مــجـــلـــس الـــســـيــارات

[الهيثــم]

مرواان الأكورد ، أسعارها واايد غالية ، يعني عندك الـ 4 سلندر رقم واحد جيمتها بـ 105 ألف تقريبا ..
والـ 6 سلندر رقم واحد 120 ألف ، والكوبي بـ 130 ألف ..

وعلى فكرة هااييل كلهم رقم واحد ، بس ما فيهم نفقيشن ، يعني أسعار مبالغ فيها وااايد

وفوق ها ، شكلها من ورااا مول ما يعيبني ..

[مايهزك ريح]

ليش ما ياخذ كاديلاك .. BLS اربعه سلندر وعليها توربو من الوكاله .. وسعرها كان تقريبا 120 !

[الهيثــم]

والله هاي معلومة يديدة .. أعتقد إنه الحين عروضهم واايد قوية بععد
والله يبالنا نشوفها ..

[المزوحي]

خطّاب ... صح كلامه الاف جي على اساس إنها حق بر وسبورت في نفس الوقت ... لا لها ديكور ولاشي والسعر مرتفع

أنا أشوف إذا صالون هوندا أكورد وإذا فورييل باجيرو .. طبعا في حدود المبلغ اللي يبغيه، وإذا خطر على بالي شي

ثاني بخبرك .

[الهيثــم]

ماايد عندك معلومات عن قوتها .. وأدائها ؟

[المزوحي]

بشكل عام اسعار المواتر مقارنة بمواصفاتها مبالغ فيها، إذا سرت عند مرسيدس مثلا ، خذ أقل فئة وبدون مواصفات،

بتقول باخذ ياباني فل أوبشن ..

[الهيثــم]

صح كلااامك ... بس مرات اتحس إنه في سيارات تسوى هالسعر وفي سيارات ما تسوى

[المزوحي]

الله يوفقكم في الاختيار

[الهيثــم]

آمين يا رب ...

[شرجاوي]

برد عن ما يهزك ريح ..

على فكره تراها سويديه .. 90 % منها ساب

خذتها مره تست درايف من الوكاله ... 200 حصان .. خط يابت 230 و شوي .. ثابته .. عزل الصوت حلو .. مكينتها صغيره و عالسرعات العاليه هاديه ما تسمع حنتها ..

[الهيثــم]

^ تنصحنا فيها ولا ؟

[شرجاوي]

^ تنصحنا فيها ولا ؟

سيروا و جربوا السياره عندهم .. يمكن ما تعيبكم .. بس انا عيبتني .. لاني احب السيارات الصغيره

[المزوحي]

خطّاب فكر بــ سزوكي

جراند فيتارا

[الهيثــم]

أخووي خقاق ، يقول ما با سوزوكي .. مع إنه أحيد قبل فترة أبوي قاله خذلك فيتارا ، تنفع حق البرور ..

[المزوحي]

لا مب مشكلة، على هواه، بس مجرد اقتراح .. يمكن ماطرت على بالكم بس .