مــجـــلـــس الـــســـيــارات

[شمعة أمل]

اليوم كنت في السـياره وشفت سياره عجيبه .. جان يقولي دريولنا انها موديل الفراري اليديد .. وكانت رماديه
عادتن انا ماتقبل الفراري الا لو كانت حمرا .. بس هاي كانت رماديه وصدق روعه


بعدين

تم يرمسني عن الرااف .. يقولي شي راف بو باب سبوورت وايد فنانه .. حتى قال انها مول ماتصرف بترول .. عادي تسيرون لين بوظبي في هالسيـاره وبس تخسرون 15 درهم على البتروول .. كشخه صح

حد يعرف شي عن هالرااف؟

[إسهر معي ليله]

راف باب واحد ما قاموا ينزلونها.. آخر موديل كان 2005

يمكن قصده الوارد سكان يمين

اما عن البترول.. فـ مادري..

[شمعة أمل]

ماعرف =s
مافهم في السيياير لول .. بس هو قال راف بو باب انا متأكده!

هيه

وقالي ماشتري سياره الحينه .. اتريا لين شهر 8 لانه كل الموديلات اليديده تنزل .. صدق؟

[إسهر معي ليله]

يعتمد عالوكاله

بس اغلبهم على آخر السنة ينزلون.. و فيه سيايير تنزل من احين او شهر 5

ومرات الشكل ما يتغيّر.. فلما ينزل موديل 2008... موديلات 2007 ترخص عشان جيه تتريين احسن

[شمعة أمل]

اهاااااااا جيي الساالفه!

[جنة عدن]

اولا اخي الفاضل شكرا كتير انا كتير بحب السيارات والسواقة بس انا ما عندي ولا ابي بس ما شيء هذي حكمة الله والحمد لله بس انا بحب كتير السيارات الكلاسيكية لانها هادئة و حلوة الهادء هو طبع فيني وجزء من شخصيتي لان اي شيء تمتلكو يعبر عن شخصيتك و بس اذا الله رزقني رح اشتري وحدةو شكرا لك و الف تحية

[مزن هتان]

صباح الخير

سيارتي تجيها نفضه
يعني مثلا انا على سرعة 160 لمن اخف السرعه و توصل للـ 100 تنتفض
خبرت أخوي قالي عن الخبال لا تسرعين وسكت

[المزوحي]

يمكن تبالها ميزانية روود

[مزن هتان]

توها السياره ما كملت 8 شهور

[المزوحي]

يمكن ضاربة رصييف

[ذنـيـنـي]

حتى لو مكملة اسبوع

لو ضربتي رصيف او طحتي في حفرة ولا شي من هالقبيل، مع الايام الميزانيه تتأثر
خلي اخوج يوديلج السيارة و يعدل ميزانيه الرودات و التواير

بس تعالي، انتي قلتي يوم تخففين سرعتج
يمكن من البريك،
خليه يجيكلج السفايف و الدرامات بعد .

[ذنـيـنـي]

هيه صح عن الخبال و السرعة

شو ها تسوقين 160 !!



نحن الشباب ما سوينا جي << مول مب جذاب خخخخخ

[مزن هتان]

عن نفسي ما ضربة رصيف و الا صاير شي
يمكن يوم انه السياره عند واحد منهم بـ شوف الوالد

ناصر تدري المشكله تعودت عـ المداعس بس تراي احاول ما اسرع
مشكورين

[ذنـيـنـي]

مب شرط تكونين ضاربه رصيف

يمكن من السفايف او الدرامات
خليهم يجيكونها لج في اقرب فرصة

[شرجاوي]

ميزانية تواير عند عبد الرزاق ( ايفن ل ميزانية السيارات ) فالشارجه ورا بنك دبي الاسلامي فرع الياسمين