ألـحق ما تلـحق على مـقصف الـمـدرسـه

[تنينه]

المزوحي


اخيييراً جفنا رد من ولد ,,

صـدقك والله لأنـه ما كان شي خيارات غير الفلافل والجـبن كان الأكل ألذ ,, رمسنا عـن مقصف مدرستكم وكييف كـان ,, نبى نعرف كيف كان الحـال في مدارس الأولاد وكيف كان مقصفكم ومنو يبيع وكييف


ومشكوور ع التوااجد الحلوو

[الشوق]

تنينه تدرين ...
ايام المقصف غير الزحمه والدز .. والله حاله
لا الشي الحلو ان في بعض الحصص انقول حق الابله اتطلعنا من وقت قبل الجرس اب خمس دقايق عسب نشتري قبل البنات ههيهييه وعسب الزحمه (( حليلها ما كانت اتقصر ))
بس تدرين ياتنينه ايام الاعدايه يت فترة وقامو يبيعون عنا ايس كريم ..
عاد خويتج .. شو تشتري اتخيلي انتي هيههي
( سندويش و ايسكريم ) اربيعاتي يستغربن مني اونه (( حد ياكل سندويش ويا ايسكريم )) انحيده ويا العصير ..
كنت اقولهم شي في خاطري حرام
يقولوي عاد كل يوم .. صج انج غريبه !!!
اقولج ليش شو فيها اذا الواحد كل سندويشه ويا الايس كريم ..
هيههيهي بس تدرين
موضوعج غاوي
سلمت الايادي
مع تحياتي
شـــواقي

[هزاايم]

شوق شيختي نحن ننسى التعب يوم يكون عندنا عزييمه نرتبش من الخااطر,,لو لقيت صور بنزلهن بموضوع خرابيط

تنينه
خلاص هالمره بنهرب للجاامعه عسب صدق احصل ليه هزبه محترمه

[قرموشة]

هـيه صــدق!
مـدارس الاولاد كـيف ؟ ! عندكم مـقصــف يعني ؟ !
وشو تسوون حـزة الفسحــه ؟ !

اللي عنده مـوتر شي اكـيد يظـهر ويسير ستاربكس ويترريق لوول

[تنينه]

الشـوق :kcl:


هههه سندويج واسكريم ههه :ice: ,, يا حـظكم والله كان عـندكم اسكريم ,, ليش نحن لا ,,

عـزيزتي الشوق تسلمين ع التواجد الرائع ولا عـدمنااج يا رب





قـرمووشه :: هـيه صدقج :kkk:

هـيه صــدق!
مـدارس الاولاد كـيف ؟ ! عندكم مـقصــف يعني ؟ !
وشو تسوون حـزة الفسحــه ؟ !

اللي عنده مـوتر شي اكـيد يظـهر ويسير ستاربكس ويترريق لوول

فـي انتظار رد الأولاد :negab:

[بنت الدلع]

اممم

ابا جبس البنفسجي وو ,, عصير برتقال ,, وكرواسون جبن
===

يوم ايي دوري حق الشرا
ما ارمس بسرعه واروح

نوو اخذ راحتي
واحيانا بعد اسلم عليها في وقت الزحمه
>> ليش استعيل <<

----

موضوعج اكثر من روعه
الصراحه والحقيقه والواقع

وااايد اشتقت لمقصفنا
مع انه مافيه شي
واحيانا يوم نسير يكون مخلص الجبن
وبعض الاحيان يقولون مب يايبين كرواسون اليوم
ويوم نسأل عن السبب
يقولون والله الميزانيه ماتكفي

اسمعو انتو !!

انزين نحن ندفع
ودبل السعر
يعني اللبن اب يبيعونه بنص ونحن نشتريه من عندهم بـ درهم
واغلب الكاكاوات > جمع
الي على درهم ونص هم يبيعونه بدرهمين
يعني هم المستفيدين
وبعد يقولون ميزانيه !!

--------

احلى مافي المقصف السوالف الي تصير فيه
بنات صفنا يحتلن المقصف اول شي
لوول شخصيات بنات العلمي

-----

كنت مستانسه عدد مشاركاتي على سنة ميلادي ^____^
وماكنت برد عليج لول
بس بعد تفكير عميق قلت خلا اشاركها فرحة المقصف

[تنينه]

احـم :kcl: فــديييت أللي ضـحووا بـعدد مشااركـتهم عـسب يشاركونـا فـرحت المقصف


تـصدقين أنـا كنت علمي وصفووف العـلمي أبعد صفوف عـن المقصف الأدبي كلهم حذال المقصف لول ,,

عـاد نحن يوم يخلص الكرواسون نفس الشي كانوا يقولون لنا الميزانيـه ألين متى هالحال الله أعلم !!

تـسلمين دلـوعتنا ع المشاااركه الحلوووه شرااتج :kcl: سـعيده بهالتواجد

[قصايد غلا]

والله ذكرتينا يا تنينه بأيام المدرسه هههههههههههههه

أنا لو شو يستوي ما أشتري حق حد ، بس ما أمانع إذا حد بيشتري لي

عاد الله لا يراويكم شقايل حالنا في أول وثاني ثنوي ، مدرستنا ممزورة زلمات و الله يهديهن دهن العود شال البقعه

أنا شغلتي أتشرّط وأقول لربيعاتي اللي أباه ، و يوم يفوح العطر قلت لربيعاتي : هب النسيـــــ:negab: ـــــم

بس الحمدلله افتكيت في ثالث ثنوي وانتقلت من المدرسه
لكن تبون الصدق " والله اني ما أعرف المقصف وين يدور " ، لأني أتروّع من البويــااات :no0:
يعني اليوع أرحــــم ، بس يوم يكون مزاجي حلو أخلّي بشكارتنا تسوي لهن السندويجات اللذيذه وايّبونهن لنا في الفسحه ويا البارد ويبدا المجاتل بين بنات الصف

تسلمين الغاليه على الموضوع الغــ ــاوي ...

[تنينه]

قـصـايـد غـلا

يعني اليوع أرحــــم ، بس يوم يكون مزاجي حلو أخلّي بشكارتنا تسوي لهن السندويجات اللذيذه وايّبونهن لنا في الفسحه ويا البارد ويبدا المجاتل بين بنات الصف

ذكـرتيني بربيعـتـنا يوم أتييب من البيت هـجوم صـدق كـلنا brgll: ,,

ذكـريات ومـواقف بالرغـم مـن مرارتها بـس تـبقى ذكـرى نشتاق لـها مرات :kcl:


مـشكووره عـزيزتي ع التواجد والإضـافه الحلوواااه

[قصايد غلا]

العفو الغاليـ ــه ، الموضوع وراعية الموضوع هم الأحلى ...