يالله ألحقوا .. شو بتفصلون - تشترون ومن وين ؟

[ابن الخطاب]

بسم الله الرحمن الرحيم

نسيتك :

إذا غترة حمرة عليك بال ( دنهل ) ... أروع غترة لبستها لين ألحين ...

وإذا تبا بيض ... سعرهن مناسب وغتر على مزاجك ... كنت سابقا آخذ ( أوسكار ) و ( بروجييه ) والأخيرة من أفضل الغتر .

أما الغالي فدنهل.

[ابن الخطاب]

بسم الله الرحمن الرحيم

أشوف الجماعة طايحين في الكنادير والغتر والنعله ...

محد فيكم رمس عن العطور ...!

يالله أنا برمس ...

رحت الياس للعطور:

خذت أنواع عطور ... بخاخ : الورد الطائفي (طبعا أرخص من عبدالصمد القرشي) ، وعود خاص .

جربوا ترشون العود الخاص أول بادي ، وخلاف الورد الطائفي عليه.

تحذير : العود الخاص يبقع على الكنادير الملونه .

العطور المركزة (المخلط) : مخلط بوخليفة ، الشيخة فاطمة ، وعبدالعزيز .

واللي يحب دهن العود ، عليه بالدهن العود الهندي ، يديد توه ميوب من المخزن وبعده حار ، التولة بــ 7000 .

أما بالنسبة لعبدالصمد القرشي :

مخلط الجوهرة ، خلطة القرشي ، خلطة المقام ، والورد الطائفي (مركز) النخب الأول أو على حسب ما يسمونه (نخب العروس) .

طبعا أسعار العطور المركزة والمخلط ، في حدود من 1000 إلى 3500 درهم للتولة ، إلا المقام في حدود ال350 درهم وايي أظن ثلاث تولات.

أما البخاخ ، الورد الطائفي 180 ، والعود الخاص أظن ب250 ما أذكر بالضبط .

طبعا صاحبكم مجنون عطور عربية :)

[المزوحي]

نسيتك ... بالنسبة للغتر سيري عند المشير شي غتره بدون تطريز ( سادة ) بعشرين درهم ونفسهن وبنفس السعر في صحارى .. خياط المسرور .. صوب محل الايسكريم .. هاذيل زينات ..
لانه الغتر اللي بـسبعين واسمها ديور وخربطان مب شي ...

بالنسبة للكابات ..شي محل ي وافي يبيع كابات لكن عليهن صور مادري كيف .. وشي كابات مال الرياضة مثل نايم وأديداس ومحلات الرياضة موجودة في مركز ...

وحمر عين يبيع بعد كابات ... وشي الماركات الغالية على 800 وفوق ...

[المزوحي]

ابن الخطاب :mar7aba: اما انا ماحب العطور العربية ... أفضل عطر فرنسي يعني بخاخ من المحلات .. ووو دهن العود آخذه من الهند ( أجمل ) سيوفي .... وأحيانا قديم ..

بالنسبة للعطور الفرنسية .. ألور من شانيل ريحته خبال وشي عطر بلغاري غرشتة مدورة بلون أخضر غامج .. وشي عطر بولو من رالف لورين ( الغرشة زرقاء )

[شجن الروح]

الناس عندهم رمضان وعيد وانا خبر خير .. مشغولة في النقل من دبي لابوظبي

وناسيه كل شي

[المزوحي]

شجن الروح .. الله يوفقج ويسهل عليج ... وعقب ترجعين تحطينا لنا صور ..

[طير الغرام]

الصـراحه شي موديل عجييب للكنادير ما أدري جي أييك جيب وع الجيب 3 كسرات ما ادري كـيف شرات كندوورة الوسمي :hist: ,, الصراحه كـنادير الوسمي عجيبه أتحسه أنسان كشييخ حتى غـتره وخخخ ,,

:ice:

شــرات اللاب كوت مالي
فصلتلي ختم ،، وعند المخبا سويت جيه ،،

.
.

موضوعك حلو أخويه المزوحي ومثل مايقولون ضربت عصفورين بحجر>> ارمضان و العيد
احنا الدوامات والحينه يالله يالله انخلص ،، والعيد بعدنا ما اتفرغنا له

بس ارمضان فصلتليه كمن كندوره

وإن شاءالله لنا عوده ^_^

[المزوحي]

طير الغرام نبغي عودتج بصور ... سواء بتشرون حق رمضان .. أو حتى خلاف للعيد

[طير الغرام]

إن شاءالله ^_^

[تحفه]

اولت البارحه شفت ولد خالي .. كان لابس غتره وايد حلوه وشيك ,, واخويه من فتره كان يسوي حركه عجيبه يوم يتعصم .. يلبس غترتين ويظهر الشكل النهائي عجييييييببب

جان اقول في خاطري .. والله الاولاد قام يصير عندهم سوالف ..

تدرون انا من فتره بشو كنت افكر ..

اقول ليش قوم قوجي ما قوجي ما يسوون وزره حق الشباب!! ويحطون شعارهم تحت وين النقشه عشان اونه يوم الريال يبي يستعرض ترا انا كشيخ اليوم يرفع من كندورته اونه منفعل في القعده وطبعا كما هوا معروف الشباب ينتبهون على ادنى جفسه ..


جان ما اسويلي انا من روحي تجاره وارفع الاسعار . .

ترا وايد اغبيا عندنا

[قلوب دبي]

هههههه ظحكتيني بوظبي وزره قوجي خخخخخ ..
تبين الصدق ما في احسن من وزره بمبي قوم هريس و ربعه .. P:

الله يسلمكم انا للحينه ما فصلت ولا شياته ..
لكن العربي الممتاز مستحيل اتعامل معاه لانه اولا اسلوب ما عنده اللي يشتغل و شايف نفسه عالفاضي ويوم تبا اتكاسره ما يسويلك سالفه ، ولا يبا الفلوس اول انزين ليش اتشوف الناس حراميه عندك ..
من بعد الظرابه ويالعربي الممتاز ..
رجعت لخياطي الجديم اللي عند العبره في السوق الجديم الا و هو الخياط الوطني ..
خياطته وايد زينه ويكفي اسلوبه في التعامل ، وثاني شيء من أجدم الخياييط في دبي ..
وبالنسبه لأرمضان فصلت كندورتين بيخلصن عقب اسبوعين ..

[المزوحي]

بوظبي ... عادي بيسوون ...

وعلى طاري الغتر .. في غتر بيض وفيهن تطريز خفيف بلون بني مثلا او ماروني او اي لون ثاني

حلوة للعصامه ..

قلوب دبي .. الخياط الوطني أظن تابع لحنبل المدني .. وجبل عرفات والمدني خياييط معروفين ..

شو رايك بالدبلوماسي .. حد مجرب عنده .. أشوف قام يفتح له كم من فرع .. لكن ماتشد جربت

[المزوحي]

وين خياط التلال هذا ؟؟

[مجموعة إنسان]

اوووووووووه
الكل قااام يفصل للعييييد وانا خبر خييييييير
صح ليييش افصل وانا يوم العيد المسا مساااافر ..
خلني اخذ بدل احسن !! هع

البارحة ساير الجامعه الصبح ودوامي من الساعه 8 ليييييييييين الساعه 4 العصر ..
وانا ساااير الجامعه واشرب كوفي ليش ما يطلع موتر قدامي وامسك برييييييييييييييييييييك
ويصب الكوفي نصه على الكندوووره ..
تمييييييت لييين 4 العص بنفس الكندوووره ..
الحيااة حلوة والله
ساااير جامعه انا مب عرس عسب اكشخ ..
اللا مجااابل ربعي والمدرسييين !!

[شوق القلوب]

هواجيــــس...

صدق انـــك كووووول...
لو منـــك.. والله لطنش دوامي كله بس بسبة هاللي صار.. !! P: