مــجـــلـــس الـــســـيــارات

[عيون الليل]

الجنية . . . .

بالفعل أختيه كلامج صحيح . . . حتى أنا يوم كانت عندي الالتيما كنت اعاني من نفس المشكله . . . وجربت كل الحلول واتخيلي السياره يديده كيف السفايف يبالهن تبديل! ! يعني الصوت ظهر لي عقب ما خذت السياره بـ شهر تقريباً

والصراحه الصوت مزعج وايفشل

[سبيجة]

السلام عليكم


وايد حلوه فكرة الموضوع ما شاء الله ..... تبادل خبرات وعلوم .....


شخصياً .... جربت سواقة سيايير وايد ...أول ما خذت الليسن ...

منها ال x5 سواقتها حلوه وايد ... مريحه .. بس مشكله في الوكاله إنهم معاملتهم مب هاك الزود إلا بعد ما تحتشر ... وتسوي يوله ..... وبعد سقت من ال BM الفئه الخامسه ... بس سواقتها حلوه .. بس ما ادري احس إنها مب مريحه وايد ... ما ادري ليش ياني هالإحساس يمكن لأنه ما فيها وسع وايد من داخل ..

سقت ال LAND ROVER الصغيره ما اعرف شو اسمها أو رقمها ...وكنت ناويه آخذ شراتها .. بس مب مريحه في السواقه أبداً ... وبعد ما سقتها اخويه دعم فيها بقره ...مع انه الحادث كان وايد بسيط بس المدعميه راحت ... وحسيت إنه البدي مالها وايد ما يسوى ,,,

بعدها سقت الرنج سبورت أول ما نزلت ... بس طلعه وحده ...حلوه سواقتها .ما اقدر احكم عليها وايد وعلى الوكاله لأنها مب سيارتي..بس ما ادري احس انها مب غاويه على ابنيه ...


وسقت الكايين ....عاد هاي اتم عندي بالأيام ... وحتى وديتها الوكاله وكانت معاملتهم اوكي ... بس أكيد غاليه لأنه السياره سعرها غالي ... بس ما شاء الله ..ما عليها كلام ... في الشارع لها احترام وثبات غير عن باجي المواتر .... حتى في سالفة الباركنج ما اتعب ... لو إنه حجمها نوع ما كبير ... بس في الريوس اوكي بالنسبه لي ...

والكزس ...سقت ال ES 350 و IS كلهن حلوات ... بس ال GS غير ...ثابته أكثر ...

والأكيد مريت على الهوندا والهيونداي والمستوبيشي .....بس ما كنت اتعامل ويا الوكاله ... لأنهن مب سياييري ....


سيارتي الحاليه ... لكزس ..ال GS لين الحين كل شيء تمام ... والوكاله معاملتها اوكي .... بس اتوقع على حسب الإمارة ... يعني في دبي وايد صعب تحصل وقت إنك تدخل السياره للتجييك ... إلا بعد حجز ومذله ...

الحلو والمميز في الكزس ... هدوءها وثباتتها ... والحساسات وايد اوكي بالرسمه يظهر لك كل شيء .. غير عن البي ام والكايين .... ومن غير انه الكزس تكون في السياره وتشغتل .... واللي خاري يتحراها واقفه ومحد فيها ... كم مره استوت لي ... لين ما يوصلون لمرحله إنه يوايجون في السياره ويشوفون في بني آدم يالس ولما تسوق سياره بعدها ...إتحس بفرق كبير ... إلا إذا كانت من نفس المستوى أو أعلى ...



السياره اللي اتمنى آخذها .... X5 اليديده ... احسها وايد حلوه ....

ومن السيايير السبورت احب اللامبرجيني ..الكورفت ..


وعن السرعه ... ما احب اسرع في سياره مب سيارتي .... واتم احاتي ...وايد ... وأكثر سرعه وصلت لها كانت 200 بس كنت وايد زايغه ... وتقريباً سويتها مرتين ... وما بعيدها ... كان مجرد حب للتجربه .... حالياً سرعتي ما تتجاوز ال140 في الخطوط الخارجيه .... وطبعا مع مثبت سرعة ... كل شيء يسهل


السموحه

[المزوحي]

الاسطوري السيارة موديل 2004 وبدل السفايف وخرط الدرامات .. وهذا كان تقريبا من 3 شهور
يعني ظنك عسب السفايف يديده بيتم الصوت للحين ..

شرجاوي مب صوت الغسيل
بالنسبة للغسيل يتم ربع ساعه بس

عيون الليل ... يوم قلتي الصوت يفشل احس الكابريس الجديم دووم بهالصوت .. عن بعد كيلو ينسمع

[المزوحي]

سبيجة تحملي عن يحطون صورتج في الجريدة ولج القرار
بس من السيارات الالمانية احب الاكس فايف
و اليابانية لكزس وخصوصا LS430

[الاسطوري]

هــــــــــلا ..

"المزوحي"

ماأقدر أقولك العيب من وين بالضبط يختلف من سيارة لسيارة
ومن إستخدام لإستخدام بس راجع ردي
القبلي يمكن يفيدك
بشي

في موقع للسيارات الامريكيه طبعا بكل الانواع في السيارات النظيفة
وفي المدعومة وفي المدعومة ومصلحة وفي
الغرقانه ايام كاترينا وغيره
الكثير
الكثير وطبعا كله بالصور والاسعار والنسبه اللي ياخذها الشخص +
الشحن والتأمين حوالي 10000 أكثر شويه أو
أقل على حسب السيارة
يعني

http://www.saudalbakr.com

السموحه

[المزوحي]

مرحبا الاسطوري .. هممم الموتر يديد .... بس يمكن مثل ماذكرت على حسب الاستخدام
مع إني اعرف كيف استخدامه نظيف
مثل ماتقولون الرنج في زمرة المواتر اللي تخترب وماتنفع ..
لكن إذا واحد اشتراها .. ومايسوقها إلا 3 مرات في السبوع ومايخاطر بها
وتشيكات دورية .. ماظن تخترب مووول ..

[الجنيه]

الله يسلمك عرفت انه اغلب الالتيمات اتعاني من نفس المشكله .. بنت يرانا وبنت خالتي بعد عندهن التيمات ويعانون من نفس المشكله ...

حتى اني مره كنت في مردف ويت عدالي التيما ويوم ريوس طلع نفس الصوت....

لا حرام ما ببيع موتري ما استغني عنه ... حتى لو خذت الرنج فوج ع قولة بعض الناس ما ببيعها انا احب اشياءاتي

[المزوحي]

شباب ... بنات

منو منكم جرب رنج روفر سبورت / سوبرجارج ؟؟

ابغي رايه من خلال التجربة ؟؟

[أمواعد]

mar7eba shabab madam inah el mow'9oo3 mal el sayarat ana bagoolelkom

1998:http://images.google.com/images?q=tb...6798365102.jpg DH 38000 ((maroon color((mitsubishi lancer coupe
2001:http://images.google.com/images?q=tb...omega-2001.jpg OPEL OMEGA 3.2LTR WHITE COLOR DH 100000
2002:http://images.google.com/images?q=tb...seclipse-2.jpg mitsubishi eclipce red 1989 model DH 13000
2002: http://images.google.com/images?q=tb.../02372764e.jpg mitsubishi galant grey 2001 model DH 21000
2003:mercedes cl 500 2003 model golden DH320000
2004:mazda 6 black 2.3ltr DH78000
2004:bmw 745li 2003 model white color DH230000
2004:jeep cheroki 1998 model maroon color DH 25000
2004:toyota camry 2.4ltr gli white 2004 model DH 71000
2004:honda accord 1997 europe edition grey color DH 11000
2005:range rover vouge 2004 model white color DH215000
2006:range rover sport super charge 2006 model white DH 325000
2006:mercedes cls 350 2006 model white DH 280000
2006:audi a6 3.2 ltr 2006 model grey color DH 189000
2006:audi a8 2006 model white color 4.2 ltr DH 330000
2006:chrysler 300c srt8 2006 model black DH 195000
2006:lexus gs 430 2007 model white DH 209000
and at last
2006:range rover sport hst 2006 model white DH 365000

wooooooooooooooooooooooooooow

SO FROM 1998 TILL THE END OF 2006 I SPET AROUND DH 3015000

[مزن هتان]

راح يكون فيه نيسان VTC 2008
هل راح تكون فيه تغييرات من حيث
الـ body و الا من مواصفاتها من الداخل؟

[إسهر معي ليله]

النيسان بتتغيّر كلياً،، وهالتغيير بيكون في 2008 او 2009

ولـ حد الآن مافي اي صوره للسياره،، بس فيه موضوع
قريته في الجريده عن زيارة بن سليّم لـ مصنع نيســـــان
في اليابان،، وراووه الشكل اليديد،، حسب ما مذكــــــور
في الجريده

والسمووحه

[إسهر معي ليله]

هذا نص من جريدة البيان//

وانضم محمد بن سليم الى كارلوس غصن في قيادة واختبار سيارة
نيسان جي تي آر الجديدة التي ستظهر على حلبات السباق مستقبلا،
ويعتبر محمد بن سليم أول شخص يقود ويختبر السيارة الجديدة.
كما زار مركز نيسان للتصميم مع سايمون سبرولي نائب رئيس
الاتصالات العالمية بشركة نيسان موتور المحدودة. واجتمع لاحقاً
مع كبار أعضاء فريق نيسان للتصميم واطلع على
الجيل الجديد لسيارة نيسان باترول وخطط التعديلات
المزمع تنفيذها على سوق الشرق الاوسط

[مزن هتان]

يعني بـ نص2008 ؟
مشكور EML

[إسهر معي ليله]

مادري والله،، توه 2007 ،، يمكن تنزل على آخر هالسنه
او السنه اليايه.. الله اعلم

[مزن هتان]

ان شاء الله تـنـزل ع نهاية السنه
مشكور أخوي