~{ موضـــــة الـدروس الـخصوصـيه }~

[تنينه]

الـــسلام عـليكم ورحـمة الله وبركاته

مـع إقـتـراب مـوسم الإمتحانات وامتحانات الفـصل وآخـر الـعام بالخـصوص ,, تـنتعش أسـواق الدروس الخـصوصيه ,,

ويبدأ الطلاب بالتـهافـت على الدروس الـخصوصيه وعروضها التي يقدمـها بـعض المعلمين خـارج المـدرسه ,, سـواء في مـنزل الطالب ( خـدمة منزليه:daleel: ) أو في بـعض المـعاهـد ,,

ونـرى المـعاهـد تمتلئ بالطلاب والطالبات وبالأخـص طلاب الـثـانويه والإعـداديـه ,,
ونـرى تـهافت أوليـاء الأمور بأبنائـهم لتسجيلهم في المـعاهد ودفع المصاريف الـمهم نـجاح ابـنه ,, يـا ترى أيـن هـو عـن أبـنه طوال تلك الفتره الدراسيـه ؟!,, فـي آخر العام يـأتي مسرعاً للمدرسين الخصوصيين لإنقاذ ما يمكن أنقـاذه ,,

والطـالب الذي يـكون مـكدس جميع المواد ومؤجـل الدراسه إلى أجل غـير مسمى وإن كان مسـمى سـتكون الدروس الخصوصيه ,,

والبـعض مـنهم يتحجج بأن المواد كـثيره ولم يستطع المذاكـره أو أن المعلم ضعيف وشـرحه غـير مفهوم ,, فـ بالتالي يلجأ للمعلمين الخصوصيين الذين يشرحون لـه كـل ما يريد بالضبط وما لـم يفهم ,,

وفـي أجواء هـاديه تجمعه هـو والأستاذ فقط ولربما بعض أصدقائـه في بعض الأحـيان ,,


فــ مــا هـي الأسباااب التي أدت للـجوء الطـالب للدروس الخـصوصيه ,, هـل هــو بسبب تـقصير المـعلم فـي الشرح وتـوصيل المعلومه والمنهـاج للطالب؟ أم هـو أهمال الطالب وتأجيـل المذاكره وعـدم متابعتـه للدروس وشـرح المـعلم ؟




مـوضوع للـنقاش ,, فلاا تـحرموونـا من آرائـكم :smartass:

حـقوق الطـبع مـحفوظـه لـ تـنيـنه ( واحات بـن دبي 29 / 8 / 2006 ) :unlock:

[الشوق]

عليكم السلام ورحمة الله وبركاته ...
تنوووون :- موضوع رائع وجميل اشكرج على طرحه يالغلا ............


تنينه الموضه اللي ذكرتيه صار عادي هالايام ..
تدرين ساعات اقول على ايامنا الحينه بتقولين (( بلاها الشوق جيه كم عمرها ))
بس اقول على جيلنا والاجيال السابقه كان نادرا مااتحصلين الشخص يروح حق معاهد
او اييب مدرسين خصوصيين ..
ساعات اقول في قلبي نحن ما كنا محتاجين حق حد يعلمنا او يدرسنا معتمدين على المدرسين
وعلى الحفظ ... لان اصلا اهالينا لا يعرفون للكتابه ولا القراءه .. طبعا اغلب الاهالي ..
والاعتماد كان على المدرس وعلى حفظنا للدروس ..
رغم ان المناهج احس قبل اصعب عن الحينه ...
يعني الحينه وايد امسهلينها .. فليش هالاعتماد لهالدرجه ..
لكن المشكله يوم اتحصل ان الطالب طووول فترة دراسته يلعب ويشاكس .. وايي على اخر ايام الامتحانات ... يحاول يدرس وان ما فلح يستعين بالمدرسين الخصوصيين ..
انزين ليش الطالب ما يدرس المنهج اول باول ... !!!
وازداد هالامر عند الطلاب اللي يدرسون في الثانويه العامه او في الجامعات .. وذلك لاعتقاد شخصي ان بالمعلمين الذين سيدسونهم من هالدروس الخصوصيه راح تبقى المعلومه في ذهنهم وراح يستغلون هالفرصه في زيادة مستواه العلمي ..
متناسين ان بهذه الطريقه سيكون هناك استنزاف حقيقي للمصاريف التي يتم صرفها لكل مدرس خصوصي ..
.
.
.
احببت ان اضيف ما في جعبتي عن هذه الظاهره :daleel:
واترك المجال لغيري من الاعضاء لسماع ما في جعبتهم ..
والسموحه
خويتكم/ الشوق

[ريم العين]

في نوعين من الطلاب طلاب مهتمين وطلاب غير مهتمين

الطالب المهتم يذاكر اول باول ويتوفق بس بعد يكون عنده مدرس خصوصي يهتم اكثر ..يعني مب المدرسين بس للمهملين بعد اللمهتمين

والطلاب المهملين مقل المعنى مهملين مايهتمون بس عند المدرسين بيفهون وبينحجون المهم فالاخير انهم نجحو

بس احسه تظييع وقت لانه يعني في مره قببل سنه سنتين ثلاث سنين ما اذكر طاح المطر وهم يذاكرون مع المدرسين ..ويوم عرفو انه شي مطر طلعو وطلعوالاستاذ وياهم

يعني تظييع وقت افهم وخلص كل شي بالمدرسه عسب يوم يستوي شي تكون موجود

[بنت الدلع]

مرحباا

موضوعج غاوي حبيبتي

بس بحاول اني اناقشه باختصار

مب شرط ان الي يلجأ للمدرس الخصوصي يكون مهمل ..

الطالب الشاطر يقدر يستعين للمدرس الخصوصي

من رايي ..

ان المدرس الخصوصي نلجأ له في ايام الامتحانات
بس قبلها بفتره

يعني مب طوول فترة الدراسه ونحن عند المدرس الخصوصي
شو فايدة المدرسه عيل

اما في فترة الامتحانات
انتي تكونين مذاكره
ويوم تسيرين للمدرس الخصوصي
يراجع لج الي ذاكرتيه كله
وغير هذا يعطيج اسئلة الامتحانات وانتي تحلينها بروحج
وهو يجيك اذا صح ولا غلط
وبعطيج اسئله اظافيه وتساعدج واايد
وينمي مهارتج على الحلول وعلى كيفية التعامل مع الورقة الامتحانيه
وايضا يقولج شو هي الاسئله الي تتكرر في كل الامتحانات
يعني باختصار هو مفيد وغير ضار

اما في بعض الفئات وانا مابا ارمس عنهم
الي يكون الاهمال منهم
ويسيرون للمدرس الخصوصي عشان يشرحلهم الكتاب كامل
وهذا كله يراكمه في ايام الامتحانات

وفي بعض الفئات
يسيرون للمدرس عشان يحشي لهم المخ الفاظي
وبعد مايظهرون من عنده الحشوى تنتهي صاحيتها
والابو يدفع المبالغ بس عشان ولده ينجح
وفي الاخير الولد ماينجح لانه ما استفاد شي من المدرس

وعن سالفة الوقت
هو الصراحه ياخذ وقت من الطالب
بس في اغلب الاحيان يكون في صالحه

===

كل هذا باختصار
لو مب اختصار شو بيكون ^^

[تنينه]

السـلام عـليكم


الشـوق :kcl:

بس اقول على جيلنا والاجيال السابقه كان نادرا مااتحصلين الشخص يروح حق معاهد
او اييب مدرسين خصوصيين

صـدقـج الغاليـه وشرات مـا قلتي إن الـمناهـج كانت أصـعب قـبل بـس ما كـانت شي هالـموضه,, وحتـى لو كان شـرح الأبله أو الاستاذ غـير مفهوم ولا شي قـبل كـان الطلاب يفهمون لـبعض ويعتمدوون على الحـفظ وفي الآخـر ينجـحون ويطوفون السـنه بنجاح بـدون درس خصوصيـه ,, لـكن الجيل الـحالي صـار يمكن أكـثر إتـكالي ومـع توفر كـل شي أستغل بـعض الأسـاتذه هالشي وقاموا يـعطون دروس خصوصيه في خارج المـدرسه ومن طالب لآخـر حـتى أصبحت مـوضه ! و البعض يتفاخر بـها حتى !!؟؟

متناسين ان بهذه الطريقه سيكون هناك استنزاف حقيقي للمصاريف التي يتم صرفها لكل مدرس خصوصي ..

استنزاف للمصاريف واللعب بـعقول الطلاب وأولياء الأمور ,, شـي مدرسين يستغلون مثلاً وضـع االطالب المـادي ويزيدون أيضاً في سـعر الشرح :nono: واذا كـان بيشرح في البيت يـكون أكـثر بـعد ,, صـدق تلاااعب بالعـقول !؟ وأنـا أجوف ان هالشي ينقص ويقلل حـقاً من قيمة ودور المـعلم ,, عـسب جـي قمنا أنجوف ونسـمع ألحـين إن الوزاره مـنعة الدروس الـخصوصيه وأتحاول محاربته والتقليل مـنه ,,


الـشوق عـزيزتـي يا مرحباا بـج الـغاليه وسـعيده جداً بإضـافتج

[مخاوية الامل]

السلام عليكم ورحمـة الله وبركــاتهـ ..

غناتــي تنيـنه ..
اممــ .. ، أنا وحدة من اللي يسيرون حق الدروس الخصوصيــة ..
ليش .. ؟
لأن الله يسلمج عندنا نحن ف المدرســة .. النحو .. محد يعطيــه هذيج الأهميــة .. وتيي المعلمـة تعطيج كم من مثاال وتحللج التماارين وخلاص سكري الكتاب .. نرد نحن نبى نراجع اللي خذنــااه .. أصلا نحن ماخذنا شي بس ها كله شرح المعلمة السريع وحلها بعــد .. !

أوكـي .. ، طوفـي هذا .. عندج رياضيــاات ..
مابقولج إن الأبلة ماتشــرح .. بالعكس ماشاء الله عليها شرحهـــا فنتكــة . .، ويدخل المخ على طول .. بس عيبها تخلص المنهج على آخر يوم دراســي .. ! يعني ماشي وقت إنج تراجعين معــااهــا .. ، ونحن يعني ماشاء الله ذاكرتنــا هب لين هنااك قويــه بنتذكر شو خذنا قبل 3 شهور ..
فنسير عند الأساتذة اللي ف المعاهد ,, ويراجعولنــا كل شي والحمدلله نتوفق فامتحاناتنا ..

هذا عن نفســي ... ،

وتسلمين غنااتـــــــي .. ربي لاهاانــــج ..

[تنينه]

الـــريــم :kcl:

يعني تظييع وقت افهم وخلص كل شي بالمدرسه عسب يوم يستوي شي تكون موجود

هــذا أللي نـبى نـوصل لـه عزيزتي الريـم:unlock: ,, الدروس الخصوصيـه نحن والوزراه بـعد أتجوووف أن أضرارهـا أكـثر عـن منافـعها ,, والطالب المجتـهد أللي يعتمد على نـفسه واستيعـابه من الصـف يـقدر يمشي بأمووره مـاله داعي الدروس الخصوصيـه وانتي قلتي انـه شـي طلاب شطار ويستوعبون في الصف عـيل ليش الدروس الخصوصيه ,, مـوضه ولا حشرن مع الناس عـيد ,,, ولا كـيف قبل هالمـوضه كانوا الطلاب يتفوقون بـدون دروس خـصوصيـه ,,



تسلمين يالغلا ع التواجد الجمييل ولا عـدمناج يارب

[تنينه]

بــنت الدلع :kcl:

يراجع لج الي ذاكرتيه كله
وغير هذا يعطيج اسئلة الامتحانات وانتي تحلينها بروحج
وهو يجيك اذا صح ولا غلط
وبعطيج اسئله اظافيه وتساعدج واايد
وينمي مهارتج على الحلول وعلى كيفية التعامل مع الورقة الامتحانيه
وايضا يقولج شو هي الاسئله الي تتكرر في كل الامتحانات
يعني باختصار هو مفيد وغير ضار

كـل هـذا اللي قـلتيه عزيزتي بـنت الدلـع ما تعتقديـن أنـه من مـهام المعلم ,, أحــيد الأبـله على آخـر السـنه كـانت تعطيـنا أسـئله أضافيـه وأتقولنا الأشيا المـهمه والأسئله أللي تتكرر في كل مـره :puppyeyes: ,, الــوزاره سـنوياً أتـعين مدرسيين وتعطيهم وتوصيـهم على الطلااب ,, واذا نـحن جفنا المـدرسه مـقصره مـعانا أنسير ونشتكي عليها إمـا عـند رائدة الصـف أو الإداره وعقب يرمسونها وأتغير أسلوبها للأحـسن معانا ^^ ,, وفي بـعض الفترات ما يـكون شي وقـت في آخـر السنه ,, فـ تعطينا الأبله المذكرات والأجوبه ,, شـي حلول صـدقيني بـس نحن نـاس إتكاليين واعتمدنا على المعلومه الجاهزه بـدون ما أنتعب عمارنا في الـفهم رواحنا ولا السؤال عـند المدرس نـفسه وأوجدنا البديـل لـه ,,


غـناتيـهـ بنت الدلع سـعدت بأختصارج :harhar1: ,, تعالي كل يوم :qor9anah:

[تنينه]

مــخــاوية الأمـل :kcl:

النحو .. محد يعطيــه هذيج الأهميــة .. وتيي المعلمـة تعطيج كم من مثاال وتحللج التماارين وخلاص سكري الكتاب .. نرد نحن نبى نراجع اللي خذنــااه .. أصلا نحن ماخذنا شي بس ها كله شرح المعلمة السريع وحلها بعــد .. !

لـيش ما حـاولتوا أتكلـمون الأبلـه نفسها وأتقولون وتسـألونـها عـن أللي مـب فاهمينـه ,, يـمكن هـي يوم أتـجوفـكم سـاكتين تتحراكم فـاهمين ,, أحـيد أبلـة العربي ما كانت تـشرح النـحو ذاك الزوود ونحن سرنا عـند أبـلتنا مالت العام أللي قبله لأنـه شرحها كان ممتاز في النـحو ,, ويوم عـرفت أبلتنا مالت العربي زعـلت علينا حلييلها وقالت لـنا ليش ما تسألون ولا خبرتوني وانـا أتـحراكم فاهمين عـلي ,, صـدقيني أكـثثر المـدرسين يشرحوون مـن ضـمير ويأدوون رسالتـهم رسالة التـعليم من قـلب ,, بـس نحن أللي مـا حـلينا المشكله ولـجأنا للمدرسيين الخصوصيين ,,

مابقولج إن الأبلة ماتشــرح .. بالعكس ماشاء الله عليها شرحهـــا فنتكــة . .، ويدخل المخ على طول .. بس عيبها تخلص المنهج على آخر يوم دراســي .. ! يعني ماشي وقت إنج تراجعين معــااهــا .. ، ونحن يعني ماشاء الله ذاكرتنــا هب لين هنااك قويــه بنتذكر شو خذنا قبل 3 شهور ..

اذا شـرحـها أوكييك تـفهمون عـليه المراااجـعه بتـكون سـهله عـليـكم ,, لأنـكم فاهمين كـل شي وكاتبن نوتس وكل شي ,, ومـع المراجعه الدايـمـه وحتى لو 3 شـهور بدون الأبله مـا راح تنسيـن لأنـه الجيل أللي قبلنا كـان ممشي عـادي وذاكـرتهم كـانت طبيعيه شراتنا يعني مب خارقه لول ,

وجـهة نـظر :smartass: والحمد الله إنـكم أتفوقـتوا واتميزتوا :daleel: ,, بس هالمدرسـين الخصوصيين يأثرون على دوور المعلم ويتلاعبون في بعض الأهـل يعني لـهم مشاكل ومـع تشجيعـكم يتكاثرون ويزدادوون ,,


عـزيزتي مـخاوية الأمـل ,, تسلمين حبووبه على الرد والتواجـد الجمييل شراتج

[بنت الدلع]

انا بقولج شي

ابلة الرياضيات الي تدرسنا واايد ممتازه
وتقريبا كل اسئلة الامتحانات تعطينا

بس ترد وتقول حلو اسئلة الامتحانات
اوكي نحن متى بنحل هذي الاسئله

اكيد في فترة الامتحانات

اوكي وبعد مانحل
كيف بنعرف ان نحن حالين صح ؟

صح ان الاجوبه موجوده
بس يمكن فيه شي ماعرفتي
كيف طريقة الحل وهذي السوالف
فتظطرين اتسيرين المدرسه
وترمسين الابله عشان تشرحلج
واحيانا ماتحصلينها واحيانا تكون مشغوله

فليش كل هذا
المسأله مب مسألة نحن اتكاليين

وبقولج شي استوى لي
مشيت على كلام الابله
وحليت الاسئله الي كانت تعطينا وهالسوالف
بس يوم سرت عند الاستاذ
عطاني سؤال في عمري ماشفته عند الابله
لا في الكتاب ولا في الكراسه
والسؤال هذا عليه درجاات كثيره
وفي الامتحان يا نفس السؤال
يعني لو اعتمدت على الابله جان ماحليت السؤال
ويبت فيه صفر

==

انا ما اقول ان نحن لازم نعتمد على المدرس لخصوصي
نو
بس كل وحده ومهاراتها
يعني اذا الوحده مرتبه وقتها عدل
وموزعه يومها على كل المواد
فبيكون عندها وقت ان تحل اسئلة الامتحانات قبل فترة الامتحانات بوايد
فبهذي الطريقه ما بتحتاي المدرس الخصوصي

====

ييت كل يوم p:
where is ma ice cream !

[تنينه]

بنت الـدلع يااا مرحباااا بـج الغاليه وهـذا الطلب >> :ice: :ice: :ice: ثلاث بعد ,, وايد كريمه انا لول:harhar1:


بـعد كل الرمسـه أللي قلتيها قلتي >>>

انا ما اقول ان نحن لازم نعتمد على المدرس لخصوصي
نو
بس كل وحده ومهاراتها
يعني اذا الوحده مرتبه وقتها عدل
وموزعه يومها على كل المواد
فبيكون عندها وقت ان تحل اسئلة الامتحانات قبل فترة الامتحانات بوايد
فبهذي الطريقه ما بتحتاي المدرس الخصوصي

وهـذا أللي أنـا أقوله وأتمنى انـه نوصل لـه بدون الاعتماد على المـدرس الخصوصي ,, بمجرد أنـه أنرتب وقتنا وجدولنا بـنمشي مـع الأستاذ بدون أي مساعدات من المدرس الخصوصي وهـاجه كانوا الطلاب قـبلنا ما كان في شي اسـمه مدرس خصوصي بس عادي مـشوا في الدراسه واتفوقوا :smartass:


سـعيده بوجودج وحـياج أي وقت الغاليـه بس ما شي اسكريم خسرتينا :harhar1: