..أنا في الروضه .. ويا أصحابي ..

[الشوق]

العجيبه
اضافتج مميزه يالغاليه ..
صح الروضه لها ايجابياتها الجميله والممتعه...
رحلاتها المدرسيه .. حفلاتها الممتعه . المعلمات الحنونات ..
صحك ولهو . ولعب . وفرح ومرح ..ايضا ..
كتابات ورسومات .. واعداد وارقام كانت لها ميزه خاصه وطعم خاص
.
.كنا صغارا وفي مرات كثيره
اقووول ياليت ارجع لايام طفوله لان ما تحمله تلك الايام .. الكثير من البراءه والشفافيه

.
.
تحياتي/ ودمتى
اختج /الشوق

[اليازية]

السلام عليكم

والله سوالفكم اتونس .. أما بالنسبة لي كان شي ثاني

طبعاً انا الروضة ما دخلتها لاننا كنا مسافرين هاييج السنة و عاد طولنا شوي في السفرة .. يعني راحت علي .. لكن بخبركم عن أول يوم في المدرسة .. بصراحة كان شعور ممتزج .. كنت خايفة و متحمسة بنفس الوقت .. و من كثر ما كنت متحمسة .. أول ما نزلت من الموتر صكيت الباب على صبعي هههههه .. يعني نحاسة بالقو!