كـم سـعـر هالسيــاره Cls 55 AMG ??

[الـيـاه]

< :ice: ون قلـبي ون >

سلااام

شحالكم يـ عشـّاق السرعـه ,, ان شـاء الله تمـام التمام ؟

يطـولـي بعماركـم
بغيـت اعــرف كـم سـعـر هالسيـاره وحـد يقولنا ممواصفاتـها إذا تقــدرون ! حبـيتتتتتـــ:kcl:ـــهاااااا

Mercedes-Benz CLS 55 AMG

http://www.nnauto.cn/nnauto/Factory/..._55_amg_01.jpg

و

http://bestsupercars.com/images/cars...1024x768_2.jpg

XD جفـتها امســات فـ بوظـبـي ودشت خــاطري
والله ( حبيتـها مـن أول نـظره )

.
.
.

[ذنـيـنـي]

على ما اذكر سعرها في حدود 460-480 الف

بس مب متأكد 100%

اتمنى من الي يعرفون السعر الصحيح انهم يفيدونا فيه

و هييه صح الياه, اذا عندج وااايد فلوس, خذيلج cls350 و لا cls 500 و عطيني الفرق في السعر بعرس فيه "^^

[الـيـاه]

ذنينـي

مب متأكــد ؟ < ويا هالراس لول

ياريـت اللـي يعرف السعر الأكــيد يخبرنــا ؟! والمواصـفـات بععععد ماعليكم امــر


لا لا :no0: انا ما بياخـذولـي سياره الحـينه ( مالت عليـّـه ) ..
بظـهـر الليـسن في إجازة الربيـع وبـسوق سيـارة البيت فـ امـاكن محـدوده لول ( البيت - الجامعه )
ها من شـروط ابويـه !!

وعقب ان شـاء الله يوم بآي اسـير - ثانـي سنه جامعـه - بيظهرولـي سيـاره ..

بس اسأل عن هالمـوتر
لان عيبنـي شكله ع الطبيـعه ما رمـت اشلّ عيني عنـّـه :puppyeyes: و cls500 ماباها عند ابويـه البيـضا



عطيني الفرق في السعر بعرس فيه < هيه خلـفتك ونسيـتك تـرانــي لووول

.
.
.

[راعي الزعـامه]

هاي السيارة صاروخ 8 سلندر ،،
سعرها 500 الف تقريبا

في اللي ارخص منها6 سلندر بنفس الفئه Cls 350 بــ 300 الف تقريبا ،،

[شرجاوي]

قالولي زادوا سعرها الحين و وصلت ل 570 الف

[ذنـيـنـي]

الـ Cls 350 لو يعطوني اياها ببلاش والله ما خذتها

ربيعي عنده وحده و الى هذه اللحظه بدل 3 جيور و مكينه و حده
سيارة ولا قلة ادب


بصراحه مستوى سيارات مرسيدس تدنى بشكل كبير جدا

و قريت في كذا موقع بأنه جودة سيارات مرسيدس تدنت بنسبة 30% و اسعارها زادت بنسبة 30-40 %

[ذنـيـنـي]

ههههههههه

عادي اتوقع اي شي من مرسيدس

خاصة مع ارتفاع موجة الخبال عندهم

عيل ما شي شغل اشتري سيارة بـ 300 الف عسب اوقفها في الوكاله 3 اسابيع و استعملها اسبوع

[الاسطوري]

أنا أختار قلة أدب بس تدري ليش ،، مرسيدس الحين ماقامت تبيع
السيارة هي تبيع لك الماركه يعني إسم السيارة وفئتها
تطلع عليك أغلى من السيارة وتكلفتها بكل
مافيها وصدقك والله كل فترة
شي مخترب وتوقف مدة في الوكالة وعقب مايطيح الضمان
بتحس إن السيارة تصرف شهريا أكثر منك يعني
ربع الراتب لك والباقي تاكله
السيارة ؟

[مجموعة إنسان]

انا بعد ما احب المرسيدس ..
وخاصة ال سي ال اس ..
اذكر يوم سرنا الوكاله انا واخوي وولد خالتي .. ساروا يشوفون ال سي ال اس وما شاء الله ال اثنين اكس لارج ..
ركبو في السياره وجتوووفهم لاصقه ابعض ..
عاد ما تشوف اللا نص رااس من كل واااحد خخخخخخخ

[المزوحي]

وايد مواتر أشكالها حلوة وهي تستنزف أموالك ..
سعر 350 بــ 300 وفوق بعد
ربيعي عنده E240 ومتبهدل وياها ..قال كرهت المرسيدس منها ...
يمكن صدفة ويمكن حد يشتكي بعد
السموحه الياه طلعت برع الموضوع
خلاص
خبروج عن سعرها :)

[راعي الزعـامه]

البي ام والمرسيدس والاودي ،، كلها اسماء وشكل ومب للاستعمال اليومي والكد ،،

[المزوحي]

عاشق القلم ماكذبت ... فخامة مرهقة ..

عيل ماشي غير لكـــزس

[راعي الزعـامه]

هيه اكيد اللكزس فخامه وشخصيه وبالاضافه انها للكد
يعني بدل ماتاخذ هاي cls بــ 300 بتنزل الحين Ls بــ 300 بعد اعتقد ،،

[الـيـاه]

مب جنكم فريتوولي مخي :nono: لووول .. الزبــده ؟ كـم سعرهــا ( نص مليون ؟ )

أول سيارة لبنيه يوم بيستوي عمرها 19 سنه وبنص مليون
لا خلاص اسحب نظرتي للسياره هههه مافي أمل :no0: يشتريلي ايـــاهاا ..


بس عايبتني والله

[تحفه]

سعرها نص مليون

بس انتي بنت يعني عادي .. يوم بيدخلونها الوكاله تجييك ولا شي خذي الدريول .. مب لازم هاي السياره

يعني بالمتختصر انها مب عمليه وايد .. يبيلها واياها سياره سبير in case شي صار