آخـــر الــمــواضــيــع

صفحة 1 من 53 123451151 ... الأخيرةالأخيرة
النتائج 1 إلى 15 من 783

الموضوع: مــجـــلـــس الـــســـيــارات

  1. #1
    مـراقــب
    مـراقـب واحة التصوير الضوئي والصور المنقوله
    الصورة الرمزية ذنـيـنـي
    تاريخ التسجيل
    Apr 2004
    المشاركات
    5,081
    مزاجي
    Lurking
    قوة التمثيل
    497

    مــجـــلـــس الـــســـيــارات

    السلام عليكم و رحمة الله و بركاته

    عندي لكم موضوع نقاشي عن السيارات و اتمنى اني اشوف تفاعلكم فيه

    كـ بداية لهذا النقاش عندي لكم كذا سؤال:


    1- شو هي افضل سيارة سقتها
    2- شو هي السيارة الي تتمنا انك تمتلكها في المستقبل
    3- شو نوع السيارة الي تستخدمها حاليا, و شو رايك فيها و بخدمة الوكيل و مدى توفر قطع الغيار؟
    -4 اذا كنت من محبين السرعة, شو هي اقوى سيارة ركبتها, و كم اقصى سرعه وصلت لها؟


    الموضوع طرح للنقاش عن السيارات و بيكون بمثابة مجلس للسوالف عن السيارات
    و مب شرط انه المشاركات تقتصر على الاسئلة الي فوق فقط
    في هذا الموضوع بأمكاننا انه نسولف عن اي شي له علاقة بعالم السيارات

    أتمنى أتمنى أتمنى
    انه يكون نقاشكم بعيد عن التعصب لسيارة معينة
    لأنه في النهاية السيارة عبارة عن قطعة حديد معلقة على اربع قطع من المطاط الاسود
    و ما تستاهل انه نختلف عليها

    في انتظار تفاعلكم

  2. #2
    مـراقــب
    مـراقـب واحة التصوير الضوئي والصور المنقوله
    الصورة الرمزية ذنـيـنـي
    تاريخ التسجيل
    Apr 2004
    المشاركات
    5,081
    مزاجي
    Lurking
    قوة التمثيل
    497

    رد: مــجـــلـــس الـــســـيــارات

    بالنسبة لي

    انا من النوع الي وااااااااايد يحب السيارات السبورت و احب الـ trucks

    و اتمنى اني اخذ كورفيت Zo6 لأنها سوبر كار بسعر منافس جدا و ما اعتقد اني بحصل اداء أفضل مقابل السعر


    بالنسبة للفورويل

    حبيت التاهو اليديد

    احس انه وحش بكل معنى الكلمه و الحلو انه تزويده متوفر بشكل كبير و اي اضافة له مهما كانت بسيطة, بتعطيكم فرق مش هين في عزم السيارة

  3. #3
    عضو ممتاز الصورة الرمزية راعي الزعـامه
    تاريخ التسجيل
    Dec 2005
    المشاركات
    1,231
    قوة التمثيل
    284

    رد: مــجـــلـــس الـــســـيــارات

    فكرة حلوه ،، واول شي ببدأ بالأسئلة لو عندي اضافة بعدين برد اضيفها ،،

    1- شو هي افضل سيارة سقتها
    انا من النوع اللي ماحب اطلب من ربيعي مثلا ان يعطيني اجرب سيارته ،، بس أفضل سيارة سقتها حتى الحين هي مرسيدس Cls مادري ليش بس حسيت انها ثابته ومريحه ،،

    2- شو هي السيارة الي تتمنا انك تمتلكها في المستقبل
    أتمنى اكثر عن سيارة ،، بس الحين فهاللحظه خاطري ببورش كاريرا جي تي ،، !!

    3- شو نوع السيارة الي تستخدمها حاليا, و شو رايك فيها و بخدمة الوكيل و مدى توفر قطع الغيار؟
    استخدم تيوتا بارادو باب واحد ،، خدمتهم زينه بس دوم زحمه والقطع متوفره والحمدلله ،،

    -4 اذا كنت من محبين السرعة, شو هي اقوى سيارة ركبتها, و كم اقصى سرعه وصلت لها؟
    اقوى سيارة Cls مثل ماذكرت و عدرب المدينة الجامعية وصلت فيها 200 والا 210 يمكن بعدين شفت دوار جدامي جان اخف ،،

    ومشكور عالموضوع ، ،

  4. #4
    مـراقــب
    مـراقـب واحة التصوير الضوئي والصور المنقوله
    الصورة الرمزية ذنـيـنـي
    تاريخ التسجيل
    Apr 2004
    المشاركات
    5,081
    مزاجي
    Lurking
    قوة التمثيل
    497

    رد: مــجـــلـــس الـــســـيــارات

    حيا الله عاشق القلم

    تعال استريح على التاير الي هناك و خذلك ريدبل

    دام انك من اصحاب البرادو, ابغيك تقولي شو اكثر شي عيبك في السيارة
    و شو صرف البترول وياك
    و هل تشوفها مريحه على الخطوط, يعني اذا سقتها لمدة 4-5 ساعات, هل تحس بارهاق من سواقتها


    و اذا ردبك الزمان مرة ثانيه,, هل بتختار نفس السيارة و الا بتاخذ غيرها

  5. #5
    عضو فعال الصورة الرمزية جيز كيك سنيكرز
    تاريخ التسجيل
    Dec 2005
    المشاركات
    347
    قوة التمثيل
    240

    رد: مــجـــلـــس الـــســـيــارات

    عليكم السلام والرحمه ...

    يزاك الله خير ذنـيـنـي
    على الموضوع
    اسميك سويت فيه خير نفس الاسئله اللي كنت ابغي اسئلها عن لبرادو بس بدون .. ريدبل كل ما اشوفه في الثلاجه على طول اجبه في المغسل :ice: وبعدين انهزب


    السموحه

  6. #6
    مـراقــب
    مـراقــب الواحة الـمـفـتــوحـة
    الصورة الرمزية الهيثــم
    تاريخ التسجيل
    Jul 2002
    المشاركات
    7,445
    مزاجي
    Cool
    قوة التمثيل
    638

    رد: مــجـــلـــس الـــســـيــارات

    وعليـكم السـلام ورحمـة الله وبركـاته

    حيــا الله نـاصر
    شحــالك يـا خي !

    يــا سـلام عليك
    هاي المواضيـع الي نتـرياهـا من زمـان
    تسلــم عـزيزي عـ الطرح .. وما قصـرت وعساك عـ القوة

    1- شو هي افضل سيارة سقتها
    ممممم .. بصرااحــة سقــت سيارات كثيـرة .. وما اقـدر أقـولك شو هي أفضل سيارة سقتها

    2- شو هي السيارة الي تتمنا انك تمتلكها في المستقبل
    بورش كااييــن جمبالا .. أو توربو .. كله وااحـد .. واحـب السيارات الأمريكيـة ( الفورويل )
    اليوكن / ( دينالي ) تاهو .. اسكاليد .. سييرا .. افالانش ..

    3- شو نوع السيارة الي تستخدمها حاليا, و شو رايك فيها و بخدمة الوكيل و مدى توفر قطع الغيار؟
    حــاليـا استـخدم هوندا أكورد 2006 .. ممم .. ما اقدر احكم عـ الخدمة الحين
    لأنه السيارة بعدها يديدة .. وللحيــن أشووفهـم زينين ولا باس فيـهم ..

    -4 اذا كنت من محبين السرعة, شو هي اقوى سيارة ركبتها, و كم اقصى سرعه وصلت لها؟
    امممم عن نفســي يــا ناصر ما احب السرعــة وايـد والحمـدلله ..
    وما اذكـر اني سقـت سيارات قويــة ... بمعنى الكلمـة يعني

    بس أكثر سرعة وصلت لها 190
    استيشن - هوندا أوديسي - جمس يوكن ( 185كم )

    وان شاء الله اليايات أكثر ..
    وبنخبرك بـ يديدنا ..

    ( ولسوف يعطيك ربك فترضى )

    ~

    الهيثـــم

  7. #7
    مـراقــب
    مـراقـب واحة التصوير الضوئي والصور المنقوله
    الصورة الرمزية ذنـيـنـي
    تاريخ التسجيل
    Apr 2004
    المشاركات
    5,081
    مزاجي
    Lurking
    قوة التمثيل
    497

    رد: مــجـــلـــس الـــســـيــارات

    تسلمون على مشاركاتكم

    و عندي لكم طلب

    لا تخلون ردودكم على شكل سؤال و جواب, عسب نقدر نفتح مجال للنقاش و ما نقيد انفسنا بهذه الاسئلة
    لأنه في النهاية هالموضوع عبارة عن موضوع للسوالف و الدردشة عن عالم السيارات
    التعديل الأخير تم بواسطة ذنـيـنـي ; 28-08-06 || الساعة 05:39 PM

  8. #8
    مـراقــب
    مـراقـب واحة التصوير الضوئي والصور المنقوله
    الصورة الرمزية ذنـيـنـي
    تاريخ التسجيل
    Apr 2004
    المشاركات
    5,081
    مزاجي
    Lurking
    قوة التمثيل
    497

    رد: مــجـــلـــس الـــســـيــارات

    نسيتك

    في انتظار اخونا عاشق القلم

    ليجيب على الأسئله




    خطاب, انزين ما قلتلنا عن الأكورد, كم وصلت فيها

    في سيارتي مرة وحدة يبت 230 لأني كنت ماخذ ذرا بي ام و في نفس الوقت الهواء كان يدزني من ورا
    حاولت من عقبها اييب هالسرعه بالأكورد لكن كل محاولاتي فشلت و اقصى سرعه اوصل لها بالهوندا حاليا هي بين 215 و 220

    لكن بالكادي كلام ثاني,, اوصل 240 و انا مرتاح

  9. #9
    عضو ممتاز الصورة الرمزية راعي الزعـامه
    تاريخ التسجيل
    Dec 2005
    المشاركات
    1,231
    قوة التمثيل
    284

    رد: مــجـــلـــس الـــســـيــارات

    مشكوور ذنيني ماقصرت مانبا ردبول عندك خطاب عطه يمكن يحبه ،،

    المهم ،،
    اكثر شي عيبني في السيارة هي خفة وزنها ومكينتها القوية ،،
    وبعد الصرفيه ماتصرف وايد ،، يعني انا اسير تقنية دبي اللي في الرويه 17 كيلو يمكن يفضي الموتر على 3 ايام ،، والتفويل 100 درهم ،،

    وعالخطوط هي مريحه نوعا ما ،، يعني مب 100% بس يعتمد عليها ،، هذا 6 سلندر اما 4 مب مريحه فالخطوط ،،

    وحبيت استفسر عن الفلتر ،، شو هو و شو فوايده وانواعه واسعاره ،،

  10. #10
    مـراقــب
    مـراقـب واحة التصوير الضوئي والصور المنقوله
    الصورة الرمزية ذنـيـنـي
    تاريخ التسجيل
    Apr 2004
    المشاركات
    5,081
    مزاجي
    Lurking
    قوة التمثيل
    497

    رد: مــجـــلـــس الـــســـيــارات

    تسلم على توضيحك

    بالنسبة للفلتر, ما عرفت اي فلتر تقصد

    فلتر الزيت فلتر البترول فلتر الهواء

    بس اظن انك تقصد فلتر الهواء
    طال عمرك فلتر الهواء يساعد على ادخال هواء اككثر و ابرد للمحرك و هالشي يساعد على اخراج قوة اكبر من المحرك,, بس اذا ركبته ما بينفعك بشكل كبير لأنه يحتاج الى اقزوز سيستم لأنه ادخال الهواء بكمية كبيرة يحتاج الى اخراج الهواء بكمية كبيرة

    لهذا السبب يوجد الكثير من الاشخاص يقولون انه الفلتر ما ينفع و كلام من هذا
    الغلط مش من الفلتر, الغلط من طريقة استعمالهم

    بالنسبة للأنواع
    يوجد الكثير منها و الاشهر هو K&n

    و السعر يعتمد على نوع السيارة
    اتمنى اني اكون وضحت لك الي كنت تبغيه

  11. #11
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: مــجـــلـــس الـــســـيــارات

    لي عودة

  12. #12
    عضوية الماجستير الصورة الرمزية شرجاوي
    تاريخ التسجيل
    Jan 2002
    المشاركات
    2,322
    قوة التمثيل
    387

    رد: مــجـــلـــس الـــســـيــارات

    افضل سياره سقتها هي الكورفيت و السياره اللي اتمنى امتلكها و ان شاء الله بمتلكها هي كورفيت z06 .. اقوى سياره ركبتها لومينا اس اس و ما كنت اسوقها ... بس السرعه اللي وصلنا لها اتوقع 300 و شوي ... لان من سرعتها كنت احس انها بتتفتت و كانت تلعب لعب عالخط ما كانت ثابته .. بس خوف و متعه ف نفس الوقت ..

    سيارتي الحاليه المسكينه مكسيما موديل 2002 .. خذيتها مستعمله و قطع الغيار رخيييصه جداً لاني آخذها عن طريق البلديه خخخخخخخخ ... و من خذيتها ما دخلتها الوكاله ... و سيارتي جير عادي يعني اللي يشوفني فالشارع ما يجرب وياي ( لمبرجيني مب مكسيما خخخخخخخخ )


    شو قطع غيار الكدلك يا نصووور ... و هالكدلك الصغيره اليديده كم سعرها و شو مواصفاتها

  13. #13
    عضوية الماجستير الصورة الرمزية تنينه
    تاريخ التسجيل
    Oct 2005
    المشاركات
    2,723
    قوة التمثيل
    361

    رد: مــجـــلـــس الـــســـيــارات

    الـسلام عـليكم شبااااب أشحالكم شخبااركـم :harhar1:

    احـم ,, عـادي يعني نـدخل ميلسـكم وأنشاارك يعني عـادي ,,


    أنـا الصـراحه وفي الحقيـقه والـواقـع ,, مـا عـندي مـوتر >> وااايد عـليّ ليش داشه عيل لول ,,

    بـس عـندي جوااب للسؤال الثاني ,,

    أول شي وقبل ما أستهل بكلامي ونقاشي :leia: رحبووا فيني شي ماي بارد :harhar1: مشكوور نااصر مـا أبى ريد بول أبى اورنامين سي :kcl: ,,


    2- شو هي السيارة الي تتمنا انك تمتلكها في المستقبل
    يقولون أووني مخـططه ومقرره وعـاقده العـزم ,, ان شـاء الله اذا خـذت ليسن بـعد عـمرن طووييل وخخخ آخــذ لـي نيسان بتروول ان شااء الله وخااطري في الفـتك بس يمكن يستوي جدييم ألين مـا آخـذ الليسن لول ,,

    الموووهيييييم وشوو اسـمه:kkk: تبوني اذكـر مميزاتـه بـعد وليش بـاخذه الصراحه أول شي عـسب شكله عجيييب وغير انه سريع وومميزاته كلـها أوكييك المهم انا حبيته مـن اول نظره وان شااء الله بـبيكون أول مـوتر أسووقه ,,


    بـعد 3 سنوات بـرد للموضوع ان شاء الله وبكتب كـم وصلت بالنيسان أعلى سرعه وخخخ وعن خدمة الوكيل وتوفر قطـع الغيار ,,


    يالله في أمـان الله ويمكن أنـرد لميلسكم الطيب اذا عـزمونا :ice:

  14. #14
    أحسن عضو الصورة الرمزية إسهر معي ليله
    تاريخ التسجيل
    Dec 2002
    المشاركات
    1,691
    مزاجي
    Drunk
    قوة التمثيل
    343

    رد: مــجـــلـــس الـــســـيــارات

    السلام عليكم،، موضوع حلو واتمنى ان الكل يستفيدون منه

    ::
    ::

    جربت وايد سيايير،، وجربت وايد وكالات،، تقدر تقول "مندوب وكالات" في العايله brgll:

    الرنج

    سيارة مريحة،، واحلى مافيها ارتفاعها.. لكن عيبها السكان يثقل اذا دخلت لفّـه
    وانته مسرع!.. الوكيل خدمته وايد زينه.. خصوصاً مع عقد الصيانه،، عيبها في
    الـ Fuel Pump .. اخترب 3 مرات.. وبدون سبب! وما ادري اذا هالشي في
    كل رنج،، ولا بس عندنا

    ::
    ::

    بيجو 307

    سيارة كملت معايه سنتين و 8 شهور،، الحمد لله عمرها ما وقفت او ماشتغلــت
    عكس الرنج اللي وقفت 3 مرات brgll: ،،، الوكيل زين ومب زين فـي نفـــــس
    الوقت،، فيها مواصفات اكثر من باقي السيايير اللي بنفس سعرها وحجمها،،، و
    قطع غيارها غاليه نسبياً،، بس يعتمد عالقطعه.. مرات تنصدم من سعرها الغالي
    ومرات من رخصها بزياده!.. ضربت فيها خطوط لين قلت بس وبعدها تكد

    عيبها الوحيد في القير،، تبترونك وتحس فيه لما تغيّر من قير لين قير.. بالتالي
    السواقه ما تكون مريحه وتحس السياره تهتز مع كل تبديل.. ثباتها وايد ممتاز
    وانظمة السلامة حلوه فيها.. بس في نفس الوقت ماتحس فيه جوده فـ التصنيع

    الخرابات اللي مرّت عليّه سببها سواقتي،، يعني سياره ما تتحمل سواقة الشباب
    هاي مسوايه حق السواقه الناعمه بس

    ::
    ::

    نيسان التيما

    عندنا في البيت 4 و 6 سلندر... الـ 4 صرفيتها وايد حلوه ومشيها زين
    اما الـ 6 تصرف.. لكن مشييها يخبل :kcl: .. مشاكل السياره بسيطة
    وتعتمد عالسواقه

    الوكاله شغلهم بطيء والسبب انه عندهم وايد سيايير.. ولازم تاخذ موعد
    وأحياناً الموعد يكون عقب اسبوع او 10 أيام.. بس قبل كم يوم دخلناهـا
    قبل الموعد.. لأنه دينمت السلف اختربت.. فـ دخلوا السياره صلحوها،، و
    جيكوها في يوم واحد!.. رغم انه الموعد كان المفروض يكون باجر brgll:

    ::
    ::

    نيسان ارمادا

    سواقتها روووعه،، وعلى حجمها العوود بس اشووف سواقتها مريحــه
    وفيها قوه.. الخرابات ما عندي علم فيها.. بس ما سمعت حد يتشكى منها

    ::
    ::

    مرسدس E-Class

    جربت 240.. مشيها تعبان.. اما الـ 320 حلوه سواقتها ومشايه بعــد
    عيبها الوحيد في الوكاله.. اول شي خدمه تعبانه وثاني شي اسعارهــم
    نار.. والسيارة تشكّل احياناً.. والسبب من الكمبيوتر الغبي طبعاً brgll:

    ::
    ::

    لومينا SS

    سواقتها كشخه.. وخرررشه في نفس الوقت،، بس سيارة مريحه وسعرها منافس
    الوكيل شوي تعبان.. يعني اذكر اول ما مطلعينها في 2003 يوم عدلوا شكلهـــا،،
    سوينا فيها حادث.. طاحت السياره في الوكاله اكثر عن شهر والسبب قطع الغيــار
    ما وصلت للشكل اليديد.. ويمكن السيارة فيها خرابات لكن بسيطة

    ::
    ::

    هوندا أكورد

    سيارة تجاوبها حلو،، يعني وقت الريس ريس والبريك بريك،، خفيفه ومريحه بعـد
    تحس فيه جوده بتصنيعها،، خصوصاً من داخل،، سيارة تكد وصرفية البترول حلوه
    الوكالة وايد زينــه،، يعني يلتزمون بالمواعيد والخدمه سريعه

    ::
    ::

    هالسيايير اللي سقتهم وجربت وكالاتهم .. وان شالله لو عندي اكثر
    بكتب عشان نفيد بعض

    بس عندي ملاحظه// وهيه ان ما في سيارة في هالدنيا ما تخترب،، ويمكن
    عندك تخترب وعند غيرك لاء.. وهذا كله يعتمد عالسواقه وطريقة استخدام
    السياره

    ::
    ::

    السياره اللي خاطري فيها احين.. Ford GT 40



    يااااااااااااا الله :kcl:

    ::
    ::

    اسمحوولي طولت عليكم.. وان شالله اكون متواجد معاكم دوم فـ هالموضوع

    مشكور ذنيني عالموضوع



    Twitter - Instgram: a__mohammad

  15. #15
    مشرف واحات
    مشرف واحات الإبداع التقني
    الصورة الرمزية الاسطوري
    تاريخ التسجيل
    Oct 2003
    المشاركات
    2,414
    مزاجي
    Cool
    قوة التمثيل
    200
    السلام عليكم ..

    شحالكم شباب ؟

    عن أفضل موتر شوف ماقدر أقول الموتر الفلاني أحسن لأن كل موتر
    له شي يميزه عن المواتر الثانيه ،، في الفورويل من ناحية
    الثبات والقوة عيبني X5 4.8 ومشيه حلو
    وصوته بعد ومن ناحية الراحه
    الرنج سلس
    ومريح في السواقه ومن ناحية قوة التحمل والمهمات الصعبه عندك
    الهمر H2 مايقول لأ في أصعب الأمور اما الصالون عندك
    بي ام 745 هاديه ومواصفاته حلوه
    وقوتها لا بأس بها

    والسيارة اللي خاطري فيها مابقول فانتوم شارت ناس الله يستر
    عليهم بس يعني طموحي محدود M5 اليديد وطبعا
    ماننسى الولاء لـ LS600hL
    وقوتها تكفيني

    حاليا أستخدم لكزس LS400 موديل 98 وارد امريكا مريحه نوعا ما
    ومافيها مشاكل ومن ناحية الوكاله معاملتهم زينه بس
    عيبهم الزحمه اللي عندهم مع اني
    ماتعاملت وياهم وايد
    وقطع الغيار متوفرة في كل مكان سواء أصلية ولا تجاريه والأسعار
    متوسطه تقريبا ومعقوله ومن ناحية الصرف أقل من
    النياسين وتقريبا قريبه من الاستيشن
    او يمكن شويه اقل على
    حسب السواقه يعني وتفويلتها أكثر شي 109 سبشال هذا من تحت
    الإمتي وقوتها زينه وأهم شي قد ماتقدم قوتها ماتتغير
    من تسرع فيها تصك القيج كامل ماعندها
    ون تو بس مقفوله على
    250 واممم من عيوبها إن جامبيناتها لينه شويه يعني هي مريحه على
    المطبات وفي الاستخدام بس للسرعه هاي نقطه سلبيه
    عكس اللكزس الالماني يابس وقوته
    أكثر ومعطاي 280
    ومب مقفول وقبل فترة كنت لاعب فيها شويه منزلها بإسبرنقات يابسه
    ومركب لها رنجــات 18 ودبات وحاله بس طبعا تعرف شغل
    اي كلام مايدوم صارت سالفـــه واضطريت
    اردها وكاله بس قد ماتكرفها
    ماتقـــول لأ
    :bow:

    بخصوص السرعة تراني مدمن عليها واحلى شي سوالف البتوين على
    سرعات والحمدلله ماعندي سوابق بس ماسقت سيارة قوية
    ذاك الزود عشان أذكر نوعها وأقصى سرعة وصلت
    لها هي 268 في اللكزس الالماني
    اللي كان عندي قبل
    هذا وبس

    الحين أنتظر LS460 يوصل وبشوف كم سعره
    وكيف بيكون مستواه في
    السوق

    السموحه

    الاســـطـــوري
    أخوكم
    .
    ما طار طير وإرتفع إلا كما طار وقع
    .

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 3 (0 من الأعضاء و 3 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •