يالله ألحقوا .. شو بتفصلون - تشترون ومن وين ؟

[تنينه]

كشششخه والله لـو أتحطون الصوره لوول , دووم تعيبني الكنادير والغتر وخخخ ,,

أمس أخواني يايبين كنايرهم من الخيااط عـسب المدارس ,, أنـا يالسه ,اجوفهم وأتـأمل فيهم وخخ ,,


الصـراحه شي موديل عجييب للكنادير ما أدري جي أييك جيب وع الجيب 3 كسرات ما ادري كـيف شرات كندوورة الوسمي :hist: ,, الصراحه كـنادير الوسمي عجيبه أتحسه أنسان كشييخ حتى غـتره وخخخ ,,


انزين وشـسمه نتريا الصور ,, لو تبوونه أنـصور زهـبة الشبيبه أللي عندنا حااضرين :ice:

[ابن الخطاب]

بسم الله الرحمن الرحيم

المزوحي :

أخوي يروح للعربي الممتاز قبل العيد بثلاثة أيام ويفصله ... :)

شو رايك ...؟

[المزوحي]

الشين وفركوشه بلااااكم مشتطين ومبسوطين على الصور ... ترى الموضوع لكم بعد .. شو تاخذونه حق العيد من عطور وغيره حطوووه

[المزوحي]

انامل شكرا .. ويبلغ رمضان وانت بخير

[المزوحي]

تنينه صوري كنادير أخوانج .. همم هيه المخابي بو كسرات أعرفهن ... العربي الممتاز يفصل منهن ..

[المزوحي]

ابن الخطاب اخوك كلام كبير

[راعي الزعـامه]

هاي كناديري و غترة بعد ماخذنها ،،

[مجموعة إنسان]

المدني زيين لكنادير كويتيه .. بس العربيه مب ليين هنااك
..
العربي العكس ..

انا فصلت كنادير للعيد ورمضان والأجازه وعيد الأضحى وو عغرس اخووي ..
كله مره وحده لأن زيين مني سرت وفصلت .. .. عندي العربي ..
قالي تعاال على اخر 10 .. بس خله بسير قبل العيييد ..

والنعل(عزكم الله ) احسن شي فااارس وو المندووس ..
لأن البيشوتي وانطونيو مب للبس في اي مكاان
لو كرفتها تتقطه بسرعه
انا اكثر شي صناادل الله يخل بانكوك والسعودية ..
كل ما اعرف واحد من الأهل سااير لازم نوصييه على نعل ..

[راعي الزعـامه]

ابا اسير السعوديه اخذلي غتر brgll:
اللي بيسير يخبرني عشان نتمصلح وياه :daleel:

[دمعة شوق]

السـلام عليـكم

ماشاءالله موضوع غاوي

الموهيـم اممم بعدنيه مب ذاك الزود تزهبت للعيد
بس فـصلت على الاقـل كمن كنـدوره
؛
فصـلت شرات هـالمـوديــل

وايد عيبنـيه جيه كله يتـلالـى
فـ اخترته
::

وهـذا الموديل الثانيـه

هـاي عيبتـنيـه موديل يديد
فـ فصلت وحده
:ice:
؛؛
وفـصلت بعد وحده تــلي بس ماصورتها يوم بتزهب بصورها / وإن شاءالله بسير وبفصل أليه وحده لأول يـوم
جيه طبـعـه محـتـرمه

صـح على طاري الخياييط هبـي هباهم الرب حشى انا فصلت بس هذيلا للعيد
وقاليـه بيزهـبن قبل العيـد بأسبـوع ؛ وكنادير خواتيه 10 \ 10
يعني اللي مب مفصـل للحيـن يروح ويفصـل ؛ عقب مايفصـلون

؛؛؛
انـزيييين وهذي للكنــاديـــر ؛ وإن شاءالله عقـب عاده باخذليه قطع للتنانيـر
وبسير افصلهـن ؛ أو باخذليه جاهزات ؛ والنعول * عزكم الله * بعدنيـه ماخـذت
واخذ على حسـب من ميلانـو آكثر شـي لأنه اغلبيتهن بدون كعب ومريحـات * مااداني الكعب *
؛؛
والـعـطور الحمدالله افتـكيـت امسـات خويـه يايبـليه عطور من البحـريـن
وغاويات * بصورهـن عقب إن شاءالله *
بـس باخذليه دهـن عـود إن شاءاالله
؛؛

ووعبـاه وشيله للعيـد إن شاءالله عقـب بفصـل * يوم بتفيـج *

؛؛

شكــرا ً يالمزوحي على هالموضوع
ويعطيك العافيـه ؛ والسموحه منـك

[فركوشه]

احم انا فصلت مخورتين.. بس بعدني ما ظهرتهم..

وبعدني ما شريت شي حق العيد.. اول شي خل اخلص تزهيبات الدوام.. :)

[المزوحي]

عاشق القلم كناديرك حلوة ومرتبة ويعبني اللون الأبيض أكثر ... وكلهن حلوات العربية والكويتية


هواجيس مشتاق في شباب كله ياخذون من بانكوك .. :harhar1:

دمعة شوق مشكورة على المشاركة ... خلي البنات يستفيدون وياخذون أفكااار

فركوشه .. تعالي كل يوم :kcl: نترياااج

[تنينه]

ايوااا يعني الموضوع حـق لبس العيد للبنات والاولاد وأنا أتحسب للأولاد بـس وخخخ ,,


يمكن أتكون لنا رجعه ^^

[المزوحي]

تنينه .. للبنات والاولاد وحتى إذا حد بيشتري شي حق رمضان يحطه

[جيز كيك سنيكرز]

السلام عليكم ...

شباب وشابات بالنسبه للغتر شو احسن انواع الغتر اقصد اساميهن
والكابات ااذا ممكن انعتوني على محلات كابات فنانه

والسموحه منك ياصاحب الموضوع