[||][~الـقـامـوس الـتـراثـي ~][||]

[حلم الطفوله]

إخت والقفعتين هههههههه

العثره =دعاء بالطيحه يعني التكربيع والسقوط

شو معنى ( النييره )

[مجموعة إنسان]

يعني ان شاء الله والواحد يمشي يتعثر بشي ويخليه يطيح على ويهه


وشوو يعني

دحق؟؟؟؟؟؟

[حلم الطفوله]

دحق ... يعني امكثر بالأكل زياده عن اللزوم ووصل مرحله إنه يغص ههههه

مجموعه كلمتي التراثيه

( النييره ) شو معناتها ؟

[مجموعة إنسان]

االنييره يعني اللي منوره ههههههه

شو عرفني عاد
ههه

هالعيوز طفله (شلون طفله عيوز) ههه
المهم هيه بتجاوب عليج ما شاء الله عليها قديمه ههه

[طفلة من هذا الزمان]

على فكرة العثرة مب دعاء بس بالطيحة // دعوه تتعثر كل اموور المدعي عليه بعد

انا بجـــــــــــاوب ،،

نفس المثل اللي يقول :: لو كل من يه و نير .. ما تم في الوادي شير ،،

النييره هي النجـــارة اظني ...

كلمتــــــــــــي // شو يعني (بشتخته)

عاد ماقدر ارد ورا و اشوف جان حد طراها قبل // جاوبواا و انتو مغمضييييين

[حلم الطفوله]

بشختت حسينوه بدرب الزلق هاي

الاسطوانه مال أول !!! بمثابة دي في دي جديم


شو يعني جوالع ؟

[طفلة من هذا الزمان]

مشكووووووورة // ما احرجتيني على المـــلأ و قلتي اجااابتي غلط ..

من عيــن هالشيبة مجموعـــــــــه // قال عيوز قال

انصحح // و العهـدة على حلووووم

النييرة أكلـــة تتكون من الطحين و المــاالح // و اللي بخااطره يسير يطلبهاا من خاالوووه ام حلموه ،،

جوااالع>> اسميهــا مشهورة في الواحات

جوااالع يعني سوالف وحركــات مش ولابد

كلمــــتي // و ابا بس مجمووعه يجاوب ،، ابا ازيد قاموسه الترااثي

شو يعني ( من بونـــــه )

[مجموعة إنسان]

ههههههههه

يالعيووووز هذا وانا معتمد عليييج طلعتي ما تعرفيين هههه

انا حتى التراث اليمني اعرفه هههههه

ومعنى كلمتج يعني منه وفيه يعني بدون تغيير
هههه متوارث من ابوووه هههه


زين شو ييعني ماشي كماش ?؟ ههههه باليمني هذي ههههههه

[عهد الوداع]

من وين يايب هالكلمه !!!!



امممممممممم


ممكن تكون بمعنى لا يوجد لك شبيه

[طفلة من هذا الزمان]

ابشـــــــركـ // حتى انته يالشيبــه طلعت مااا تعرف ..

اجاابتكـ غلط و حــاول مرة أخــرى ......

و حاولت اجااوب على سؤاالك بس قـاموسي الخيمــاوي ما يحتوي الكلمـة اللي قلتهـــــــا ..

من بوونك مضيع يالشيبـــه

[أمطار]

من بونك = already
على حسب معرفتي يعني!!

أو .. يمكن مثل "من بومه ولا من حلوكمه" ~ أتحداكم تعرفونها! ههههههه

[عهد الوداع]

اممممممم


شو يعني الخيله

[طفلة من هذا الزمان]

أمطـــــــــــار ،،

عصرت مخي بس ماستوعبتهــــــــا .. اترك المــايك لغيــري
.
.

عهــد الوداع ،،

الخيلــة يعتبر واحد من العلاجات اللي كانوا يستخدمونها الاوليين .. عبارة عن حبــات صغيرة تعـالج عدة أشيــا المغص من بينهـــــا // كل الشكــر لماماتي اللي غششتني

قــاموسي ما يسعفنـي بكلمــة // باخذ لفــه يمكن ايي ع بالـي شي وبرجع

[حلم الطفوله]

طفله الخيله لها استعمال ثاني بعد ... تقضي على ديدان البطن !!

ويقولكم بعد يوم بتاكلونها اصرطوها بعد ما تغلفونها بالسح لأنها تسبب سقوط وتسوس الأسنان بعد

يبالي أدش طب شعبي !!! وبشربكم طبيخه

شو يعني طبيخه ؟

[طفلة من هذا الزمان]

خبرتنــي أمايه // بس لاعت جبدي من الفكــرة و ماطعت اقول

والطبيخه اترييني لين بااااجر بســألها / سارت تررقد فديتهــا

بس اسميـــــه نــصج لبــدوي طااااااغي // الطبيخه يستخدمونها الحريم تنظف الرحم ويقـأل انها تشد الجسم

لا تسأليني شو مكونــاتها اليوم / باجر بخبرج