وحده منهم .. لكن عشان البيبي تحملت كل شي وصبرت ..

احيد اول مره حسيت بحركة الجنين .. صبح العيد .. احساس فعلا غيييييييييير .. طول اليوم كنت سرحانه .. كانت حركه خفيفه لاني كنت في اخر الشهر الرابع .. طول اليوم كنت اتريا الجنين يتحرك .. وعلى هذا الحال ....

لما دخلت الشهر التاسع .. قام خوفي يزيد من شي اسمه الولاده .. وكيف بتكون؟؟
مع ان امي الله يخليها ان شاء الله .. شرحت لي كل شي .. حسيت ان الولاده اسهل شي بشرط انفذ كلام الدكتوره بالحرف ..

من طلعت بنتي وحطوها على صدري .. وشفتها لاول مره .. تميت اصيح واقول بصوت عالي ( هذي بنتي .. هذي بنتي انا .. مالتي انا ) .. احساس رائع .. مهما شرحت .. صدقوني ما بقدر اعطيه حقه ..
من فرحتي ماعرفت شو اسوي .. اشيلها والا ابوسها والا احضنها ..

كل اللي قدرت اسويه .. اني ما خليت دكتوره ولا نيرس ما قلت لها ان هاي بنتي انا وهذي مالتي انا :)

بنتي الحينه بعد كم يوم بتكمل شهر ما شاء الله عليها ..
لكن لما اشوفها .. ما اصدق انها بنتي .. قطعه مني ..

الله يرزق كل زوجه طفل .. والله يحفظ طفل كل ام

نتريا البقيه الغاليه