LONDON يوليو 2006

[شمعة أمل]

السلام عليكم ورحمة الله وبركاته

ادري ادري ادري تو الناس أحط الصور:harhar1:

المهم

في شهر 7 أبويه فاجأني يوم من الأيام وقالي "شمعه جهزي شنطتج بنسير لندن بس لاتخبرين حد لانه مفاجأه:kkk: * .. وشمعوه استناست طبعا .. بتسييير لندن بتجوف ماماتهاا واختها الحشره:ice: وبتسير تتسوق وبتاكل من ذاك البيتزا اللذيـــــذ والجوكلت من هوتل جوكلت والسندويجات من برت والايس كريم مال فلييك من الحديقه ... خخخخ .. المهم .. لستت الأكل وايد طويله ف خلوني اسكت

وبعدين يا الويك اند وسرنا المطار ياربيييييي احب مطارنا لول .. دخلنا فلان داخل المطار بعدين روح وشمعه طبعا ماتروم تيود عمرها ..لازم تشتري من الدوتيي فريي *سوق الحره* .. وبعد لازم اشتري من الطياره:bow: كيفي كيفي ذكرى اووه

قبل لأركب الطياره .. طبعا طبعا .. اذا مستحيل أيلس عدال أبويه .. لازم أبدا بالتهديدات *شريره اهدد اختي العوده:hist: * اني انا ايلس صوب الدريشه :negab: .. مايخصني .. وطبعا .. ماحب حد يجوفني يوم انا في الطياره ف أرفع الفاصل واختي اتنزله وانا ارفعه < شوي شوي .. شكلي بخرب الفاصل *وبعد لازم اشرب كابتشينو الطياره .. على قل 3 اكواب:ice: * .. ورابعت هالحرمه مال الطياره .. يحليها كوريه وايد كيوت

وجان نوصل لندن .. فروني في الشارعه ويا الشنط خخخخخخخخخخخخخ .. < اقص عليكم
كنت واقفه برع احرس الشنط اتريا هالناطور يشلهم
حليلهم .. امي واختي انصدمو .. مستحيل انسى شكل ويههم .. صدق كيوووووت


ثاني يوم الصبح .. اتريا حد ينش من الرقاد .. so يلست اصور هاردزززززز:kcl:


كنت سايره اكسيوم < عندهم في لندن .. نسيت اييب جرج وياي .. يقهرون.. اكسيوم لندن وايد غالي مقارنة بدبي :narr:


فديت ابويه .. ستايله عجييب .. تتحدون .. بنطلون وقميص ونـــــعاله:kcl:


هالشيره العجيبه برع الشقه


كم مره بغى يدعمني باص .. انسى اجوف يمين يسار يوم اطوف الشارع


هالكنيسه


كينغز روود .. احب هالمكان .. مافيه عرب


سندويج جبن وزعتر.. حبيت هالمكان .. مع انه مافيه شي اقدر اكله غير هذاا .. بس استانست عالحرمه .. يت عندي وقالتلي اختي من بين هذا وهذا وهذا لانج مسلمه وهذا بس الى تقدرين تاكلينه


انا واختي كنا رادين مشي الشقه .. جفت هالحرمه وعيالها .. الى جدام في السكوتر شيطاااان:narr: .. والصغيروني كتكوووت يتمشى بالبامبرز لووول:harhar1:



أنتيــــــكه




كنت سايره الدكان اشتري مــاي وجان نصورلكن الهاردز




أنتيـــكات


في شارع اوكسفوورد < أحب هالشارع وايد عووووووود وطوييييييييييييييل مستحيل تخلصونه في يووم






سلفردجيييييييييس:waa:


هايد بارك ..صزب البحيره .. ماأتجرأ اسير هناك بدون ابويه فالصيف:qor9anah:


لول




طالعين نتعشا .. مايغرب هناك لين الساعه تسع وشي


ابويه ودانا نتعشا في فندق واااايد modern عيبني ليتهم


قلتلكم احلى شي الأكل:hist:


وايد مشينا هالليله .. بس كان وناسه






زين ما دعمني :waa:


حرررررررر حرررررر حررررر .. سرنا لندن في احر اسبوع .. وماشي كنديشن .. ومودي اخترب من الجو التعيس


سلووون سترييت


كوفنت قاردن .. تحصلون اشيا كشخه هناك & انصرقت نظارتيييييييي




اخر يوم في لندن .. كان عندي وايد كاش .. عشان استخفيت وماطلعت لثلاث ايام لانه كان وايد حر .. وحلفت ماطلع من الشقه الا لو يطلعوني اكل برع .. ف مر شي و 30 ساعه وانا ماطعت اكل ولا شي :harhar1: ف .. اخر يوم .. قم ابويه وامي محد .. جان اقول فرصــــــــــه .. سرت هاردز وخرست كل هذا في اقل من ساعه كعكعكعكعكعكعكعكعكعكعكعكع اشترينا شنطه واكسسورييز وبسكتوووت وجوكلت *وايد* ودباديب وكرووت وستاربكس وو ماتذكر شو بعد خخخخخخ


كنت وايد مستانسه اني برد دبي .. افف خلاص .. كان وايد حر .. تولهت على شي اسمه كنديشششششن 3>


لانه كنا اربع رادين دبي *الاخت الحبيبه شردت وردت ويانا * انااااااااااا هيه انااااااا يلست عدال ابويه:ice: :kcl: احمممممممممم



مطار هيثروو




وبـــــــــــس


اشكرو الياه ... عشان لو ماحشرتني جان ماحطيت صوره .. وتريوو صور السفره الى سافرتها من شوي .. وعقب شهر صور السفر الى بسافرها عقب كام يوم

وايد تعبت على هالموضوع .. كم ساعه تميت عليه>_< ف بليييز لاتبخلون علي بردودكم:harhar1: < مصرووقه هال*لاتبخلون علي بردودكم*

المهم

الوقت تأخر

استانسو بموضوعي

وابا انش من الرقاد باجر اجوف ردود < عكيفها البنت

لا لالا صدق .. ردو على موضوعي .. خلوني استانس . باجر علاماتي .. بكون مكتأبه ولا مخترشه .. ولا كنت حزينه ,, ردودكم بتفرحنيbrgll:


والسموحه

وسوري لاني وايد تفلسفت


شمعة أمـــــــــــــل

[حلم الطفوله]

السلام عليكم

والحمد لله على السلامه شمعتنا

موضوعج رهييييب ...ناطق بمعالم لندن الهاديه ....

ننتظر صور السفره الثانيه والثالثه على أحر من الجمر ...

تروحين وترجعيلنا بالسلامه ...وإن شاء الله تكون نتايتج حلوه مثل قلبج

[انامل]

العزيزة شمعة أمل حمدلله على السلامة
محلاة السفر عزيزتي
الله يكثر سفراتكم بالخير
ويخلي لج باباه
أحلى شي في الكون يكون للانسان أب يعوضه عن كل شي
عزيزتي
رحلتج باين عليها جدا رائعه
بس شكلج تحبين السوق وااايد
ممم
الله يهنيج ويعوضج على النظارة اللي انسرقت
فديت روحج
بس ملحوظه اتوقع المحل اللي تشريتي منه اسمه هارودز حسب اسمه على الفاتوره
لندن فيها اشياء حلوه
انا شفت برامج وقريت وايد عنها
اذا رحتي مره ثانيه لا تفوتين زيارة للمسارح
عندهم عروض مسرحيه قمة
كذلك متاحف مثل متحف الشمع والمتحف الطبيعي
وبعد عندهم مكتبات ومحلات للبطاقات والكتب والقواميس وغيرها
وفي مطاعم روعه هناك شفت مره برنامج في قناة الحرة كامل عن لندن
بعد شي اماكن اثريه ومناطق طبيعيه روعه مثل ساسكس
ع العموم
تسلم يمناج
وعيونج يا قمر
بانتظر باجي سفراتج
حمدلله ع السلامه:kcl:

[تنينه]

مـرحباااا ,,

شـمـعة صـورج حلووه ,, الصراحه استمتعت بقراية موضوعـج والصور حلووه ,, والله يـحفظ لكم الوالد

ومشكووره لأنـج شـاركتيني ذكرياتـج وأهـم شي أنـكـم استانستوا ,,


نتريا صـور هالسـفره بـعد ,, عـاد أول رد بيكون ردي أنـا :ice: يعني أستاهل صوغـه غيير :harhar1:

لا عـدمناج

تنييينناني :qor9anah:

[تنينه]

لووول ,, أحيد يوم إني يالسه وأكتب رد مـحد كان ضايف شـي لوول ,, شكلي طـّولت وانا أكتب هيهيهي ,,

^^".

[راعي الزعـامه]

حلوه الرحله
تسلمين :)

[شمعة أمل]

حلم الطفوله
وعليكم السلااااااام
مادري متى بحط الصور .. ماجفت الياه اليوم .. انا انسانه احب اصور بس كسوله في *حمل* الصور .. لازم الياه تحشرني:sad4:
يمكن باجر
ولا
يوم اكون مسافره

مادري:kcl:

مشكوره على ردج .. وايد استانست عليه ^_^



أنامل
هيه اسم المحل هاروودز بس انا وايد انجليزيه واقول هاارِدز:kcl: *الراء تحتها كسره*
وعن المسارح صدقج .. دايما اسير المسرح.. بس هالمره ماسرنا .. لانه مثل ما قلت كانت مفاجأه .. يعني قم امي مادرو انه نحن ياين لندن بس فجأه جافونا عند باب الشقه:harhar1: .. وهالمسارح صعب تحصلين تذاكر حق عايله كامله الا لو حجزتي من اسبوعين ثلاث ^_^ سرت وايد مسرحيات نفس bombay dreams, mama mia, lion king ...etc .. وسرت المتاحف .. حبيت متحف الشمع .. سرتله مره .. زحمـــه .. تريينا نص ساعه لين مادشينا داخل
والscientific museum حلوو بعد
والAquarium عند الlondon eye كشخه .. اياام احيد يوم ابويه مشانا من الشقه لين هناك .. زين ما ريولي انكسرت من التعب

وصح صح صح صح صح وايد احب اتشرا .. انا اصلن .. ماتشرى وايد خلال السنه نفس خواتي .. كل ويك اند شي يديد .. انا احب اتشرى في دفعات .. ف عشان جي وايد استانس في لندن .. لانه اشتري وايد:ice: < خرييييطه .. اكثر شي اشتريه من لندن أكل وكرووت ههههههههههه لالالا صدق اشتريوايد ثياب .. بس جوكلت وكرووت اكثر طبعا ... عشان ماعندنا منه في دبي

مشكووره على ردج very very much


تنيينه
يحليلج كيووت .. عادي عادي مب مشكله لو مب أول رد
أهم شي رديتي ^_^
وماشي هدايا .. خلصو كلهم ..هالسفره جدييمه من شهر:harhar1: :harhar1:
مشكوره على ردج الحلووو:ice: ماقصرتييييي




تصبحون على خير بسير ارقد .. وراي نشه من الصبح .. الله يعين

[شمعة أمل]

عاشق القلم

الله يسلمك اخويه
ومشكور عالرد..

[لمّــاح]

السلام عليكم ..

لندن .. العووق :harhar1:

هممم .. انا حتى كنت هناك في شهر 7 بس للأسف ماشفتكم :harhar1:

و اسميييها لندن كانت حااره، يتهم موجة حر هاذيج الفترة :narr:

حمستيني شكلي بنزل صور سفراتي هالصيف .. :ice:

شكراً اختيه على طرحج لهالموضوع ..

[شهوووودة الأمورة]

الحمد الله ع السلااامة شمعة أمل .. وحلوة سفرتج .. وزيين انج غيرتي جو ( يعني اتحووطتي) خخخ

وتسلميين حبوبة ..

[خيال الروح]

:

:

السـلام عليــــــكم

مـــا شـــاء الله على الصــور حــلوه ..



ما ضحكني غيـر تعليقج على هالـصوره

وبانتظـار صـور بـاقي الرحـلات ..

:

:

[الـيـاه]

سلااااااااام


شطوووره تسمع الكلام < لانه والله تقهر واااااااااايد تصور بس ماتحط شي اتم مخزنتنهم
في الكاميرا !!


بس فاتج ما صورتي شي واحد
يوم تقولين :kkk: ع قولتج شفتيني فالهاردزز ويا ماماتي < ههههههههههه
انتي وراي وراي على النعول ما تخلين الواحد يتهنااااااااااا شوييييييييه

الصور واايد حلوااااااه واحلى شي الايييييييث كرييييم :ice:


وثاني احلى شي لوك ابوج يهيهيهي
سلمي عليه وايد ..


وهيه صححححح
الصوره اللي في سالون ستريت كنتي ويا DxB Pearls يهيهي العصفوره خبرتني ؟؟


اشكرررررر جهدج على الاب لود لول
ونتريا صور ثاني سفره > اهم شي لا تنسين صورتي انا وانتي نلعب ع اليبل هههههههااااااي :hist:

حمستيني احط صور لـندن انا بعد بس مب الحين باجر والا عقب لول
ماحطيت ألا سويسرا وألمانيا لاني كرهت لندن ويا هالحرررررررررر والجو الخااايس
جراسياس , سينيوريتاااااااااا
i lay lo

.
.
.

[أوتار القلب]

ما شاء الله شكلج وايد استانستي في ها السفرة
استمتعت بقراية موضوعج وطبعا صورج بعد حلوة >عيشتيني الأحداث brgll: <
.
.
و ما شاء الله ع الوالد شكله شبابي .. ربي يحفظه
.
.
بانتظار صور سفراتج المقبلة و ان شاء الله تكون علاماتج ممتازة
.
.

[تحفه]

لا إتجلبووووونلي المواااااجع ..


يالله الحمدلله ع السلامه

[المزوحي]

مرحبا
تراني كنت بسير لندن لكن ما استوى لظروووف خارجه عن إرادتي ...
المهم
أقولج الصور فنتك
ماشاء الله عليج
حتى ابوج الله يحفظو جنتل
والجنتل مايكون بس بالشكل واللبس حتى في الكلام
هههه
لبسه فنان .. لكن لو نعاله هذا لبسه في دبي ...
على العموم تسلمين على الصور وعلى الموضوع