مــجـــلـــس الـــســـيــارات

[مزن هتان]

اذا حرارة السياره مرتفعه و انا مادري عنها شـ راح يصير بسياره؟

[ذنـيـنـي]

تحترق P=

اذا الحرارة مرتفعة,, اول شي تسوينه هو انج تبندين السيارة
عشان ما ترتفع الحراره اكثر.

بعدين اتصلي باي حد عسب يشوف شو مشكلتها او يصب ماي في الراديتر أو أو أو ...الخ

أهم شي, لا تحاولين تفتحين الراديتر بروحج, لأنه الماي الي فيه بيكون واااااااااااااايد حار و يصل لدرجه الغليان في بعض الاوقات.

يعني بالمختصر اذا شفتي الحرارة ارتفعت, وقفي سيارتج في اقرب مكان ممكن توقفين فيه. و اطلبي المساعده

[مزن هتان]

من صجك تحترق؟

[ذنـيـنـي]

اذا واايد ارتفعت الحرارة بتحترق المكينه لأنه لا تنسين انه الارتفاع ناتج عن احتراق البترول داخل المكينه
اذا قام يحترق البترول و ما حصل شي يخفف حرارته, طبعا بيأثر على اجزاء و بيأدي الى انصهار المحرك و تلف اجزاءه الداخلية

,, يعني لازم في نفس الوقت توقفينها و تطلبين المساعده,, علشان ما تحترق

يعني بالضبط مثل الانسان الي فيه حمى
لو قبضتج حمى لازم على طوول تريحين, و تحاولين تخففين السخونه بكمادات ماي بارد و بندول

و اذا ارتفعت الى حد معين و لنفرض انه 43 او اكثر ممكن يموت الانسان



بالضبط نفس الشي يحصل في السيارة
اتمنى انه تكون الفكره وصلت

[مزن هتان]

مشكور

يعني بس تحترق المكينه<<<< تشوفينها شويه
انا على بالي السياره نتفجر و أموت

[المزوحي]

بأي بيمه تنصحوني ...

[المزوحي]

التاير ضرب الرصيف .... صدق انقهرت .. اعنبوا مادري من عينه ؟؟

سرت اسويها ميزانية رووود ... وعقب ماسرت ريتها بعدها تلف على اليمين ...

شكلي برجع له ........ شو رايكم ؟؟

[ذنـيـنـي]

المزوحي

الفجيرة للتأمين تعاملهم احسن من غيرهم
و ما يعطلونك وايد

[قلوب دبي]

تعقيبا ع الكلام اللي فوق اضافه لكلام اخويه ذنيني ..
احيانا يمكن ما تحترق ولكن بدق عليج المكينه و تخلط ااااييييل مع الماي ...

----


انا اعاني من مشكله الصراحه الرصيف يحب يلف عليه وايد ما ادري شو اسويله ..

[ذنـيـنـي]

قلوب دبي

حتى انا عندي وااااااايد محبين
الرصيف و الحفر و المطبات

تصدق كان عندنا "دجـّه" مب صاحيه
تخيل انها نقزت علي اول ما طلعت الليسن و خلتني ابدل باب السيارة خخخخخخخ

[قلوب دبي]

هههههههههههههههههههههههههههههههههههه
الدجة مره وحدة هههه
عجيب انته ياخي ..

تدري شوه ، انا الرصيف ها مسوي لي بلاوي مع اني امبدل الرنجات من الوكاله ورد ولف عليه مره ثانيه P:

ألمطبات اعدائي لاني مول ما اوقف عندهن خخخخ كأني من اشوف مطبه انتقم منها واسرع زياده XD

[ولد الشحوح]

انا شوارع راك كلها تحبني كلها حفر

[المزوحي]

ذنيني طمنيتني .. لأنه انا سألت من قبل ومحد رد عليّه ... فسرت بيمت ...

قلوب الحمدلله إني ماشي سيده وعلى القانون ... لكن من بيمت الموتر .. الرصيف لف عليّه مثل مايلف

عليك ( هههه ) بس ياقلووب لو سويت طاف للمطبات .. كرسي المكينة بينكسر ( موترك )

[تحفه]

أبييييييييييهاااااااااااا ااا والله شكلها فضيييييييييع .. جنها مالت اغاني الروك

بتكون احلى واحلى لو كان لونها اسود ولا ذهبي على بطيخي .. ياااااااااااااي جنووووووووننن

[الاسطوري]

هــــــــلا ..

"المزوحي"

كراسي المكينة ماتتأثر بالدرجه الأولى من المطبات حسب علمي بس تتأثر من أشياء ثانيه على
المدى البعيد عكس البوشات عندي اللي كل فترة تخترب من الأمور هاي
وهي الشيالات اللي تمسك التواير وأقصد
الأماميه بالذات

"تحفه"

انتي ما لحقتي على الشباب يوم يرمسون
عن الدينالي عذاب


الاســـطـــوري
أخوكم