استيشن 2007 - ما تغيّر شي !

**إسهر معي ليله** · 23-08-06 ||, 01:41 PM

السلام عليييكم

شكلها شركة تويوتا بتخلي الإستيشن وما بتغير شكله للأبـد
شرات المرسدس G-Class.. تمت 27 سنه مثل ما هيــه
اونه يعني كلاسك :harhar1: بس مالومهم يوم سوقه ماشي

هاي صور لقيتها في النت لموديل 2007 من الإستيشن
واللي تغير فيه الشبك والتخطيط اللي عالينب،، تفضلــوا

::
::

::
::

والسموووحه

**نبراس الليل** · 23-08-06 ||, 02:05 PM

وأنا حليلي خابص عمري ومصبر نفسي على شرا السيارة على أساس تنزل ابشكل جديد

مثل ماقلت ماينلامون دام السوق ماشي

شكرا على الخبر وإن شاءالله مب صحيح ...للحين متأثر بالصدمة

**عهد الوداع** · 23-08-06 ||, 02:58 PM

مشكور اخوي اسهر على الصور ....

**جيز كيك سنيكرز** · 23-08-06 ||, 08:06 PM

عليكم السلام

يقولون سنة 2008 بيكون تغير جذري والشركه مابتبين شي عن شكل السياره متكتمين وايد يخافون نيسان تقلد وومنصدمين وايد بشكل باثفيندر الجديده تويوتا محد مغصص عليها في هذي الفتره غير نيسان
بس في الوكاله كل يقولون انهم مايعرفون شي عن شكل المواتر لين الحين
وبعد اسبوع او اسبوعين بينزلون موديل 2007

في محل في الشارجه اعتقد ايب مواتر من لبريمي مواصفاتهن اكثر من اللي تيبهاً شركة الفطيم

وشكرا ^_^ إسهر معي ليله واعتقد ان الخبرصحيح انا بعد سمعة نفس الخبراللي ذكرته

**راعي الزعـامه** · 23-08-06 ||, 08:27 PM

هيه صح 2008 بيتغير على حسب ما قالت الوكاله ،،

**إسهر معي ليله** · 23-08-06 ||, 08:57 PM

نبراس الليل

لا تستعيل لأنه الشكل هذا احسه وايد مستهلك وجديم

::
::

عهد الوداع -- عاشق القلم

مشكورين عالرد

::
::

نسيتك

والله مادري عنهم.. المشكلة من 2006 وهم يقولون بيتغير
ان شالله هالفترة بنعرف اكثر.. ويمكن يعلنون عنه في معرض
طوكيو...

والمحل اللي تطرينه اظن اسمه سيارات الخليج،، او ما شابه
ومثل ما قلتي مواصفاته احسن واسعاره اقل وعلى ضمان الفطيم

مشكورة عالمعلومة،، والرد

**بحر الموده** · 23-08-06 ||, 11:34 PM

وعليكم السلام ورحمة الله وبركاته

لاتغيير للاسف الشديد ... شكراً اخوى على الصور

ونتظرها فى سنة 2008

**تنينه** · 23-08-06 ||, 11:38 PM

مـا شي أحـلى عـن النيسان وتغييرات النيسان كـل سـنه :kcl: :kcl:

مشكور اخويه ع الخبريه :gof:

**الرحيل** · 24-08-06 ||, 02:20 AM

السلام عليكم والرحمه..

ضربوا ضربه من هالسياره..بس والله مصخوها كل سنه يغيرون في شي يا يحطون كور او يغيرون شكل الليت او الشبك او المدعميه..

والشباب وحليلهم كل سنه يغيرون من رنجات لا اصطابات..

الله يعين..

بس اكيييد في 2008 بيتغير الشكل مستحيل يخلونه..

بيكون الشكل احلى بوايد عن هالشكل الملل...

وبيزيد سعره بعد..

واللي يفكر يشتري نصيحتي يتريا اللين السنه اليايه

**ولد الشحوح** · 24-08-06 ||, 03:52 AM

بدل الشبك والاصطابات اذا عندك موديل جديم وبيصير يديد

**إسهر معي ليله** · 24-08-06 ||, 06:34 PM

مشكورررين ع مشااركاتكم الحلوه

**جيز كيك سنيكرز** · 24-08-06 ||, 09:05 PM

المشاركة الأصلية كتبت بواسطة إسهر معي ليله

والمحل اللي تطرينه اظن اسمه سيارات الخليج،، او ما شابه
ومثل ما قلتي مواصفاته احسن واسعاره اقل وعلى ضمان الفطيم

مشكورة عالمعلومة،، والرد

المحل اللي اطريه اسمه راك واغلى من الوكاله بشوي يعني 5000 او اكثر شوي

ويبيع سيارات مثل نيسان و ورنجات

سيارات الخليج....اذا تقدر تتاكد من اسمه عدل واذا ما تقدر ماعليه

ويزاك الله خير ^_^

**إسهر معي ليله** · 25-08-06 ||, 02:01 PM

نسيتك

المعرض اللي اطريه اسعاره اقل.. وعالضمان بعد.. موجود في الشارجه
بتأكد من اسمه وبرد عليج

**جيز كيك سنيكرز** · 26-08-06 ||, 12:12 PM

راك قالو ان عنده مواصفات اكثر وسعر اقل
ويوم سارو يطالعون صدق عنده المواصفات اكثر والسعر ارتفع شوي

وان شاء الله خير

آخـــر الــمــواضــيــع

الموضوع: استيشن 2007 - ما تغيّر شي !

أدوات الموضوع

عرض