مــجـــلـــس الـــســـيــارات

[مايهزك ريح]

الافلانش .. محاوله فاشله لتقليد الإسكاليد EXT !!!!!!!

[ذنـيـنـي]

مب هني المشكلة
المشكلة انه الكاديلاك EXT هي الي تقليد عن الافلانش مش العكس

السيارة زينه, ما اقول انها مب زينه
بس الي اقصده هو انه هالسيارة لا هي بيك اب ولا هي سيارة فورويل كامله
بالمختصر سيارة فئتها غبية و الكاديلاك حالها مب افضل
اتم في نفس الفئة

[صريح]

البك اب طاحت موضته خلاص
بس كل شتا ترد موضته


الواحد يا ياخذله موتر فوريل عدل ولا صالون
الا اذا الواحد بيزاته زايده ممكن ياخذ بيك اب موتر ثاني

[مايهزك ريح]

ناصر ..
اللي انا اقوله انه الموتر مثلا الـEXT ما ينفع بر .. موتر شكل للشارع وستايل ..
الإفلانش .. لا هو شكل وبتتقبله ولا هو حق بر عشان اتكسره ^_^!!

انا اشوف الفورد اليديد Raptor ... فنان حق محبي البر .. والتكسير .. لأنه مسواي حق هالشيء



اما اني آخذ موتر اكسره في البر وارد نهار ثاني اسير به الدوام .. فها ما يستوي ..
يعني موتر .. يلعب دورين ما ينفع ..

[ذنـيـنـي]

ليش ما يستوي الموتر يلعب دورين !!
الموتر الي ما بيخدمني عدل ليش اخذه ؟؟

[مايهزك ريح]

انا اشوف اخويه .. >_<"
عنده نيسان .. يسير به البر .. ويكسره .. يرد البيت خربان ..
يمر ياخذ موتري يسير به الدوام .. لين يصلحون موتره !!!!!!!!

زين اني امخلي اللومينا سبير ولا جان اتبهدل ..

وكل ما ايسير .. على هالحاله ..
قبل كان عندي نيسان جديم حق التعرعير في البر وبعته ليتني خليته حقه .. !!!!!!
احين انا موتري حق دوام ورحلات شارع ما ينزل رمله .. ولا يحلمون انزله ..

افكر انفد اللومينا هالصيف .. وازيد شويه وآخذ لي نيسان مستعمل .. ارتبه بس حق رحلات البر والتكسير .. بحيث انه الكاديلاك يكون مرتب حق الدوام .. ^_^!!

شو رايك تفكير سليم .. صح

[صريح]

انا اشوف اخويه .. >_<"
عنده نيسان .. يسير به البر .. ويكسره .. يرد البيت خربان ..
يمر ياخذ موتري يسير به الدوام .. لين يصلحون موتره !!!!!!!!

زين اني امخلي اللومينا سبير ولا جان اتبهدل ..

وكل ما ايسير .. على هالحاله ..
قبل كان عندي نيسان جديم حق التعرعير في البر وبعته ليتني خليته حقه .. !!!!!!
احين انا موتري حق دوام ورحلات شارع ما ينزل رمله .. ولا يحلمون انزله ..

افكر انفد اللومينا هالصيف .. وازيد شويه وآخذ لي نيسان مستعمل .. ارتبه بس حق رحلات البر والتكسير .. بحيث انه الكاديلاك يكون مرتب حق الدوام .. ^_^!!

شو رايك تفكير سليم .. صح

ليش ما تشتري بدي نيسان و تركب مكينة اللومينا عليه و ترتبه حق البر

[مايهزك ريح]

^

فكرتك تنفع اذا حصلت موتر جديم للبيع ..
بتطلع ارخص لي من اني ازود مكينته الأصليه ( هيدر .. فلتر K&N الخ ) اللي اصلا بتكون منتهيه ..


بس اذا كان يديد .. معناته اعدله اوفر لي من تبديل مكينته ....

ولا انته شورايك


مع انه الفورد اللي حاط صورته فوق .. داخل خاطري .. بس ما ينزل إلا طلبيه وسعره 210 آلاف .. وبيفكني من الصدعه بس ضيج للرحلات ..هاي مشكلته !

[ذنـيـنـي]

مايد الفورد هذا باخذه و بكسره تكسير فالبر و برد بغسله و بكشخبه في شارع جميرا و شرط اني اغطي على سيارات سعرها ضعفين سعر الفورد
و ثاني يوم بسيربه الدوام

و نفس الكلام ينطبق على النيسان و الستيشن و هالسيايير
بتوديها البر و بتلعن والديها و بترد بتغسلها و بتحاوطبها و كأن شيء لم يكن

احس ما يخصه انه الواحد يكون عنده سيارة للبر و سيارة للكشخه و سيارة للريس و سيارة للمشاوير الصغيرة
في سيارات تسوي كل هالاشياء مره وحده

و غير هذا, مب لازم الواحد يكسر سيارته يوم يدش البر, الواحد يقدر يستانس من غير تكسير

[مايهزك ريح]

ساعات اتنه ما تكون ساير اتكسره ..
but accident can happen
وفي اي لحظه .. يعني مثال مكان انا دايما اطوفه مسرع .. حايم كمن حدبه وطايح ومكمل ما استوى شي ..
المره اللي عقبها نفس المكان .. مشيت بسرعه اقل .. دعمت الحدبه وفتيت ويه الموتر .. كيف لا تسألني ..

ومره واحد ويانا عينه سجبه ما تم حد من الجماعه اللي يمشون وينا إلا واستوابه شي ..اللي كاسر دفريشن واللي انفجر تاير موتره طلع من الدبه ( هذا لوما شفته بعيوني ما كنت بصدق )
وغيره وغيره..

عشان جيه لازم ايكون عندي موتر اسبير .. انا هذا اللي اقصده ..
ومب لازم ايكونون موترين واحد يكفي يا انا يا اخويه ..
مع انه مره الموترين اختربن في نفس الوقت .. خليته هو يأجر له موتر .. >> نذاله

وجيه يعني .. وشو اخباركم بعد ^_^!!

[المزوحي]

اشوف اللاند واللكزس ال اكس منتشرين بشكل رهيب هاليومين، عاد ماندريبهم حق رزة الشارع وإلا حق طلعات البر ( وإلا both of them )

الاجانب احسن عنا مايهزك ريح ماشي حسد ولا غيره ، كل واحد عنده رنج وإلا اكس فايف ، العرب مادري شو بلاهم يوم بتطلع موتر تموا يسألون وايد

حتى لو يعرفون سعره في الوكاله ، يسألونك كم كلفك !

[ذنـيـنـي]

والله نحن بخير و عافية
علومك ^ـ^

[المزوحي]

السلام عليكم

اشحالكم ؟

هاليومين لاحظت انتشار سيارتين بشكل كبير بين الشباب والبنات واكيد تبون تعرفون شو هن السيارتين ..!!!







أول شي مرسيدس جي كلاس ،، الشباب يسوقونها بالهبل، هي سياره رزه الصراحه ، بس جربيتها تف نوعا ما ، يعني مب مريحه لكن مادري عن آخر موديل








ثاني موتر في كل سكه أشوف البنات يسوقن رنج سبورت ، ومن غير مخفي ( مايخصنا ، حم ) بس العيون تمل شوفتها

[الهيثــم]

انا عن نفسي عقب تجربتي للأمريكي ما أفضل غيره ..

وياك يا ناصر إن الدينالي شكله غيير ومتعدد الاستخدامات .. وبالعكس البيكب موضته حلوة أشوفها ..
بس بعد إن شاء الله إذا نويت على سيارة يديدة ما بتعدى فئة السيارات الأمريكية 8 سلندر
سواء تاهو أو اسكاليد أو البيكب ..
اليوكن شكله ما يعيبني .. لكن الدينالي له هيبته

جربت النيسان والاستيشن والأف جي والبرادو ..
الاستيشن أفضلهم ، لكن سعره غالي بالمقارنة مع الأمريكي
والأف جي والبرادو والنيسان - لكم الحكم .. بعد تجربة الأمريكي .. ما شي مقارنة .. ثبات هالسيارات لا يقارن بالأمريكي ع الخط

والنيسان اليديد .. سعره مبالغ فيه جدا رغم إن مواصفاته حلوة .. لكن ما بحط هالبيزات على نيسان ..
وجهة نظري ..

ويا مرحبا بكم

[مزن هتان]

أبوي يقولي خذي رنج
مش مقتنعه بالسياره، اقوله انزين لكزس ابّاه
قالي مادري سألي عمج، انزين نيسان
بعد لأ، فاهمين الموضوع غلط صدقوني انا اللي بسوق مش أنتوا

أبي فورويل و يكون مقتنع فيها أبوي و أنا اقتنع فيها

قريت رد الياه فالموضوع هاكي انه شكل الرنج راح يتغير بعد سنه و شوي
اللكزس و النيسان عايبيني بس متردده
كل حد بيقول أكيد اللكزس

عايبتني البورش بس مشكلتها صغيره بانميرا و حد قال انه سواقتي دفشه يومين و بكسرها
يمدحون البورش فـ الشارع

أقعد عـ الكامري متحملتني و تراني أحاول أسوقها و اتحملها