أبغي حل بخصوص المواصلات !

[المزوحي]

شرجاوي .. أمس ضربت إشارة .. من شافني حضرة المواطن المحترم دعس عسب ما آخذ الدرب
فتحت له الدريشة وقلت له مافيك صبر
هو طبعا ماعيبه ... تم يديم ومتنرفز .. ولف عليه وخذ اليسار .. خليته يولي وسرت عنه سيده وهو تم وراء
لكن مايسوى حرقة اعصاااب

[تحفه]

^ انا اكررررره النااااااس الي جيييييه يا ربيييييييييييه .. مول ما اصبر عليهم عادي اطفرهم خاصه اذا ياكم واحد ملتعن

[الـيـاه]

أنـا ما ينرفزونـي ألا التكاسي ( الله يغربل التكاسي ) بس مب كلهم لول !

دريولنا ها يديد أول مايبناه كان هادي ومسالم
بس عقب - استخف - و يـنّ ؟
وقام يطير لدرجـة إني قلتله اليوم : ساجـد أنا في 18 years old مايبغي موت اليوم , انا مافي يسوي شادي , تم يضحك العنز ! لوول

بس
بعد مالومه على هالسرعـه
زححححححححححمـه مش طبيعيه وأوادم ( اللهم يا كافي ) دريوليـّه chــــولـه وهو يبا يتفكك منهم
بأسرع وقت وبأي طريقـة ؟

لان صـدق ماشي احـترام ومايعطون مجال حق الغير
ما يحاولون يساعدون بعض < ياخي كلنا عنـّا دوامات مب بس انتو XD

ساعات اقول ياربـي
لو الشارع 6 7 حارات فكككككككه افففف .. بس حمدالله احـين افتكيت شويـه

جامعتي فالشارجـه وع طول وين ممطار الشارجـه
احيد أول يوم اقول في خاطري زين زين محد هني وماشي زحمه , يعني أهون عن دبي فـ شتا بي ألقط حمـّـاض لول

لآ مابنوصلك
ألا في هاااااااااااي شوفلك الباص احسن هههه انت وصلنا

[راعي الزعـامه]

الحمدلله لين الحين ما تعرضت للزحمه ابدا أقصد وقت الدوام الصبح
ساكن انا في المزهر وهي منطقة جريبة من كليتي اللي في الروية
يعني خط فاضي ودرب هادي جدا ،،
الله يعين في المستقبل ،،

[المزوحي]

بوظبي لو كل واحد يتعاون نص الزحمة هاااي بتخف

[المزوحي]

الياه .. ترى البلدية الحين تسوي مشروع راس الخور .. اللي هو 6 مسارات لجسر القرهود يوصلج على منطقة فيستفااال سيتي .... عسب تخف الزحمة ولين مايخلصون المشروووع بتلقين مليون شخص عنده ليسن ..

[المزوحي]

عاشق القلم يااااااااه ياليت دوامي جيه ماشي زحمة .. جان انا مابنترفز كل يوووم

[العتيج]

والله فكره يالمزوحي .. ليش ماتتصل مواصلات الإمارات وتقترح عليهم ..

على فكره .. مافي داعي تقترح اتصلبهم واتخبرهم ابكم هذي الخدمة لأنها موجودة أصلاً .. كل يوم الصبح بتحصل السيارة تترياك بتشلك من الدوام وبتردك ..

طبعاً بتقولي لين متى .. ؟؟

أكيد لين مايفتحون المتروووو ..

[تنينه]

العـتيج ,, فـكرتك حـلوه وكلامـك منطقي ^^".


والله المـسـتعان ...

[الشوق]

هيههيههي اتوقع الكل عطاك .. حلول ..للمشكله اللي اتعانيها
خذلك ابسط الحلول وخبرنا عقب ..

[المزوحي]

العتيج مايصرفني كل يوم ادفع 50 درهم .. 25 ساير و 25 راااد

بيطلع عليه في الشهر او هالعشرين يوم 1000 درهم وانا بدل مواصلات 500 يدفعون لي

وهذا بعد إذا مب أكثر

الحين العتيج بيقول .. ادفع مقابل عدم حرقة اعصاااب

[خيال الحب]

الله يعينك اخوي المزوحي.. هي والله في بعض الناس مول مافيهم اخلاق

بقولكم موقف صارلي قبل كم يوم..


كنت رايح مكان المهم .. فانا كنت اتجاوز شاحنه وانا سرعتي 130 ماشوف لك واحد وراي قاعد يديم وحالته حاله... عاد انا ماحب حد يديم لي انقهرر .. وشاحنات عدالي وسرعتي معقووله.. تدري شو سويت فيه.. قعدت امشي 80 لين ما انا خلاص طلعت القهر كله وعقب لفيت عنه يمكن 10 دقايق وانا مشي 80 خخخخ والحبيب يهرن وكل ما يديم لي اضغط بريك ..

دواااه السبال

[المزوحي]

خيال الحب
أنا إذا اعرف عمري ماشي على القانون ما اقوووم
إلا إذا ما كنت ابغي اسرع واشوفه مستن اعطيه طريج
يعني السبوع اللي فات كنت على شارع المطار
وخذت اقصى اليسار وواحد عنده اكورد ( هندي ) في النص يبغي يدووس ويسير جدامي
كله مايعطي ريس اللي جدامه مايسووووق وانا اسوق ومب قاادر هو
تم معصب
وآخر شي ظهر يبغي الجسر اللي صوب المطار ( اقص اليمين )
عيل ليش هالحشرة كلها

[بنت الدلع]

خذ لك دراجه حق الدوام
ومن جدام حط لك مراوح ,, اذا ماتبا تخسر وايد وتاخذ دراجه مكيّفه

بتوصل الدوام وانته مرتاح
لا زحمه ولا حرقة اعصاب ^^

[المزوحي]

بنت الدلع
والله إني جاد