آخـــر الــمــواضــيــع

النتائج 1 إلى 10 من 10

الموضوع: !||! كلوزر يطوي الخلاطي هب كاسر السبرنغ ويشوح !||!

  1. #1
    بروفيسور متميز الصورة الرمزية دمعة شوق
    تاريخ التسجيل
    Feb 2004
    المشاركات
    4,708
    قوة التمثيل
    481

    Talking !||! كلوزر يطوي الخلاطي هب كاسر السبرنغ ويشوح !||!

    السـلام عليـكم ورحمة الله وبركـاتـه

    هبـت الشرتا وبلا الشرتا من جـداكم لا عـدمنــاكم
    وا شـقا روحـي و ونـتـه ويا شـفى قـلبـن تـمنـاكم

    ضمـن مـفاجـآت صـيف بن دبي 2006م تنـطـلـق اليـوم سـادس فعاليـات للمفاجآت التـراثيـة
    برعـايـة واحات بن دبــي - المفاجآت التراثيـة -

    بـإشـراف
    الآنسـة / دمعة شـوق

    ؛؛

    المـواتـر تبـقـى دائـما ً في هامش الذاكرة الشعبيـة ؛ والشعراء ماقصروا
    على كـل موتـر قصـدوا وعــّـدوا فـيه ؛ وماشاءالله عليهم قالوا القصص والأمثال
    ورمسـوا وايـد عنـهن في الميـالس ؛ وللحيـن بعدها محور الحديث بين الشبـيـبـه ؛
    //
    بـس مـواتـر قـبل غيـر عن مواتـر الحينـه ؛ يعني المواتر القبليه كانت لكروزر والبيكب
    والجيـب ؛ ولا الحينه المرسيدس والآودي والرنـج والبورش والفراري وغيرها الكثـيـر
    وماظنيـه حـد بيـقـعد وبيتفـيج وبـ يـقـصـد فيـهـن من كثـرهن ؛ عكس زمان أول
    \\
    عـد ُ فيهم وقصدو لأنهن كان طشونه وينعدن واليوم يايبـتـلكم هبـشـه من هالطبـش اللي لقيتـه
    :ice:

    بـبـدأ بـالـ الـجــيـــب
    ومنـه وايـد شرا * الاستـيـشن - مطربل - مصندق - قصير -
    طويل - ستيشن - بوغمارتين - بومدعميه دبل أو يسمونه بـالجيـشي*
    ؛
    وقـال فيـه الـشـاعــر :
    في داعة الله يا هل الجيب ... يللي سرى يضرب بليتات
    حتى الشير الاغبر بيخضر ... ساعة لفونا في ( الحويلات )


    وقـال الثـانـي :
    قم ياحمد لي شغل الجيب ...... بيركبونه الناس الاشراف
    خله يولي موتر خبيب ..... هذاك م الدلهين لخفاف

    //
    بـس في نـوع من الجـيب اشتـهر أكثر عن غيره وهـو
    الـدان دان
    والدان دان هـو : اللي بأربـع سلـنـدر
    وقالوا فيه :
    ريت غرشوب بجيب الوزاره صد عني و الرقم ما قريته
    بالحــقه بالحـــال لين الاداره ما تقر العين لين التقـيــبه

    \\

    ونـي صـوب النـوع الثـاني واللي هـو :
    العـريـبـي
    ومنـه * نجّال أو نساف - تنكر - جيشي وبه فتحة في السقف *
    كـان طـويل من جـدام توازنـا ً لشـكله
    وماقصـدوا فيـه حليله ويه فقـر
    :harhar1:

    //

    والنـوع الـثـالـت هـو :
    الـسـتـوت
    أو البـيـكـب أو الوانـيـت
    ؛
    وقـالوا فيـه :
    ياليتني خن ( وانيت ) طرز السنة لي ماله أثمان
    ركبت مطنوني على السيت و أجعلتني في ساحل عمان

    \\

    والنـوع الـرابــع هـو :
    الـبـاص
    اللي كان يشل العيايـز يوم يسيرن الضحى يتعلمن القرآن ولا الـكتابه والقرايـه
    وكان يروحن بـه ؛ وقالوا عن الباص والعياييز :
    بس العيايز مر مشحون ...... يتعلمن درس وقرايه .
    ادخل ( حسن ) واطلع يا حسون ... ويتعلمن ديك وديايه

    هيهيهيهي مسكين الديج والديايه وحسن وحسـون
    :harhar1:
    //

    ونـيي لـ عـوق قـليـبـي وايه فـديت لكروزر أنا
    الـنـوع الـخـامـس والاخيـر هـو :
    الـكـــــــروزر
    وقـالـوا في الـكـروزر :
    كلوزر يطوي الخلا طي ... هب كاسر السبرنغ ويشوح
    على وشرته ماورد شي ... من قوته التاير يبى يشوح


    وهـذي بعض الصور اللي عنديه للـكـروزر


    ياااااااالبيــه يالكروزر
    :mar7aba:
    ؛؛

    مسكييييييين ياقـنون
    brgll:
    ؛؛؛
    :kcl: :kcl: :kcl:

    فديت الحمـر أنا

    ؛؛


    هـذي هي مواتـر أيام زمان ولو حد بيسألنيه بيقوليه شو من المواتر
    يعيـبـج بـقول ؛
    عزاه يــــــا بو حمــــد لو شفة مـــــــاشفته
    كــــروزن جديــــــدن عليـــــه مدعــــوج العيانــــي
    عــلـــــــــى طريـــــــق المديـــــــنه داســـــــه ودستـــه
    ولقبلـــــــــــة جمبــــــــــه يجــــــــر ثالــــــــــــــث بثانــــــي
    واسمــــــــع صفيـــــــر الكــــــــروزر و قلــــــــــت يا بختــــــــــــه



    //

    والسمـوحـه
    هـذا الموضوع برعاية مفاجـآت صيف بن دبي - المفاجآت التراثيـة -
    وحقـوق الطبـع محفـوظـة لـدى دمعة شوق في واحات بن دبــي

    ؛؛
    ويـامــرحبـــــــانــي

    21\8\2006م
    6:37 صـباحـا ً

  2. #2
    عضوية الدكتوراه الصورة الرمزية ولد الحكومة
    تاريخ التسجيل
    May 2003
    المشاركات
    3,111
    قوة التمثيل
    410

    رد: !||! كلوزر يطوي الخلاطي هب كاسر السبرنغ ويشوح !||!

    وعليكم السلام والرحمـــمة ،،

    مرحبا باختي دمعة شووووق .. اشحالج عساج مرتاحة

    الصراحه احيييج عالموضوع الحلووو وصدق الواحد يذكر ايام اول ،، :daleel:

    في أوال الستينات كانت أغلبية المواتر إلى استخدموها اجدادنا في الامارات عبارة عن سيارة من نوع الجيب .. بس صدق يسير فر الرملة ويعيبك .

    يذكر أن الإنجليز هم من أدخلوا السيارات إلى الإمارات في الثلث الأول من القرن العشرين لخدمة أغراضهم السياسية والعسكرية في المنطقة ، وقد كانت السيارات الإنجليزية هي السيارات الأولى التي دخلت ، وتبعتها الألمانية فالأمريكية فالفرنسية ، وأخيرا اليابانية .

    وصدق يوم قـال فيـه الـشـاعــر :
    في داعة الله يا هل الجيب ... يللي سرى يضرب بليتات
    حتى الشير الاغبر بيخضر ... ساعة لفونا في ( الحويلات )


    وقال آخـــــــــــــــر :
    جد قربــوه المــوتـر +++ حق مــدعوي العيـــان
    ساعة خفق بينـاحه +++ وادريــــولـــه طـــربان

    يعطيج الف عافيه أختي دمعه عالموضوع المميز وبإنتظار المزيد في المرة الياية

    لج مني أحلى وأرق تحية


    قايد الريم
    (\__/)
    (='.'=)
    (")_(")

    إذا كنت تبحث عن الافضل . . . . فبحث عن ولد الحكومة

  3. #3
    مـراقــب
    مـراقــب الواحة الـمـفـتــوحـة
    الصورة الرمزية الهيثــم
    تاريخ التسجيل
    Jul 2002
    المشاركات
    7,445
    مزاجي
    Cool
    قوة التمثيل
    638

    رد: !||! كلوزر يطوي الخلاطي هب كاسر السبرنغ ويشوح !||!

    أنـا شفت العنــوان فيه كلووزر .. دشيت واحة السيـارات أدور عـ الموضـوع
    ومــا حصلــته .. وطلــع وضـوع تــراثي

    بس بـ صراااحـــة عجـــب .. وفــديت الكلــوزر ..
    وبـ صرااحــة صدق صدق عيبــني المـوضــوع
    وهذي هي المواتـــر ... والي ماله أول ماله تالي ( خلوا البورش والطوارق تنفعكم الحين )

    وتسلـــمين اختــي دمعـة شوق ..
    وما اقدر اقول غير الله يعطيج الصحة والعافية ..
    ويزاج الله خير

    ...

    ( ولسوف يعطيك ربك فترضى )

    ~

    الهيثـــم

  4. #4
    عضوية الماجستير الصورة الرمزية تنينه
    تاريخ التسجيل
    Oct 2005
    المشاركات
    2,723
    قوة التمثيل
    361

    رد: !||! كلوزر يطوي الخلاطي هب كاسر السبرنغ ويشوح !||!

    الـسلام عـليكم

    سـويدووه شـو هالموضوووع الغاااوي ,,


    شـو هالمعلوماات الخـطيره :cop: ,, صـور وقصايد رووعه brgll: ,, أسميني عـرفت أشياا عجيبه ومعلومات خطييره لول ,,

    مشكوووره غــناتـيـهـ وما قـصرتي فـديتـج :kcl:

  5. #5
    بروفيسور متميز الصورة الرمزية بنت الدلع
    تاريخ التسجيل
    Oct 2004
    المشاركات
    5,485
    مزاجي
    Angelic
    قوة التمثيل
    511

    رد: !||! كلوزر يطوي الخلاطي هب كاسر السبرنغ ويشوح !||!

    يا ويلي انا عالموضوع الغااااااوي

    اسجل حضوري

    وأكــــــــــــيد لي عوده ^__^

    Somewhere over the rainbow bluebirds fly

  6. #6
    عضوية البكالوريا الصورة الرمزية عنود الريف
    تاريخ التسجيل
    Jan 2002
    المشاركات
    1,934
    قوة التمثيل
    366

    رد: !||! كلوزر يطوي الخلاطي هب كاسر السبرنغ ويشوح !||!

    مرحبا والله براااااااااااااااااااعية الكرورز

    عجووووووووووووووبي انتي مب بس عجيبه ..

    موضوع رائع وعلى ما اعتقد حاز على رضا الشباب ... لووول

    انا والله ما اعرف لسوالف السيايير ولا هي من اهتماماتي ..
    اهم شي سيارة توديني وتيبني ..
    لا ابا جيب ولا اب االكروزر ...

    بس تسلمين الغاليه .. مع ان ما احب السيايير وسوالفهم .. بس حبيت طريقة طرحج للموضوع بحيث انها ما تخلي الواحد يمل يوم يقراااه

    بالتوفيج الغاليه
    اسمحولي عالغيبه ..

  7. #7
    عضو جديد الصورة الرمزية عيون الدخيل
    تاريخ التسجيل
    Jan 2006
    المشاركات
    84
    قوة التمثيل
    226

    رد: !||! كلوزر يطوي الخلاطي هب كاسر السبرنغ ويشوح !||!

    عجيب والله يا الشوق كلج ذووووووق
    ذكرتيني يوم ركبت من زماااااااااان مع اخويه الكروووووووووزر
    اسميه خضني خض ومنها حرمت اركبه
    تسلمين يا أهل الذوق واصحابه
    السموحه
    تحياتي
    @عيون الدخيل@

  8. #8
    بروفيسور متميز الصورة الرمزية بنت الدلع
    تاريخ التسجيل
    Oct 2004
    المشاركات
    5,485
    مزاجي
    Angelic
    قوة التمثيل
    511

    رد: !||! كلوزر يطوي الخلاطي هب كاسر السبرنغ ويشوح !||!

    BaCk

    موضوعج واااااااااااااااايد حلو الصراحه

    موضوع شيق

    واستمتعت واايد وانا اقراه

    ماكنت ادري ان شي قصايد عن السيايير
    اول مره اسمعهن منج

    تسلمين غناتي عالطرح المميز من نوعه
    وتسلم لنا اناملج الحلوه على كتابة هذي المواضيع المفيده والحلوه

    وعساج عالقوه :ice:

    Somewhere over the rainbow bluebirds fly

  9. #9
    عضوية الدكتوراه الصورة الرمزية الشوق
    تاريخ التسجيل
    Dec 2001
    المشاركات
    3,296
    قوة التمثيل
    435

    رد: !||! كلوزر يطوي الخلاطي هب كاسر السبرنغ ويشوح !||!

    دمعة شوق ..
    لو شو قلت ما راح اوفي حقج في المواضيع اللي تطرحينها
    افكار حلوه واسلوب رائع وتميز في الطرح
    وغير هذا تكسرين الروتين في طرحج للمواضيع
    .
    .
    لكن لا تنسين ان قبل الجيب والعريبي والستوت ..
    كنا نعتمد وانتي ابكرامه على الحمير .. والجمال والبغال ..
    يعني كان لهم دور كبير في التنقل ..
    .
    .
    عاد عقب اتطورنا خخخخخ :)
    تدرين موضوعج رائع فوق ما تتصورين
    تسلمين وتسلم الايادي على الجديد
    وفي انتظار الجدي من مواضيعكم السنعه
    خويتج/ الشوق

  10. #10
    عضوية البكالوريا الصورة الرمزية صريح
    تاريخ التسجيل
    Mar 2003
    المشاركات
    1,983
    قوة التمثيل
    355

    رد: !||! كلوزر يطوي الخلاطي هب كاسر السبرنغ ويشوح !||!




    دمعة شوق

    تسلميـــن ع الموضــوع
    الطرررررر "ميغــا"
    :)

    بس السموحه بعد الفتك ما فيه موتر
    لا كلووزر و لا غيره

    و اهديج و اهدي كل اللي يحبون الكلووزر هالقصيده

    صدق الشاعر لي قال :
    جيّت تيوتا يالخوي يا معثره
    :ice:

    [rams]http://www.gr8.cc/2/zzrzwl.amr[/rams]



    أمـشي علـى درب ماتـوطاه الاجدامـــي
    وأن وعرت الارض يعجبني المشي فيهـا

    عطايا الله





معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •