أبغي أتعلم الطبخ ... كيف ...؟

[المزوحي]

حاول تاخذ فكرة بمقادير الأكلات بشكل عام

يعني كمثال وشي بسيط

إنه تشوف انواع السلطات في اي موقع من المواقع وتاخذ فكره

واتدرج .. للقهوة والشاي .. بتقوول اعرف اسوي .. لالا جرب

مثلا العصر اتعلم تسوي بلاليط .. ابتدي في الحلويات

بعدين اتعلم تسوي الصالون بشكل عام ... بغض النظر كانت لحم او دياي ..

يعني الصالون وحده وتحط السامان اللي هي الخضرة او الدياي واللحم

عقب ماتضبط الصالونه .. ابتدي في العيش الابيض

وخلاف سير عند البرياني والمجبوووس

ولاتنسى تتعلم المندي وتعزمنا

[تنينه]

الـسلام عـليكم والرحـمه ,,

أخوي ابن الخـطاب ,, أمس جـفت دعااايه عجييبه لبرنامـج مـع أسـامه أطيب أللي ينعرض في قناة دبي الفضائيه ,, كـان يقول أسـامه أنـه بيعرض للمشاهدين كـل شي يخص الطـبخ مـروراً من السووق ألين السـفره وأكيد المـطبخ دعايه عجيبه لول :ice: ,, والبرنامج بينعرض في تلفزيون دبي بس من بداية رمضاان وطول فترة شهر رمضان:kkk: ,, تابعه أنـت وان شااء الله خير وبـعد عـندك الكتب تقدر تستفييد مـنهم :qor9anah: وأم عـبد الله ما بتقصر :qor9anah: ,,


ووالسمووحه:kcl:

[ابن الخطاب]

بسم الله الرحمن الرحيم

الجديدة :

بصراحة أنا بديت أتعلم وقبل فترة بديت أسوي بلاليط ، بيض طماط ، بيض عيون ، بيض مطبوخ ، فول مع خلطة سرية ، تونة ،،،

وأحلى شي سويته عيش وما شاء الله طلع شرات الهريس :cop:

والله لو أبيعه ما يشترونه بنعال بعد ...

أما مواقع الطبخ فلو تحطينها لي زين ...

وبصراحة بديت أتعلم التقطيع ، بدال ما أقطع في الخضرة قمت أقطع في ايديي ...

فسويت سلطة يد بالدم