[||][~الـقـامـوس الـتـراثـي ~][||]

[طفلة من هذا الزمان]

بماا ان المنصووري ماحط كلمـة ،، انا بعطيكم //

شو يعنــــــــــــي (منحــــاز)

[حلم الطفوله]

المنحاز ... هو الهاون ...يعني اسطوانه مصنوعه من النحاس أو الحديد ويدقون فيها

شو يعني طبجه ؟

[المنصوري]

يوم إنكن راعيات تراث حق ليش محد يطرح شي في التراثية .. زعلييييييييت :(

[طفلة من هذا الزمان]

المنصــوري // حق بس // و انته حق ليييش ما تحطيييي كلمااات

انزين بجــاوب و ان ما طلعت صح إتأكدي ان عينه قووووية هالمنصووري ،،

طبجة تنقـال للنعل مثلا يعني النعال يتكون من طبجتين .. و تستخدم حاليــا بكثرة عن الربع اللي وااايد ويا بعض - طبجتيه - ماااحب هالكلمة مادري ليش

انزين شووو يعني (ميهـــــــــود)

[المنصوري]

يغلق الموضوع ويرفس مره ثانيه للواحة التراثية

انا ميهود لأنكم ما تطرحون مواضيع .. بش شاطرين تتحرطمون





أصعب شي يوم تتكلم مع واحد هب من بقعتك ( هب من بني جلدتك ) .. وينشدك شو يعني هالكلمة اللي استخدمتها .. واتم اتحاول واتحاول اتفسر له شو يعني هالكلمة وخلاف .. فسر بعد جهدً الماء بالماء

[دمعة شوق]

حلـو تفآعـلكم فـي آلموضوع

عسـى دوم آن شآءآلله
,,

آلمنصـوري

بفـرض آنـك حطبت كلمى بئعـه

آقصـد بقـعه

البقعه اللي هي المكـآن ,,

,,

كلـمـة ~ سـمـيـك

[طفلة من هذا الزمان]

مممم بجاوب بس شااكه

سميــك بتشديد الياء صح؟ يعني اللي مسماي عليه !! ولا؟

[حلم الطفوله]

إختيييه طفله

ما حطيتي كلمه تراثيه !!

شو يعني ( سهام) ؟

[مجموعة إنسان]

سهام جمع سهم هههههههههه


انا بقولكم
شو يعني أغتبق !!!!!
هههه

ما يعرفونه اللا اللي عندهم نووق هههههه

[حلم الطفوله]

مجموعه غلط !!

سهام يعني حرارة الضحى إلي نحس بها هاليومين !!


شو يعني اغتبق؟

مشكلتي نصي لبدوي يتغيجج أحيانا !!

[مجموعة إنسان]

ههههههههه
معقوله ما تعرفين شو يعني اغتبق؟ ههههههه

اللي يسمع انا كنت اعرف
حتى اول ما سمعتها بغيت اضرب اللي قالي اياها فكرتها سبه هههههه

معناها اشرب

[دمعة شوق]

مممم بجاوب بس شااكه

سميــك بتشديد الياء صح؟ يعني اللي مسماي عليه !! ولا؟

صـح :)
..

مجموووعه ووين الكـلمـه !!!


كلمـة ( وخـر = لـزي او لز )

[طفلة من هذا الزمان]

معنــاها قــوم منــاك / أو خــــــــوز (الله يرحم خوز يا قمر بيلس مكــانك)

انزين كلمــــتي

شو يعنــــــــــي (سحــــــاره)

[حلم الطفوله]

على حسب يا طفله

سحارة عيش وإلا سبوس وإلا طحين بر

سحاره =يونيه = خيشه على قولة لكويتيين


اليوم وأنا أمشي امبين لصفوف أسمع بنت تقول لربيعتها ( علج اليهد )

هههههههه

[طفلة من هذا الزمان]

خيبــة // مب هينــات هالبنـــــات

ليكــون تبين معنــاها بس ؟!!

وحليلها اللي دعت عليها / برووحهن البنـات مادري شو فيهن هالسنــة // المخيخ مشووط و يالله يالله يستوعبن ،،

المهم علهــا العافيــة

داام بدينــا ندعي // شو يعني (والعثــرة)