يالله ألحقوا .. شو بتفصلون - تشترون ومن وين ؟

[قصايد غلا]

شي محلات ثياب اليهال في برجمان ، ثيابهم و أسعارهم حلوة
بس الأسبوع اللي طاف سرت ويا بنت خالوه عشان نطالع شي حق عيالها بس ما كان عندهم شي حلو
يمكن هالأيام يابوا شي غاوي لأنه بنت خالوه وبنت عموه ضاريات يشترن من عندهم

بس بربري هالأيام ثيابه سقم مب شي ، أنا تعيبني بدل أرمانـــي حق الأولاد واااااااايد حلوات بدلهم

[طير الحب]

بوظبي مب مسألة انه الواحد يلبس كشخه بشيء غالي وايد ناس يصرفون صرف على لبسهم بس ما عندهم ذوق...وأنا انسانه معتدلة ومن وجهه نظري ذوقي راقي واحب البسطاه ما احب الدفاشه

[قصايد غلا]

انزين قولوا لي : ويــــــــن بلقى شي غاوي (لي أنـــا) ؟؟؟
لأنه كل ما سرت مكان تلوع جبدي من هالطراطير المعروضه (يا أنا ما يعيبني ، أو أميــه تقول لي هذا مب غاوي)

لو سمحتوا خبروني عن اللي شفتوه وحسيتوا به غاوي وينفع حق العيـــد"نعله ، شنط ، سكارفات ، بدل..... إلخ" (أبا أسامي المحلات وأماكنهم ) عل وعسى أقتنع بشي ...

[المزوحي]

شمعة أمل مشكورة ... خلنا نشووف

[شمعة أمل]

قصايد غلا
مافي شي بصراحه في المحلات هالايام.. انا سرت الويك اند الى طاف وماحصلت شي .. واليوم ان شاء الله بسير وبجووف

بس مافي شي يشجع حق العيد .. احس كل الاشيا عاديه ومال اي كلام..


المزوحي
العفو

[المزوحي]

قصايد غلا المحلات اللي في برجمان فوق في القسم اليديد .. سرنا لهم .. عندج ايلفين شي اسمه المحل في الكورنر مب شي بالمره ... وشي جيس .. وشي بامبكن باتش بعد ماعيبني شي عندهم ولا آدمز ..
وفي محلين مب على مستوى ..

أرماني .. ؟؟ يعني يبالنا نسير ميركاتو

قصايد غلا .. شو الاسعار اللي تبينها غالية وإلا رخيصة ؟؟

إذا الغالي عندج شارع المكتوم بوجاتي .. الشارع الي وراء ..

وإذا شي عااادي .. ماعرف لكن يمكن تلقين .. في مكس ... أو عندج ميغا مول في الشارجة شوفي

[تحفه]

انا ماقمت اشتري الا من برجمان و امرتس مول ووافي والغرير ,, فيعني مافي داعي تفترون في كل المراكز .. هالمراكز تكفي وتزيد

وسويت لي ثلاث عبي من هالمحل البحريني الي في بالمسترب

[المزوحي]

بوظبي ....

ونعالج وانت بكرامه ؟؟ من وين

[تحفه]

!؟!نعم!؟!

[المزوحي]

شو قلت ثرني انا .. ترى الموضوع شو بتفصلون وتشترون وألريدي الناس تكتب شو سوت وبالصور

الله يهداج بس

تخوفين

[قصايد غلا]

الأسعار مب مهمه ، المهم "اللبس" أبــا شي غاوي

شمعة أمــل لو لقيتي شي حلو خبريني

وأنا بسير إمرتس مول باجر إن شا الله

سرت ميقا مول بس ما عندهم شي حلو مووو ووول ...

[المزوحي]

قصايد غلا يمكن السوق جيه بشكل عام ... أكيد مايستوي تفصلين الحين ؟؟

[شمعة أمل]

^
اذا هي تبا كنادير مابتقدر تفصل الحين .. نحن من الصيف مفصلين وتوه الخياط البارحه يا بيتنا وياب الكنادير =s

احس الاشيا الى نازله في السوق ياااا الواان غااااااااااامجه .. ولا من هالألوان القحط بالقو والقماش ماله قحط .. ولا ألوان هاااااااااديه

في اشيا حلوه .. ماقول لا.. بس مافي شي للعيد >_<

انا من متى وادور شي في كرستال عشان اولريدي اشتريت النعال .. كنت ارمس ربيعتي من فتره وكنت اقوللها شكلي في الأخير بلبس فستان لو ماحصلت بدله محترمهp=


عندي كلاس برب

[قصايد غلا]

إذا على الكنادير عااااادي تراني مسويه مغربيات ناااعمات في دبي ومسويه مخاوير في العين وبوظبي ودبي ===> بس أعرف عمري بخلّيهن حق الضحى والظهر

بس لاااااازم أشتري بدل ، والنعله (عزكم الله) قالت لي بنت خالوه: أسير الريف مول لأنها شايفة نعله (عزكم الله) غاويه بالكريستال

وأميــه ماخذه لي شنطه صغيرونه ناعمه من تاناغرا ، وأمس خذت عود وعطور عربية ودهن عود
بس باجي لي العطور الفرنسيه==> يا بسير المطار(سوق الحرة) أو تاناغرا لأنه باريس غاليري ما ينشهى في رمضان في الليل من الزحمه


أقول حق أميه : شكلي بس باخذ سكارفات ونعله(وانتوا بكرامه) وشنط

لي عودة بعد العودة من إمرتس مول اليوم إن شا الله ...

[المزوحي]

شمعة أمل يمكن السوق مافيه شي ويمكن الاشياء متكرره ...

قصايد غلا .. تبين عطور فرنسية خذي من جاشنمال .. انا اسير اللي في وافي