مــجـــلـــس الـــســـيــارات

[صريح]

^

مبروك على قوانتناموو اليدييد

[الهيثــم]

شو رايكم فـ الجيب رانجلر .. ؟

[المزوحي]

خطّاب اعرف واحد عنده رنجلر اول بادي استانس، عقب مل منها، اونه يوم انعزم وألبس غتره وعقال وساير بهالموتر

مب شي، وييه مب كأني تكلمت عن الانسان مب عن السياره ؟!!

همم حلوه، بس اظن في واحد من الواحات عنده.

[الهيثــم]

أعتقد سفير الخيال الله يذكره بالخير عنده .. بس هو ماخذنها مستعملة حق اللعب ..

هيه من هالناحية صدقك ، واحسه مب مريحة حق الخطووط ..

[المزوحي]

تدري خطّاب يعني ممكن يكون عندك هالموتر، كموتر ثاني مب شرط أساسي، وكتغيير، لكن حاليا مايسوى تاخذه.

[الهيثــم]

مب حقي ، أخوي بعده يفكر ، وكل يوم موتر ف باله ..

هييه صح .. هالنوع من المواتر يفضل إنه يكون عندك موتر ثااني ...

[المزوحي]

خطّاب أكيد الحينه أخوك بيحتار، وبيسأل ، وكل شويه بيقول الموتر الفلاني،

هالموتر غير كبسوله




سوالف


بس تدري كم ميزانيته، نحط كذا موتر وأقترح عليه .

[مايهزك ريح]

الرنجلر اخويه يشتريه ويرد يبيعه ..
مادري يمكن لين الحين شاري ثلاثه من الوكاله وباعهن .. !
انا مول ما اقتنع فيه ..
الجراند يعيبني اكثر .. ينفع للبر وينفع للكشتات ..

[الهيثــم]

مايد ،، والله أنا بعد أشوف جي ، وأخاف يمل من الموتر ...

المزوحي ، ميزانيته تقريبا بين الـ 80 إلى الـ 110 ...
والمشكلة إنه مب مستقر على راي ، يعني مرة يقول فورويل ومرة صالون ...
يعني من المواتر إلي حطها في باله ... أف جي - لومينا أس - باجيرو باب واحد - جيب رانجلر - أفالون ( بس شلها من باله يقول السعر غالي شوي ) - وانا دخلت السلفرادو في راسه ، بس ما اتقبلها ..

[المزوحي]

خطّاب الباجيرو حلوه بس لو بياخذ 3.8 باب واحد، لأنه اللي عندي 3.0 وكان سعرها 82 ألف على الموديل اللي قبل هذا

لكن من عقب سنتين سواقه شويه حسيت بها خشنه!

بس إذا برادو مثلا أظن سعرها 129 ما أذكر عدل .. مكينتها أقوى ..

وإذا يبغي صالون مادري لو يبغي كامري ، إذا تحبون نيسان عندك ألتيما .. تعال ليش ما تبيع عليه الهوندا

[الهيثــم]

هييه إذا الباجيرو ، يبا الـ 3.8 .. عيبتني السياارة والله .. بـ 110 ألف
بس في ناس يقولون أونه إذا جدمت ما بتكون أوكي .. يعني عقب سنتين أو ثلاث .. بتحس إنه طاح موديلها ..

وعن الصالون ، ما يحب الكامري ، والبارحة كان طالع ويا ربيعه عنده ألتيما 2008 رقم واحد ، يقول حلوة بس ما دشت راسه لول

هههههههههههه ، أبوي يقولي بيع له الأكورد وخذ لك سلفرادو ..
بس مب حلوة يا خي ، أنا آخذ لي من الوكالة ، وهو موتر مستعمل ..

[المزوحي]

يمكن عقب 3 سنوات يحس الباجيرو تتغير ، بس مب كموديل، لأنه وايد سيارات تتغير شكلها ..

دام إنه موترك نظيف مافيها شي، بس دام إنك بتاخذ موتر يديد وبتبايعه موترك، يمكن عقب فتره يحز في خاطره .

أنا ما أحب مواتر نيسان بشكل عام ..

أما عن الأف جي يمكن يمل منها ... خله يستخير، وهيه سيروا الوكاله ، عقب يقرر شو يبغي ياخذ .

[مايهزك ريح]

لا حرام خله ياخذ له موتر يديد احسن ..

خله يمر الوكالات ويجرب كل يوم موتر .. لين يقتنع ..
احيانا يعيبك في الموتر شكله بس سواقته ما تعيبك .. !

[المزوحي]

خطّاب إذا عيبته هوند أكورد 6 سلندر ياخذها مب شرط عسب انته عندك .. كل واحد موتره غير ..

[الهيثــم]

مروان ، ترا هاي هي ، حتى الوالد قالها بالمصخرة ، وانا ما برضاها عليه ..
أنا بعد ما تعيبني مواتر نيسان ، مع احترامي لمحبي النيسان .. إلا الأرمادا .. هاي غير ..

الأف جي ، كان متحمس لها قبل ، بس ما دري شو يااه وغير راايه ، يقول سعرها غالي ع الفاضي ، ما فيها شي ..
استوى شراتي ، قام يقارن السعر بالمواصفات وجي ،، يعني يوم بتقارنها مع الباجيرو 3.8 .. أنا أفضل الباجيرو الصراحة ..


مايد // هذا الي لازم يصير شيخي ، يوم تحتار ، ما في إلا تحط كم موتر في بالك ، وتسير تجربهم .. وتشوف الي بترتاح له ..