لحظات من الإنتظار

[شوق القلوب]

الســـلام عليـــكم...

كـــلامج جداً رقيق .. نابع من القلب..

هذي المراحل من عمر المرأه جداً حســاسه.. و بالرغم من التعب و الارهاك الجسدي و النفسي.. فقله من يتلذذ بها و يعطيـــها حقها من التأمل و الهدوء...

..

متابعيـــنج يا ام عبادي..
:)

[أمواج]

:mar7aba:
.
.
وايد استــانس على شكــل الحــامل
والكلام اللي قــلتيه يام عبدالله واايد جميـــل
،
من فــتره قريت مقــال عن الحــامل اعتقد في مجــلة كل الاســره
كـانوا يتكــلمون عن الحــامل أول ماتســمع خبــر الحمــل و كيف نفسيــتها . .
الحــامل اول ماتسـمع خبــر حمــلها تفــرح بس بعد فــتره تتضــايق والضيــق بسبب
الهرمــونات اللي تنفــرز في جســم الحرمـه اول ماتحمــل فتـأثر هالهرموونات في نفسـيتها ،
وطبــعا خووف الحــامل من الايــام اليايه و التغيــرات اللي بتطــري عليــها مع الايــام
و الولاده بحد ذاتهــا تسبب خووف للحامل فتتضــايق
وها خلاصة المقــال اللي قــريته

عاد ماعرف هالكلام صح ولا لا

متــابعه لج
.

[طير الحب]

شوق القلوب...والله أتمنى كل إمرأة تعيش لذة هالإحساس بدل المعتقدات أنه هالشيء جدا مخيف ومتعب بالعكس نهاية الولادة خير ومغفرة من الذنوب بإذن الواحد الأحد.

أمواج...مداخلتك الجميلة اجبرتني على الرد قبل الدخول في تسلسلات الأحداث...تعرفين بفترة الملجة وقبل الخطوبة والزواج كنت حاطه ببالي أخر الإنجاب لفترة تمتد لسنة عشان أستانس...بس الي صار أني من تزوجت صار خاطري بطفل بطريقة جنونية هالشيء فطرة واحساس تشعر به الزوجة...وأذكر مرة ما طلعت حامل عقب شهرين يمكن... شو النفسية صارت ما تم صياح والحين اضحك على الموقف... قصوا علي بكم يوم بفندق عشان انسى...المهم أنا كنت مهيأة نفسي للفرح طول فترة الحمل وكنت مووول ما أضايق نفسي لأنهم يقولون نفسية الطفل تكون مشابهة لنفسية امه في فترة الحمل وان حصل وتضايقت كنت أكلم عبادي وأقوله الماما ما فيها شيء مب متضايقة ما أباك تكون صياح أباك تكون مثل البابا والماما طيب وتحب الناس وما تخاف من الناس...يمكن في ناس يقولون هالدراسة مش أكيدة بس ما شاء الله عبادي طالع شرح واجتماعي مثلنا وماشيء معانا في هالدنيا على خبالنا حليله أتأقلم...وفي شيء كنت دوم أقارن بين حمل الأجنيات وحمل العرب وكيف انه الأجانب ما يخافون ويحاولون يستمتعون بالحمل وكيف ان اغلب العرب يدلعون بالوحام وما إلى ذلك من طلبات وكنت بعيدة كل البعد عن هالأشياء وتجربة الحمل بالنسبة لي كانت مرحلة عادية في الحياة مثل النوم والرياضة يعني كنت أسوي كل شيء وأذكر اني ركبت طراد في الشهر الثالث وجدا استمتعت مع خوف ضئيل على الجنين ...وبقية المعلومات بتكون بالتسلسل بس حبيت أعقب على مسألة الضيق والخوف من الإنجاب.