اكتشفوا جنوب افريقيا

[لبن مثلج]

الرحلة الثاية كانت الى CAPE TOWN واللي هي اجمل بقعة في جنوب افريقيا لانها عالمحيط الاطلسي والهندي ،، هي منطقه جبلية مغيمه وباارده ورومانسيه ، وهي على مسافة ساعتين بالطياره من العاصمة ،، معظم اللي الي كانوا هناك يايين شهر عسل منهم اماراتين -كويتين-سعوديين..

احلى مافي هالمكان النقطه الاخيره من قارة افريقيا اتخيلوا خريطه العالم وقارنوها بهالصوره ... قصة الصوره هاي انك توقف على حافة القاره من فوق ولما اتصد تحت اتشوف التقاء المحيطين الاطلسي (على يمينك) والمحيط الهندي (على يسارك) سبحاااان الله شي عجيب... المكان هذا مافيه سفاري لانه عالمحيط بس فيه حدايق على اسطبلات الخيول على يلسات حلوه + معتقل نيلسون مانديلا... ونسبه المسلمين كبيره وايد وعندهم منطقة كاملة بالمسايد والمدارس ...



والاسهم هاي ترشدك الى الاتجاهات مع المسافات الى البلدان الثانيه من هاي النقطةولاحظوا ورا بيت المصباح الليلي





وهاي صور فندقنا الي كان عالمحيط على طول وهو عبارة عن مرفا للسفن مثل ماشوفون + شوية مناظر من المدينة (في هالمنطقة انا واختي كنا نظهر في الليل ونسير السوق رواحنا من دون خوف )











هالريال راقد في بلكونه البوفيه يتشمس مايدري انه في ناس يصورونه







هذا المحيط الاطلسي الهائج





وهاي حديقة باسم اشهر وردة عندهم والي هي في الصوره تحت




وهاي الانسة مسوايه من الاحجار الكريمة الي عندهم على ايد حد من الفنانين بمناسبة ؟؟؟؟





وهاي صوره من الجو للمنطقة








وهاي صوره من فوق الجبل للمنطقة،، طبعا المكان باااااااااااارد فوق ومغيم لدرجة انك اشوف الدنيا بصعوبة ،، بس هاي من الكيبل كار وشويه اوضح



وهاي يلسة عالبحر في الليل كلها مطاعم وشموع+سوق





وفي النهاية هذا سوق راقي وحلو وايد اسمه كانال ووك






احس الموضوع بينفجر من الصور والمراقبين :cop: وانا بعد تعبت
بس خلاص هذا اخر مكان وهو







وهاي هدية للعشاق الي في الواحات :sad4:



باجر ان شاء الله بنكمل اخر محطة في سفرتي ... في الانتظار

[حبوبه دبي]

استمتعــت فـ الصــور



بلااادهم حلــوه والله

تــونـي ادري :puppyeyes:

يالله نتــرقب الصــور الثــانيــه



..

.

[وحي القلم]

ما يظهرن الصور عندي :( ،،

[لبن مثلج]

السلام عليكم

اليوم بنكمل رحلتنا من CAPE TOWN الى SUN CITY وهاي الرحلة تاخذ ساعتين بالسياره من جوهانسبرغ (يعني من كيب تاون الى جوهانسبرغ ثم الى سن سيتي)

هاي المدينه اسمها المدينه المفقودة والفندق الي كنا فيه اسمه القصر
The Palace Of The Lost City هي عباره عن مدينه مسوره وفكرتها نفس فكرة برج العرب وجميرا بيتش والفنادق الي تابعة لنفس الشركة - يعني تدخل عن طريق بوابه عودة فيها سكيورتي وتفتيش وبعدين ادش المدينه من خلال ممر طويل لي توصل لسلسة الفنادق (3) فنادق وبعدين ممر ثاني طويل يوديك لى فندق القصر ... المدينه امقسمه بطريقه حلوه ،، فيه باص يمر كل 10 دقايق ياخذ المقيمين من فندق لى غيره من الفنادق على اساس انهم يتنزهون في الفنادق لثانية (للاكل واللعب والسوق) وبعدين يردك لنفس الفندق ،، اما الرحلات والمغامرات فلها محطات خاصه مكتوب على كل وحدة اسم النشاط ،، توقف تحت المحطة هاي وايي الباص وياخذك ويوديك...

في دربي للمدينه مريت على منطقة مفتوحى اسمها البلاتين وهي عباره عن مصفاة (او مادري شو يسمونه) شوفوا انتوا وقولوا :kkk: عباره عن بلاتين



والحينه بنسير وياكم القصر

هذا اول منتجع في المدينه



وهذا ثاني منتجع



وهذا هو القصر ،، نهاية المدينه




هذا القصر تصميمه نفس تصميم رويال ميراج (نفس المهندس او الشركه) ،، شوفوا بعض الصور للفندق الحلو،، هالسقف راسمنه رسام افريقي ،، واول ماتدخل ياخذونك تور يخبرونك كل شي عن الفندق: متى سوه وكم المده وكم مهندس شارك في البنا ومن وين ووووووووو ،، لانه تحفه معماريه



هذا سقف لزاويه من زاويه الفندق وهو عباره عن انياب الفيل _طريقة افريقية)



وهذا الفيو من برع الفندق (من الجنكل كالهم ) تابع للفندق وهالمكان هو عباره عن البوفيه الي كنا ناكل فيه الصبح







وهذا الجزء الثاني من الفندق لانه واااايد عود ومقسم على اساس اربع حيوانات مهمه عندهم (الفيل - الخرتيت- الزرافة-الاسد)



وهاي يلسه كوفي شوب والجو :ice: شي رومانسي وايد (ينفع حق شهر العسل) :kcl:



وهذا المطعم مالهم


هذا هو الجنكل مالهم تمشي فيه واتضيع على كيف كيفك ،، مكان حلو حق الشردات brgll: وايد عود وفيه لف ودوران :bow:








وهالممر ايوديك عل الجزء الثاني من الجنكل



وتوصل لهالمنظر



هالدري ينزلك على الوايلد وادي مالهم والتابع للفندق ،، وعلى اطرافه الجنكل ،، يمين ويسار



وهذا من تحت
يعني نزلنا للوايلد وادي



هذا هو الوايلد زادي مالهم وهو عبارة عن امواج اصطناعيه وممرات ماي حق اليهال (التيوب) وغيره
هذا هو الضخ



وهاي النهايه







يعني اتفرون اليهال هناك وانتوا تستمتعون بالفندق والسوق المشترك بين المنتجعات كلها لان المكان مافيه شي ثاني غير اللعب والانشطة البحريه (يعني حق الاسترخاء وبس)
هذا كرسي افريقي بحت brgll: بس حلو _من اللوبي)



ومن هالمكان سرنا سفاري ثاني وهو برع المدينه ، ومدة السفاري ساعتين ،، انا واختي فرح سرنا ويا المجموعة في سيارة السفاري الي تحت(الصوره مب واضحة لان اللبن الذكيه كانت اتصور من فلاش)،، وقبل ماتركبون السياره لازم اتوقعون تعهد مادري على شو بس احنا وقعنا واحنا امغمضين ،، والمرشدة مالتنا خذت وياها سلاح للاحتياط ،، اما الناس الي هناك كانوا يدشون بسييايرهم ويدورون عالحيوانات (ممنوع انك تنزل من السياره او اطلع راسك من الجامه)
شوفوا السفاري من فوق الفندق








دوروا الحيوانات لان الزوم مالي كان متواضع مب مثل الي كانوا وياي (اليابانيين) كل واحد زومه اكبر عن كيمرته









طبعا السفاري مالهم وايد عود والحيوانت مهدودة ،، وفي اماكن حق الخيم يعني الي يبا يبات هناك والصبح يراقب الحيوانات او حتى طول اليوم ،، عالم ثاني ،، هدوووووء وطبيعة وتاملات في مخلوقات الله ، سبحان الله



المنتجع بشكل عام فيه وايد انشطه رياضيه مثل الرمايه والمنطاد والرياضات البحريه والبريه + اانشطة افريقيه للتقاليد والعادات الي عندهم (بيوت وزواج وطريقة العيش).
هالمنطاد كنا بنركبه بس كان موعده الساعه 4 الصبح عشان انراقب الشروق ،، بس عاد امنو متفيج ينش هالوقت :shock:



وفي نهاية اليوم المتعب سرنا مطعم افريقي واستقبلتنا صاحبتنا الحلوه هاي (ناسهم وااااااايد طيبين ويحبون المسلمين ويحترمونهم)


وهالطباخ اصر على اني اصوره ،، فماكسرت ابخاطره وصورته جدام البوفيه الافريقي



وانتهت رحلتنا الافريقيه بسلام وود ....

ها شو غيرتوا رايكم فيها .. لو حبيتوا اتعرفون اكثر عندكم هالرابطين

http://sun-city-south-africa.go2africa.com/palace.asp

http://cybercapetown.com/SunCity/

[ماوحشتك]

حمدلله عـ السلامه

وناسه
تسلمين ع الصـــ ــور
استاسنا عــ السفــ ــره ."

[أنشودة المطر]

اللبن

الصراحة وايد عايبتني رحلتكم

فريدة من نوعها

مشكوورة مرة ثانية



بسير أسويلها دعاية brgll:

[لبن مثلج]

ماوحشتك وانشودة المطر ... مشكورين عالمرور وعلى مرافقتكم لنا في رحلتنا ...

[الاسطوري]

السلام عليكم ..

مناظر حلوه ومكان يستحق الزيارة وخاصة للي يحبون المغامرة
بس كله في صوب والأسد في صوب جان تساندتي
عليه وتصورتي وياه صور تذكاريه
يعني وانتي
تلاطفينه وتلعبين في شعره الناعم مثلا وبصراحه امتعتينا
بالمناطق هاي ودمتي سفيرة الواحات اذا
بتصورين لنا وحـــوش
الغابه دايما
:harhar1:

الاســـطـــوري
أخوكم

[لبن مثلج]

الاسطوري :: االرحلة اتناسب الشباب لانهم يحبون المغامرات والسفاري

هالاسد او الاسود كانوا عند السياره الي يالسين فيها يعني لو نزلت الجامة ،،بتشوف الاسد في ويهك :shock:

وبعدين الجماعة كانوا شبعانين ،، ماكلين وفيهم رقاد ،، مب متفيجين حق الاوادم ولا :bow:

بس شورايك اتسير انته اهناك وتتصور وياه ، احلى صوره لاحلى اثنين (بتكون صدق اسطوري)

[وحي القلم]

كشخه

واايد حلو المكان

مشكوره ياللبن

أمتعتينا

..

[لبن مثلج]

وحي القلم .. حياج الله ويانا ....

السنه اليايه باخذج وياي

[الملهم]

الحمد لله على السلامه ..
والصراحة صدق عيبتي جنوب افريقيا ..
غيرت رايي فيها .. عبالي مش سياحية ..
طلعت ابو السياحة ..

ماشاء الله اكيد استانستي وايد ..
يبالنا انزور المكان ^__^ ..

تسلمين على الصور وعلى المعلومات ..