يالله ألحقوا .. شو بتفصلون - تشترون ومن وين ؟

[المزوحي]

ماشاء الله مبروك ...

الله يهنيج فيهم ...

[الـيـاه]

البارحـه اوني سرت ويا امي نشتري سوع حق العـيد
وشتريت هالشوبارد الذهبيه ( والعنابيه من زمان عندي )

المهم

اليوم كان عنا عزيمه جان البسها < اي حق العـيد انا محد يشتريلي شي قبل المناسبه
اشتري شي اليوم الثاني على طول البسه وباجر بلبسها حق الدوام هههه



.
.
.

[المزوحي]

مـــبروك عليج الساعه .. لبستيها حق مناسبة زين خليها حق العيد

ليش بعد حق الدوام

[الـيـاه]

المزوحي
لان خلاص ملبسوه لول شافوها قبل العـيد ..

[مــهــابه]

مــاشاء الله العرب مســتعدين

انــا للحين مازهــبت شي

[تحفه]

ولا انا

[تحفه]

بس صممت حق ربيعاتي عبي حق العيد ..

ما افكر اعيّد هالعيد .. ماحس بجو اعياد ..

[المزوحي]

ليش بوظبي ... ليش يعني مب جو عيد

فــــي شـــي

[طير الحب]

بوظبي...تعرفين يتنا فترة عقب ما توفت يدوه الله يرحمها هالشيء أكثر من سبع سنوات ما قمنا نحس بحلاوة العيد وكله نقول العيد لليهال...بس ترى مب زين الواحد يحط بباله انه ما بيعيد هذا يوم خصصها الله للمسلمين يفرحون فيه فلازم نفرح ونعيد نصلي صلاة العيد ونزور الأرحام...تعرفين أنا من عرست رد لي الأحساس بحلاوة العيد قمت احب انش من وقت والبس والبس عبادي من الصبح قبل لا يرد ابوه من المصلى....حتى تحسين البيت غير ريحة العود مال العيد تكون مميزة...فبيتنا ريحة عود ابويه يوم نشمه نتذكر العيد نقول هاي ريحة العيد...يلا يا حلوة استانسي رمضان ياي وخلنا نعيشه بكل طقوسه الجميع...الواحد كم بيعيش عشان يضيع هاللحظات.

[المزوحي]

صدقها طير الحب

نحس مرات بملل العيد وخاصة عقب الغدا اول يووم لكن نحن من نحبب نفسنا

يعني عيدنا ونسوي جيه

[طير الحب]

المزوحي صدقك ينتهي العيد عقب الغدا...انا احب اسافر ثاني يوم العيد او نطلع رحلة عيد الفطر الي طاف سرينا البحرين عقب ما سلمنا على الاهل...توني اقترح على بوعبادي اذا كانت الاجازة اسبوع نسافر دومنا نروح بالسياره دول الخليج ربشه هالشيء تعلمته ببيت اهلي.

[المزوحي]

طير الحب صح كلامج .. حلو جيه من عقب ماتسلمين على الأهل طبعا ..

[طير الحب]

أكيد اهم شيء في العيد التواصل بين الأرحام

[تحفه]

انا قوم بابا من توفى يدي عيدهم صار بايخ .. قبل كان يدي يسوي جو .. الله يرحمه يا ربي
وقوم ماما من يدوتي مرضت صار العيد مب شي

بس مادري انا من كنت صغيره ماكنت وايد استانس عالعيد .. يمكن لاني يوم كنت صغيره دوم مريضه وفي المستشفى فماعندي ذكريات لووووول .. بس لا صدق .. وايد حشره وازعاج .. وكله دخون ونا الدخون والريحه تعورلي عيوني .. من كنت صغيره انش بعد الظهر .. بعدين اتغدى وبعدين اتلبس واسير عند بيت يدوه ام بابا .. بعدين انسير عند يدوتي ام ماما .. يعني العيد عادي عندي .. ماعدا اني ازور اهلي

[المزوحي]

بوظبي لمة الأهل غير وإذا كنتي متعودة تزورين فلان وتوفى بيكون غير أكيد
لكن ما تحسين بطعم العيد ... !! همممم
ماقدر أقول .. غير إنه هذا عيد المسلمين حاولي تحتفلين به
تكونين مبسوطة فيه ..

المهم

اي شي بتشترينه صوريه ولاتحترمينا من صورج في الموضوع