||!•°.¸عـزبة الـواحـات ¸.°•!||

[دمعة شوق]

السـلام عليـكم ورحمـة وبركـاتـه

يـا مرحبا والله ومرحبا ملايين ولا يسـدن
مرحبابـكم الســاع

؛؛
ضمـن مـفاجـآت صـيف بن دبي 2006م تنـطـلـق اليـوم خـامـس فعاليـات للمفاجآت التـراثيـة
برعـايـة واحات بن دبــي - المفاجآت التراثيـة -
بـإشـراف
الآنسـة / دمعة شـوق
؛؛؛

يـوم من الايـام كـان الـجو غـايم والجو طـر نـويـنـا نسـير صـوب الـعـزبـه ؛



وعـزمـنـا وزهبـنا قشـارنـا وتوكلنا على الله وسـرنـا ؛
انـدعسـنا كلنا بـ الفـتـك والحمدالله سـدنـا



؛
فـديت العزبه والله
انزين شو هي العزبه ؛ الله يسلمكم العزبه هي عبارة عن زرب
:harhar1:
هيهيهي لا لا عبـارة عن مكـان نخلي فيه الهوش والبـوش ؛
نربيـهـن هنـاك ونـأكلـهن ونضـمـرهن هنـاك قصدي نضمر الـرجـاب
؛
والقـايـله نسـرحهن * الهـوش * وقـبل الـمغـرب انـدخـلهن صـوب الزرب
وعـاده مـرتـين في الـيوم يـاكـلن الصـبح الساعه 10 نحـطـلـهـن الجــت
والسبـوس ؛ وقـبل المـغـرب مره ثـانيـه نـحـطلـهن الـسـبـوس والجـت
وفـ نـفس الوقـت بعـد إذا بغيـنـا نحـلبـهـن ؛ والـهوش سـهل حلبهن هب شرات الـبوش
؛
أنا عنيـه ما قـد حلبـت البـوش بس حـلبـت الهوش ؛ ومايـطفرن بالواحـد ويسمعن الكـلام
brgll:
ويـااااااااالله محـلات اللبـن يوم يـكون تـوه محلـوب إمره فـرش بـرغوتـه
ياااالبيـه يالبيه فخاطريه والله الحينه ؛ بس يالله غدوه إن شاءالله بيب أليه
؛؛
انـزيـن عـاده انتـوا الحيـنـه سولفوا ألنـا عن أي شـي
مواقـف مريـتوا فيـها قـبل سواء ٍ في العزبه أو خارج العزبه
سـوالف قبل يوم كنتوا صـغار ؛ سوالف الشـياب لكبـار ؛
خبرونا إذا عندكم عـزب ؛ متى تروحـون وشو تسون ؛
يـعـنـي هالموضوع عبـاره عن عزبه لـسوالفـكم أيام قـبل ؛
؛؛؛؛

عـاده بسكم هلكـت من كثـر ماا ارمس اخاف بعدين يقولون أرمس وايد

؛؛
مسـويـتـلكم قـهوة اللي يبا يقـرب بقهويـه


؛؛

والسموحه منكم الموضوع هب مرتب جيه ألا سريعي
:ice:
بنـتـظار مشاركتـكم وسـوالفـكم الغاويـه
؛
هـذا الموضوع برعاية مفاجـآت صيف بن دبي - المفاجآت التراثيـة -
وحقـوق الطبـع محفـوظـة لـدى دمعة شوق في واحات بن دبــي
؛؛
ويـامــرحبـــــــانــي

[المزيوونه]

هلا هل سيد الكل .. هلا والله براعية العزبه ..

من متى اترياج تنزلين ها الموضوع ...هي بسج وايد هذربتي ..
سويلنا نفس خخخ ..

.:.

الله يسلمج .. نحن عزبنا انما ايه :ice: .. شوفي ..
ع النقى (العرقوب) عزبة البووش .. مرتب ومنظم للأسياد خخ .. لازم عااد .. طبعا مب كل
البوش ينحطون هنه .. بس النوقات والفطر وشوي من الزمول ..
فهيــّل ها العرقوب مسوين زرب للهووش .. وع طرفه شي حظيره للدياي ..

وطبعا حلاته الجو وهو مغيم وحلووو ونسير هناك .. مفرخنا يعفدون ع العرقوب ويدربحون من فوق لتحت هاي شغلتهم .. فديت البوش تلقيني دوم موقفه جدام السيم واصورهن .. طبعا شفرت النوقات
صوت اطلعينه مثل (تتتتتتتت) شي جيه .. خخخ .. وماشاءالله عليهن من يشوفن ابويه مقرب من العزبه بسيارته كلهن يجدمن عند السيم .. سبحان الله .. حتى الحيوان يحس بألفة راعيه ..

أما العزبه الثانيه .. هاي نحن ما نسيرلها .. لأن يكون فيها ميلس لرياييل العزب يلتمون فيه .. وهناك
الرجاب الي يركضوونهن والحشاوين الي هن عيال النوق صغار (الحوار) .. وتتم سوالف التفحييم .. والي هيه تسخين الرجاب للركض ..

وها اللي عندي .. وعاد هاا لو فيه غليطه صغيرونه مني ولا مناك تجاوزووها خخ بنوته تراني الرياييل أفهم عني فها الأمور ..

وأترككم مع صور غزلاني ..




شووفي الفضوولي يخااشم الناقه ..



تعيــب عليكم :harhar1:



ســـود العيـــون اتشلـي وتخلـــي والألبـــاب من الألباب << صح جذي ولا :kkk:


وياااااحيهم ..

[حلم الطفوله]

السلام عليكم

يوم شفت هالأجواااااء وهالصور ...ذكرتوني بمقطع وااااحد حافظتنه من الزمن الداثر

أحب البر والمزيون ....وأحب البدو والأوطان ...وأحبك قبل لا يدرون ..هلي وأهلك ولا الجيران

يالله أجواااااءكم حلوه ... ومنكم نستفيد .... بس أبا قهوه لو تسمحون وما بهز فنياني إلا عقب الثالثbrgll:

[الجنيه]

حيالله راعيات العزب ,,

الصراحه موضوع جميل وشيق ,, عاد نحن هل بحر ما عندنا هالسوالف ..

بس ابي من قهوتكم حلاتها وهي تنطبخ ع نار الحطب


المزيونه : احلى شي يوم تتدربحين من راس العرقوب اسمي الرمل يسبحج "اسإلو مجربه "


يالله يا هل العزب شرفونا بسوالفكم ^_*

[دمعة شوق]

صـبــاح الخيــر للجميـع
الرقود ولا الواعيـن ولا اللي عليهم زامات
:harhar1:
؛؛
أولا ً أولا ً قربوا يايبـتـلكم لـبن فرش وبـرغوه بعد

باالعااااافيه عليـه ؛ لا حد يطالعنيه ما بعطي حـد هيهيي
؛؛؛

مرحب مرحب مرحبا الساع والله
خشـمـج يالمزيونه }{
وشحالج وشحال عربانج ربهم بخيـر ؟!
اوه اوه شو هالزين شو هالزين ؛ ني ماروملش فديتش
إمره طيحتيـني بغزلانـش
brgll:
يـااالله ذكرتيـنـي يوم نـدربـح من فوق ذاك النـكود * العرقوب *
احيـد بـ تـاير من السيايير يتكرمون علينا حد من الشبيبه ونشله
ونسير صوب النـكود وندربح ونلعب لين ماانقول بـس ؛ صدق وناسه وأيام
؛؛
تعرفين يالسـه أحرف كلمة ( تتتت ) هيهيهي اظهرها بصوتيه
انا اقولهن كككك مب ضحـكـه ؛ جيه ماعرف كيف تلوين اللسان
وضربين الضـرس وتـظهر هالكلمه
:harhar1:
؛؛؛
ماشاءالله عليكو / لا نحن مسوين ميلـس للعـرب ارواحهم جيه بعيد عن
العزبه بـشويه ؛ وهناك الملتقـى / اما الزرب ألا نحن نعابل في الهوش والبوش
ونحوشهن للزربهـن ولا نعطهن الجت وسوالفهـن
/
تعالي بتخبـرج هذاكي غزالش عيونه هب سود
عينه بنـيـه يالحـوله
:harhar1:
هيههييي
\
اسـعدنيه ردش فديتش وكل يوم تعالي وصوري وتعالي حطيهن هنه
وبنتظار رجعتج وهالله هالله بعمرج وبغزلانـج

؛؛
و يـامــرحبـــــــانــي

[خيال الروح]

السـلام عليـكم

يـا حلاته سـوالفــكم ,,
عـاد انا داخـله المـوضوع عشـان اقرى سـوالفـكم
لانـه مـاعـدنا عـزبـه ----->> أهـل البـحر احنـا ,, :kcl:

المـزيـونه ,,
عجيب نـاقتكم ,, تعيب بعـد brgll:

وتسلمين دمعه شوق على المـوضوع ,,

:

[تنينه]

يقولون كنت كاتبه رد اهنه الظهر :puppyeyes: ويين اختفى

ع العموم,,

سويدوووه موضوعـج واايد غااوي ما شاء الله مـرتب والمعلومات خطيرره الصراحه وعجيبه :cop: ,, اشعار حلووه استفدت من موضوعـج وايد ,,

تسلمين يالغاليه وما قصرتي فدييتج :kcl:

[عنود الريف]

مرحبا والله بدمعة شوق .. محمسة الواحة التراثيه ما شاء الله
عسااااج دووم وان شاء الله الباجين بعد ....

عاد انا من ربع الجنية وخيال الروح ..هل بحر ما عندنا عزب ..
انا عندي عزب عوووومة جان تبين ...
بس يرانا كانت عندهم عزبه .. وكنا دووم نسير لها ..
وكنا نسرح في البر ومسمين عمارنا نحن البنات بالقافله .. ونسيير نمشيييييييييييي لين ما نعيز والا نشوف حد ياينا بالدراجة انهم يزقرونا .. ونسير
ومن تغرب الشمس ,, تشوفينا نحن مزهبات البطاطا والفندال عشان نشويهم .. ويالله يوم تاكلينهم .. لذييييييييييييييييييييييي ييييذ .. خاطري فيه الحين ...

وعقب يسوولنا جاي حليب على الضو ... وله طعم ثاااااااااااني .. يالله ما تشبعين .. كوب وراه كوب ..

وعندي كم من صورة والله للعزبه بس في السيديات وانا متهايزة ادور في اي سي دي .. بس اوعدج ان شاء الله بدور بحط الصور .. عندهم هوش ودياي هم .. ما عندهم بوش ...

وعلى طاري الحليب .. اسمحيلي بس موووووووووووووووووووووول ما احب اشربه .. احس فيه طعم حلا (( يعني صدأ الحديد)) مرة شربته عند قوم خالتيه صوبكم .. بس اسميني قمت اهاوع .. مستحيل اجربه مرة ثانية ...

تسلمين الغاليه على هالمساحه ..
والسمووحة

[عيون الدخيل]

عاده انا الغالية حيلتيه صخلتين مسوتلهن عزبه صغيره تواريهن
يوم ضاجتبي الدنيا سرت الحوي اسولف معاهن شوي شو بتسمينه خبااااااال ولا ينون
اسمعهن يوم يطربن باااااااااااااااااع صوت مسيقي رنان
وحليلهن هب عارفات مصيرهن عقب انهن

تعرفين رمضان عالابواب ...............

كل الود

[الشوق]

[QUOTE=الشوق;410991]انااااااااااااا وصلت ممكن اشارك :fa34:

وين ذيج الايام كنا انربي ( بقـــــــــــــر وهووووش) غير الدياي والبط .. والارانب .. والحمام ..
وكانت بقرتنا بشكارنا امسمنها اسم عجيب الصراحه كان اسمها (( جميله )) فاللي اسمها جميله اتغير اسمها الحينه خخخخخ
.
.
.
الصراحه اياااااااام كانت حلوه
اختي العوده كانت يوم اي وحده من صخلاتها تبي اتربي كانت اتولدهم
وامي كانت تحلب البقرة والصخله .. ويسوون منهم ( تشااااااااامي )
واخواني كانو يوم اصغار ينظفون بيتهم .. هيههي
ونحن نركض وراهم ونلعب خخخخ
.
.
يعني سوالف
للاسف ايام كانت وولت احينه باعوهم كلهم ما صار عنا شي ..
.
.
بس الحينه اختي اتربي هوش عندها
فاذا حصلت لهم صور ان شاء الله بزين مواضيعكم ابها
والسموحه ع التأخير
بس موضوعكم غاوي
فما حبيت ادش من دون ماااشارك فيه
.
.
المزيونه
ما انساج امتعتينا اب معلوماتج الحلوه :ice: والسموحه منكم / الشوق
اسمحولي حطيتلكم هاي الصوره لان ما عندي صور عن اللي اتكلمت عنهم .. فاتقبلوهم مني

[بنت الدلع]

وعلـــــــــيكم السلام والرحمه ..


خششــــمج ><

عاد نحن ماعندنا عزبه
ييت اسمع سوالفكن

وماشالله غاويه & interesting

المزيوونه : ماشالله عليج لاعبه الدور صح :ice:

تسلمين حياتي عالموضوع الحلو

وان شاء الله متابعين

[المزيوونه]

دمعة شووق

مرحبتيييين السااع .. خشمج الغويلي ..
بخير وسهاااله طولي بعمرج .. ومن صووبج؟

"ني" .. حيهم العوامر شعنه تقلدينهم ..


انتوا بتيايير المواتر .. خخخ لا هاييل ما يزلقن .. نحن يفروولنا الدبب المنتهيه
صلاحيتهن الي هن يمزرونهن مااي حق العزبه .. وطبعا ينقصن بالنص ونتفيزر
عليهن وهووب نزحلق من فوق لتحت .. ونااسه والله ..

خخخ والله ماعرف كيف يكتبونها بس يوم انطقها حرف التاء عندي يغلب فتطلع
تتتتتتتت وفيها نكهة حرف السين خخخ .. والي تنطقينها انتي بعد هاي اقولها
خخ تحيسين اللسان ع شج وماعرف يختي كيف يظهر ها الصوت خخخخخ

هيههييي ترا انتبهت عقب ما رديت قلت ماعليه نجامل ناقتنا ونغنيلها ..

وتسلميلي الغويلي .. الله حيهم ..

عجيب نـاقتكم ,, تعيب بعـد brgll:

خيال الرووح .. هاي هملوووله والاجر على الله :harhar1:

ما انساج امتعتينا اب معلوماتج الحلوه :ice:

فديتج والله.. تسلميلي الشوووق ..

المزيوونه : ماشالله عليج لاعبه الدور صح :ice:

بنت الدلع .. شوو بدناا نعمووول خخ .. يوم نبى نغير جو سرنا صوب العزب
ونستانس ..

[دمعة شوق]

وعليكم السـلام والرحمه
هلا ومرحبا الساع بـ حلم الطفـولة
مرحبابج من بينا فديتج قربي قربي
بتقهـويـن.. حيبـج ؛
http://6rb.com/song4/uae/mai7ad/mai7...il_mazyoon.ram
وفالج طيب هالاغنيه اللي تقصدينها
وعاد اتريا رجعتج وتسولفين ويانا بـ سوالفج الغاويه
وهالله هالله بعمـرج ؛ فحفظ الرحمن

؛؛؛

[دمعة شوق]

الله يحيج ويبجيـج يـ الجـنيـه
ومرحبابج الساع والله
؛
عاده هل البحر بيتخققون ومابيون صـوبـنا
:sadwalk:
تعالوا قربوا سولفوا عن حياتكم البحريـه لـووول
يالله اتريا سوالفج ؛ ورقبي منا السوالف والصور إن شاءالله
وإمره ماطلبتـي إمبونا بنقـهويكـن ؛ بس انتي قربي صوبنا
وبتشوفين اللي بيسرج فديتج
؛؛
ارقـب عودتـج وسوالفج
ربيه يحفـظج

ويامــرحبــــــــــــــــ انـــــــــــــــي