يالله ألحقوا .. شو بتفصلون - تشترون ومن وين ؟

[الـيـاه]

هيه اصلن حق الاعياد ماينفع ألا عند مواطنات ..

[تحفه]

هيه انا عند نوره مسويه عبي الجامعه

احلى شي عندها ان تفصيلها ظابط وعبي الاعراس

[تحفه]

انتوا سايرين لها الصبح؟ يت لكم؟

هي ما تكون موجوده الا بعد المغرب .. ونا افضل هالوقت لانها نادرا ما تنشاف الصبح .. وصراحه العبي احلى بوايد يوم هي تلبسهم وتراويكم

[الـيـاه]

لا انا سرتلها قولي ع الساعه 5 ونص ست اذن المغرب وانا هناك ..
هيه شي عباه ما تقبلتها وايـد يوم راوتني الفلبينيه مالها

لكن يوم هي لبستها وشفتها عليها .. طلعت جـنااااان ^_^

[تحفه]

هي العبي تظهر غير يوم تلبسها هي ..

[تحفه]

الياه .. سيري عند مها الي ورا بيت قوم بن حيدر .. مزهر 2 شغلها piece of art
وشي وحده اسمها جواهر في مزهر بعد .. بس شغلها مش شرات مها .. وجواهر وايد تاخذ لين ما تخلص العبي لانها بنفسها وي وحده انجليزيه يقولون تشتغل عليهم

[شمعة أمل]

مها احيدها في الراشديه مب مزهر =s

بس رفعت اسعار عبيها .. كانت 900 بس الحينه 1200

لكن عبيها وايد وايد حلوه ..

[الـيـاه]

بوظبي
بسأل عنها ما جد سويت عندها

شمعة امل
بس ارخص بوايد .. نوره الهاشمي مسوتلي العباه بـ 2500

[مايهزك ريح]

بنات .. داش الموضوع عرض ..
اقول الأهل مسوين جلابيات حق ثاني العيد .. عند وحده هندية في الشارجة ..
بحط اللنك .. وطالعوا يمكن ايعيبكم ..

http://www.beenascollection.com/



وعن تزهيبات العيد .. خلصت الكنادير .. وخذت نعال عند ميلانو .. يوم بفضى بصور لكم ..
وشكلي يمكن ما بلبسهم .. لأني يمكن اسافر أول يوم عيد

[المزوحي]

ماشاء الله قايم سوقهن المواطنات .. الاهل مجربين عند مها أونه في ند الحمر بيتهم ..

مايهزك ريح وين معزم الطيب ؟

[مايهزك ريح]

مرحبا المزوحي ..افكر اسير سنغافورة .. شو رايك

[المزوحي]

والله سنغافورة بلاد روعة ونظيفة وجميلة انا زرتها تقريبا من 14 سنة

بس غالية ..

[مايهزك ريح]

يالس ادور حجز في الريجنسي او ماريتس ماندارين اللي في شارع الأوركيد .. اي واحد احصله .. بسير .. وعن غالية .. مب مشكله كلها اربعة ايام ورادين .. ان شاء الله

[المزوحي]

خلاص دام إنه 4 أيام سير انبسط هناك ولاتبالي ...

[المزوحي]

وشوف هالموقع الفنادق اللي عندهم

[web]http://www.asiarooms.com/singapore/singapore.html[/web]