أبغي حل بخصوص المواصلات !

[المزوحي]

يمكن تتحروني امزح ... بس انا جاد .. لكن مب في الزواج :hist: بموضوع ثاني ...
مب خليفة :hist: :hist: ويايه عل الخط انتوا ؟؟؟ :kkk: هممم

الصراحة الصراحة .... تعبت من سواقة السيارة ومن غير الزحمة والأرف والناس اللي صايرة ماعندها أخلاق كان مواطن وإلا غيره .. حرمه وإلا ريال .. لازم كل يوم اتضارب مع حد ..

تخافون إني أنا مافيّه اخلاق .. !! :shock: لا ...
يوم تحترمهم وتضرب إشارة يدعسون على البنزين عسب مايعطونك درب ... عيب عليهم
السواقة ذوووق .. لكن بهالطريقة أكثر يسوون عرقلة ومن غير ما الشوارع بيوسعونها ..
بتقولون انته مب دريووول ...

حتى يوم تحط لك ( دريول ) يطفح ويتم يجس بريكات ... وتغصص من سواقته ..
بس صدق اليوم فكرت بإنه حد يوصلني دوامي .. وانا أقولكم اللي بيوافق أعطيه شهريا 500 درهم بدل مواصلات ... :harhar1: هاااا شو قلتوا ؟؟؟

وإذا محتجين .. دوروا لي دريول .. حق الدوام بس .. او عطوني حل ... مليت والله مليت ...

حتى قلت بسير في باص المواصلات يوصل اسرع .. برايه بتحمل الهنووود :narr:

أدري بكم بتطيحون تعليقات .. لكن بسمع آرائكم

[الحساس]

الله يعينك...

الحمدالله ان جهة دوامي عكس تيار الزحمه الصبح والظهر...

بس بقولك شي..

روق بالك.. وافتح الراديو واسمه اغاني ولا قران ولا اناشيد اي شي المهم.. اشغل نفسك لين توصل البيت..

وماشي حل ثاني مول

وودمت سالم..

[المزوحي]

الحساس .. تراني أجلب القنوات من نور دبي لين الخليجية لين إذاعة الشارجة ...
وأقول استهدى بربك .. بس والله يقهرووون في السواقة .... كم يغلطون عليك
اوكي طولت بالي .. مره ومرتين وثلاث ...
لكن مب من تطلع من البيت ... وانته تكلم عمرك ..
حتى في الفريج يجاوزونك بطريقة جاهلة ... لو كنت واصل جريب الدوار ماتوعى إلا واحد دخل ..
كانهم في حلبة سبااااق ..
مشكور الحساس ..

[الاسطوري]

عن المواصلات شوف انا بوصلك يوم هيه ويوم لأ عشان أريح أعصابي
من الزحمه لعقب يومين بس 500 شويه حراق الأعصاب
بروحه يسوى أكثــر وصدقني زحمــة دبي
مايبالها إلا دراجــه وشوف الهنود
يوم يمرون عليك وانت
واقف وبتتأكد

[ولد الشحوح]

ارضى بالواقع ... والله يعينك

[المزوحي]

الاسطوري .. زين بين يوم وترك .. اليوم اللي عقبه بشوف حد ثاني ...

ولد الشحوح ... ياليت زحمة بنسكت .. لكن زحمة وكل واحد يالله نفسي

[الشوق]

المزوحي ..
هيههي اكتب موضوع اعلان في الجريده في جلف نيوز وحدد الراتب
وبتحصل ادريوليه بالهبل ...
.
.
عيل لو شفت اللي صارلي اليوم صدق يقهر :narr:
كنت راده من العياده اقولك كنت طالعه من شارع فرعي ... على شارع رئيسي
وكان شي مسافه بيني وبين الهندي اللي يسوق الباص ..
اتخيل قمتطلعت من الشارع كون ان شي مسافه واروم اطلع
الا .....فجأه اشووف الاخ يالس ويجدم:shock: وانا اهرنله عسب يوقف وشكله احول:puppyeyes: ما يشوووف ولا يسمع .. وجيه ما يدوس ويدعمني :cop:
وانا جذي صرت :narr:
مقهوووووره صدق انقهرت :shock:
من الصبح يالسه اهرنله واهوووو يا غافلين لكم الله :nono:
.. الحبيب امشغل المسجل وامعلي ع الصوت وشالنه الهوى الهندي ..
نزلت اجيك الضربه اللي يت ع سيارتي ..
جان اقوووله شو انت مااتشوووف
ولا بعد يالس في السياره ما يسمع ( من الطرب اللي وياه )
جان ينزل وانا مقهووووره حيل وهو ( سوري سوري ) وين اصرفها هذي السوري
والله كان خاطرررررررررررررررري احط حرتي فيه ..
بس قلت يا شوق هدي هدي ..
.
.
قتله لازم ما بتسمع الناس اتهرن يوم انك امشغل امسجل وامعلي عليه الين هالدرجه
في النهايه ..
ودرته وطلعت لان الضربه يت على باصه اكثر من سيارتي ..
صح اشويه صبغ طارن من السياره
بس الحمدلله يت سليمه
.
.
وقولوليلي الحمدلله على سلامتج يالشوق

[جيز كيك سنيكرز]

السلام عليكم ...

يوم بتركب السياره سم بسم الله وقول دعاء ركوب السياره

الزحمة تزيد لان كل حد يقول يالله نفسي

اذا كنت ضارب اشاره وما عطوك مجال تمر لاتفكر انهم مايبغون يعطونك مجال على شان تمر عطهم اعذار يعني نحن مانعرف كيف حالة الناس ((يمكن تعبان منهد حيله يبغي يرجع البيت ويرقد... يمكن معصب ومتضايق من شي ... يمكن ماشافك .. يمكن حرمته موصل وبتربي يمكن حد من عياله مريض ..))جي انت بترتاح

من تجربه يوم بتعطي حد درب وين ماكنت الزحمة اللي مضيجتبك هذي مابتحسبها يوم بتسهل على غيرك سبحان الله الله يسهلها عليك
زحمة الشارجه فضيعه زحمة دبي ارحم ..سهلها لغيرك الله يسهلها عليك

السمـــوحـه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ

الشوق

الحمد لله على السلامه وماتشوفين شر ان شاء الله

[المزوحي]

الشوق الحمدلله على السلامة .. بس الهنود كله يخلون عمارهم مايشوفون حتى يوم تديمين نفس الشي .. مرات ايتمون على اليو تيرن .. يوم توصلين جريب يطلعون ...

[المزوحي]

يالله على زحمة الشارجة ( مانسيتك ) الله يعينا
اعطيهم اعذار .. لكن اليوم واحد من اقصى اليسار لين اليمين كان بيشلني وبدون إشارة
يعني فاجأني ... ويتكلم في الموبايل ..

[ألـم]

الله يعـــينكم ..
ويعيــنا يوم بنـســوق ســياره أن شاء الله يـكــثرون من الشوارع عسب ما أتغصص ..
في هالزمن كل واحد يباله شــارع ألـه بــروحه بــس ..
قدر ومكتوب ولازم ترضابه يالمزوحـي ..
والله كريــم ..

[المزوحي]

ألم .. قبل كنا نقول نبغي نسوووق ومستعيلين .. والله أرف .. ودنا حد يودينا وإيبنا

[صدى جوفي]

روق بالك.. وافتح الراديو واسمه اغاني ولا قران ولا اناشيد اي شي المهم.. اشغل نفسك لين توصل البيت..

شـاريـة شريط أنــاشيد يديد .. بخاطري أتم أسوق بس عسب أسمعـه brgll: :ice: ..برايها الزحمة .. لحتى الحين قبل دوامات المدارس.. الزحمة لـ دوامي بس تكون عـ دوارين ومن عقبها الطريق سالكـ مــا يندرى عقب كيف

لأنكـ مو مجرب مذلـة اللي يوديكـ واييبكـ تبى ســايق .. خذلكـ ســايق وعقب شوف اذا صدق محتاي حد يسوق بكـ أو روحكـ اللي بتسوق......:kkk:

وعلى طاري الهنود .. يبــالهم قوانين تصلبهم.. أول ما تصير الاشارة خضرة ايدهم علهرن الدنيـا ما بتطير.. وأي سيـارة ما تعطي مجال نجـاوز أكيد سيــارة هنود .. نفوسهم ××××× !!!

[شرجاوي]

شوف المزوحي ... لا تسوي سالفه ل حد ... لف عليهم و لاتعبرهم .. انا فالشارجه و اداوم ف دبي .. اوصل الدوام ف ربع ساعه بالضبط ... اذا حد هرن لي و تم يديم اطلع له ايدي و اقول له روح روح ... اما انك بتمشي ف سيدك و و بتضرب اشاره كل ما تبا تلف هالكلام ما يمشي

[المزوحي]

صدى جوفي .. الهنود يوم تضربين لهم إشارة ماعيطونج درب .. وإذا هم بغوا الدرب يلفون عليج ..
وكلهم الحين مايعطون درب الهنود والمواطنين والزلمات