مــجـــلـــس الـــســـيــارات

[المزوحي]

ذنيني يعني ... عقب كم كيلو يستحسن افحص الموتر

فحص دوري او تغيير بلكات وغيره

لأنه انا اداوم بس على الآيل والفلتر بصورة منتظمة

[ذنـيـنـي]

بالنسبة لي شخصيا

ابدل البلكات و السيور و آيل الجير و فلتر البترول و فلتر الهواء كل 30 الف - 40 الف


طبعا في فرق بين سيارة و سيارة
و بين شخص و شخص

[المزوحي]

تسلم ...

[عيون الليل]

ماشالله ماشالله انا بتغشى وبدش يستوي؟ لانه ميلسكم كله شباب مادري انا شو يايبني لـوول

بس سبحان الله أحب هالسوالف يعني مب وايد وايد يعني سوالف التزويد مب وايد اتعيبني بس يعني استمتع فيه ^_^

إنزين . . قلتوا لي شو أفضل سيارة سقتها بقولكم .. .. بي أم دبليو 650 اليديده خبــــال

وشو هي السياره الي اتمنى امتلكها همممم مافي شي معين ف بالي أنا احب اجرب كل شي يديد وحلو لكن يمكن اتكون الـ M6 على البال والخاطر ما ادري

وشو نوع سيارتي الحاليـة . . يا ويلي عليها رنج سبورت الـ HSE . . رأيي فيـها وخدمة الوكيل وقطع الغيار مادريبه بعدني ما جربت لكن السياره عليها سيرفس كونتراكت . . إذا الله راد عقب كم سنه بخبركم ^_^ بس السياره جي جي جي

أنا كنت من محبي السرعه بس الحيـن ومن عقب الحادث أتروع بصراحه ومابا هاك اليوم إيعود . .
لكن قبل الحادث وصلت 240 بـ SL55 جنــون اللي سويـــته . . وما بينعاد طبعاً
الحيـن ما اتعدى الـ 140

حافظوا على أنفسكم والإنسان يتعلم من الخطأ سواء الخطأ بدر منه ولا من غيـره والسرعه مافيها فايده.. إذا الله كاتب توصل عقب ساعه بتوصل عقب ساعه لو شو ما سويت وإذا الله كاتب توصل بعد 5 دقايق بتوصل بعد . . كل شي بيد رب العالميـن . . .

ربــــــي يحفظكم أخواني واخواتي جميـعاً

:)

[مزن هتان]

أنا الحين عندي تويوتا كامري
وصلت فيها 170
عن خدمة الوكيل ومدى توافر قطع الغيار للحين ماعرف عنهم
للحين ما اخذتها للتشييك الاول
وباقي الاسئله جاوبت عليهم في ما سبق

[شرجاوي]

عندي مكسيما ... من خذيتها مره وحده وديتها الوكاله عسب افحصها ... و الحمدلله لين الحين ما اختربت عسب اجرب قطع غيارها ... و الوكاله الصراحه خدمتهم كجره .. مووووووول مب شي

و عن السرعه وصلت ل تحت 260 و بعد مب عايبتني هالسرعه ... ان شاء الله بزودها عالخفيف و بحطلها كمبيوتر ابكسي و بشوف كم السرعه بالضبط و بحط لكم الصوره

[عيون الليل]

شرجاوي


260 ومب عايبتنك السرعه
مب زين يا خويه . . أنا أقول لو تقتنع بهالسرعه أحسن
يبالك

الله يحفظك يا اخويه . . . ويحفظ جميع أخواني وأخواتي في الواحات . .

[المزوحي]

ذنــــيني

ربــيعي عنده مرسيدس E240 موديل 2004

والمشكلة إنها تسوي صوت يوم يضرب بريك

قلت له يمكن من السفايف

بدل الفايف .. عند الوكالة .. ومادري بهم إن فحصوا على السفايف وإلا بدلوا جيه

خرطوا الدرامات وسوو ميزانية روود .. ويوم يابها نفس الشي مع إنه تضارب وياهم ..

تعاملهم زفت على مايقول ..

شو ضنك السبب ؟؟؟

حتى التواير بدلهم ... يشتكي منها مع إنه التبديل عل الضمان ويوم يسير لهم يتبهدل ..

[شرجاوي]

صوت شو .. كيف الصوت .؟؟ صفاره ؟؟ ولا الموتر ينتفض

[المزوحي]

صفاره .. مافيه انفضه

[الجنيه]

السلام عليكم ورحمة الله وبركاته .,,,

الصراحه موضوع شبابي بحت بس ما يضر تدخل العنصر النسائي فديتني .,...

الله يسلمك بجاوب ع اسئلتك قبل وبعدين عندي سؤال استشاره ...

حالياً عندي التيما 6 سلندر فديتها ,,, الخدمه اوكي ومثل ما قالوا قبل لازم موعد حق السيرفس بس بشكل عام وايد اوكي وقطع الغيار نفس الشيء

السياره الي حبيت سواقتها صدق لومينا اس اس وناسه طياره *_* ,,

السياره الي فـ خاطري ,, الرنج والا مرسيدس بس لا تسالوني عن رقمها لاني روحي ما اذكر ,,,


الحين اني للسؤال المهم : الله يسلمكم موتري يطلع صوت يوم اريوس به ومرات يوم اجس بريك وديته الوكاله وبدلوا لي السفايف والحاله نفس ماهي رديته مره ثانيه ع حسب ما قالوا لي انه يمكن يكون الدرام ويل هو السبب بس نفس الحكايه وع فكره لاحظت اغلب الالتيمات فيهن هالصوت ؟؟؟ ليش شو السبب افيدوني جزاكم الله خير اذا اتعرفون *_*

وسوالم

[المزوحي]

يالله قوم بو الألتيما لو تعانون من نفس المشكلة تعالوا خبروها ...
يعني انت بدلتي السفايف ... وكيف عرفتي اغلب الالتيمات جيه


ننتظر الرد على مشكلتج يالجنية

وعقبال الرنج فوج

[الاسطوري]

مسألة الصـوت في البريك له أسباب كثيرة ممكن من نوع السفايف أو
من مخلفات السفايـف (اقصد البورد الاسود) وعدم تنظيفها
لمده ويمكن السفايف مخلصـه وفي
الحاله الاخيـره مب
دايما يـروح الصوت بتغييـر السفايف لأن السفايف اليديـده تاخذ فترة لين
تتأقلم ويه الدرامات على حسب وضعها طبعا (ماعدا
لو كانت الدرامات يديده) بس في
حركة واحد خبرني
عنها وجربتها وايد تنفع في إزالـة الصوت بأنك تمشـي 100 وتدق بريـك
خفيف وايد وتم على نفس المستوى لين توقف السيارة
كم مره يعني تخلي السفايف تاخذ
على الدرامات بدون
ماتضغط عليهم على راحتهـم وغسلهم بالبخار في المحطة الكبرى يفيد
بعض مرات ومرات تنحل المشكله بإنك ترجع ريوس وتدق بريك
عكس ما الدرامات متعوده أو احتمـال من
السفايف الخلفيه اللي أكثر
الناس ينسونهـم ومايغيرونهـموإن شاءالله تلقون نتايـج ويه الاصـوات
الخفيفه وانا سبب الصوت عنـدي هو الاستعمال الدفش
للبريك وإذا مافادت كل الحلول الواحد يبيع
السيارة ويشتري سيارة يديده
ويفك عمره

[شرجاوي]

بعد غسيل السياره البريكات اتطلع صوت مزعج

[عيون الليل]

الجنية . . . .

بالفعل أختيه كلامج صحيح . . . حتى أنا يوم كانت عندي الالتيما كنت اعاني من نفس المشكله . . . وجربت كل الحلول واتخيلي السياره يديده كيف السفايف يبالهن تبديل! ! يعني الصوت ظهر لي عقب ما خذت السياره بـ شهر تقريباً

والصراحه الصوت مزعج وايفشل