مــجـــلـــس الـــســـيــارات

[شرجاوي]

كيف وايد مب كامري خخخخخخخخخخ

[تحفه]

يعني مب جنها كامري

[شرجاوي]

اكيد شكلها مب كامري .. بس يوم بتشوفين عليها شعار مواصلات دبي و اجرة الامارات بتعرفين انها كامري خخخخخخخخ

[ذنـيـنـي]

شباب لو خيروكم بين

Z350 أو G35

شو بتختارون؟؟

و ممكن تعطوني فكرة عن سعر الزد وارد امريكا
ربيعي قالي انه اسعارهن في حدود الـ 60 الف, حد عنده فكرة عن الموضوع؟؟

بصراحه أتمنى اني اخذ Z350 احس انها سيارة مصممة لمتعة السواقة,
و احس انها ممتازة من ناحية الابعاد و القياسات و التوازن بين القوة و الحجم

في انتظار آراءكم؟

[المزوحي]

النيسان والانفنتي من نفس الشركة .. لكن لو بخيروني باخذ الزد .. أحس لها سمعتها أكثر وانفنتي حلوة

لكن مب منتشرة ..

نحن كان عدنا الزد الجديم ...







اما بخصوص إنها وارد .. عموما المواتر الوارد أرخص تيك .. لكن عنها ماعرف كم سعرها

اتمنى الاخوان يفيدونك ..

[شرجاوي]

اكثر الزدات مسروقات خخخخخخخخخخ ... الانفنتي احلى

[بحر الموده]

نيسان زد لها باع طويل وشكلها كشخه وسياره قويه تنفع تزويد

اما G35 الشكل الداخلى احلى بوايد عن الزد وعن وارد امريكا فى المعارض وايدات يمكن تحصلها فى العوير قاموو ايبون مدعمات ويصلحونهن هنيه فى الامارات بسعر ارخص .. وعن الاسعار اتمنى انه لى يعرف يفيدك

[شرجاوي]

اسعا الزد بين ال50 و ال70 الف .... و عادي تحصل ب 40 الف

[ذنـيـنـي]

من 50 الى 70 اشوفهن وايد اوكي

يعني معقول جدا السعر

يعني 60 الف + 15 الف كت توربو + 15 الف متفرقات = 90 الف, بعد اوكي ولا شو رايكم

[الاسطوري]

"ذنيني"

أنا رايي من رايك ان الـ Z أفضـل من G35 لأني اشوفها سبورتيـه أكثر
وخاصه انها بدون سيتات خلفيه وشكلها انسيابي من
ورا مع ان الانفنتي حلوه بس مادري
ماتدخل مزاجي لأن
في منها سيدان ومنافسه وايد وخاصه في السعر مع ان الشكل يفرق
شويه ،، وعن الـ Z أنصحك اتييب لك وحده تون من امريكا
بروحـك إذا قدرت أو عن طريـق معـرض
بتطلع لك أرخص من
السوق بوايـد وجاهـزه مايحتاي تركب أي شي وفي حدود 80 إذا مب
أقـل لأن قبل سنـه كانت أسعارهن في حدود 90 وفي
وايد نظاف بس لاتنسى تمر علينا فيها
نشوف مشيها كيف

[شرجاوي]

ارخص كت توربو للزد قيمته 16 الف بدون الشحن .. و يلعن ابو المتفرقات جان ب 15 الف خخخخخ ... الغالي اذا ركبت كت توربو عالزد لازم تشل السيفتي بار اللي عند الراديتر ..

الاسطوري اذا ياب تون من امريكا ب 70 اعطيك قرنتي بان السياره بتكون مسروقه

[ذنـيـنـي]

ولا تزعل يا شرجاوي

20 الف للكت

بيبعلي سهمين و شوي من هني و شوي من هناك

و باخذ المتفرقات بـ 20 غيرها لول

[الاسطوري]

هــــــــــلا ..

"شرجاوي"

أنا يت لي فترة كنت مطيح عند معرض الشارجه إسمه العربية للسيارات
أو شي جيه صاير قريب شارع الامارات في الصناعيه وشغلته
هذا بس اييب وارد ويبيع وطبعا شغله على
المكشوف يدخل مزادات
في امريكا على سيارات تملكها شركات التأميـن ويراويك السيارة قطعـه
قطعه ويخبرك شو فيها مافيها وإذا كانت طايحه في بحر أو
مدعومه ويراويك الضربه أو إذا كانت مسروقه
والشركه عوضت صاحبها
وعقب لقتها تبيعهـا بعد في المزاد وطبعا هالمـزاد يدخلون عليه من كل
الدول وأكثريتهـم للتجارة وطبعا إنت تحط سعـرك وتعطيـه
10% عشان إذا غيرت رايك يروح المبلغ
للتأمين وإذا ماكان لك
نصيب يرد لك المبلـغ فإذا السيارة إنت كنت ناوي تشتريهـا طبعـا بتحـط
سعر اوكيه مب أرخـص من السـوق بوايد وأنت وحظـك
ترسي عليك ولا لأ وهالشي ماشوف
إنه في سرقه ولا إن
السيارة يايبينها بالدسه لأنها مسروقـه ولا غيره يعني كل شي واضـح
وصدقني في بعض السيارات اسعارها خياليه يعني
LS4302004 قبل سنه إنباعت في
المزاد بـ 117 ألف
درهم وضربتها اللهم فـوق التايـر الامامـي والبمبـر يعني تصليحها في
الوكاله أقل من 10000 مع تغيير القطع مب تصليح
وكانت تنباع في المعارض بـ 180
و 190 ألف و
السيارات كل يوم تروح وتيي عندهـم واشكثر ناس ومعارض يتعاملـون
وياهم يعني شغلهم مضمون والريال إسمه عارف جان
مريت عليه هو كويتي ومن زمان شغال
في السيارات ماأظن
لو بتاخذ Z من عنده بتكـون مسروقـه وفيها ألـف عيب ترا كل النـاس
ياخـذون وارد هالايـام مافيها شـي وبعدين خـل الريال
ياخذ سيارة يتهنـى فيهـا ليش
تخرب عليه
:ice:

"ذنيني"

توكل أنا أشجعك لا تيلس تعدل السيارة بروحك كم
شهر وفي النهاية ماتتسجل خلك
وكاله أحسن


الاســـطـــوري
أخوكم

[شرجاوي]

بل ,,, الحين انا اخرب عليه ؟؟؟ في فرق يوم الموتر يكون حلال و لا حرام ... و انت تدري ان حرام تاخذ موتر تعرف انه مسروق ... السعر مب كل شي يا الاسطوري ... راحتك النفسيه اهم من السعر الخيالي اللي بتحصله ...

ذنيني دورلك موتر خليجي احسن و ابعد عن الوارد ... نصيحه من اخوك

[الاسطوري]

الحين أنا قلت له روح خذلك موتر مسروق لأنه أرخص ،،
شكلك ماقريت كلامي ياشرجاوي وأنا قصدي
التون ماينزل عندنا وموجود
برع والسعر أرخص من المعارض وكلامي واضح
للي بيقراه وفيه تفاصيل كامله
والراي رايه